唯一雲貴川風味

营业中

休息中

幾年前已經聽聞呢間野好多人等位, 昨天終於有機會百忙抽空一嘗, 結果另人非常失望。1: 排隊等位果時d阿姐行來行去, 搞到排緊隊既人閃來閃去, 從而撞親食緊野既客人。2: 入到去一坐底, 阿姐已經急不及待催人落單,言念多陣都望實你。3: 米線泥到, 1食落去已經覺得失望, 湯底完全唔夠味, 雞翼尖淡到, 結果本人食剩半碗...4: 坐位太窄, 明明張木台坐6個人已經頂住後面, 仲面叫多2個人搭木台!!!5: 埋單,出左門口, 老版娘追出泥話有罐野未比錢, 同佢理論, 跟本係上一手食完佢無收返個罐, 惡人先告狀, 1d禮貌都無。總結, 無下次, 佢呢個價錢我係出面食第2間仲好食過佢.

價錢貴過出面同級....無乜太特別...不過好濃味....腩肉最好食...但係服務態度真係好差...D阿姐大多數係內地人...無禮貌...總結:尼個價錢, 尼個服務態度....幾好食都無用...

因為見到咁多人都話好食, 又的而且確每次都好多人排隊, 所以今日見去開荃灣咪去試下囉...我揀左酸辣+腩肉+雲吞, 我老公就食酸辣+腩肉+魚旦, 好奇怪, 點解酸辣都算係一樣餸呢??? 佢0既酸辣湯底, 唔致於好辣好辣, 但就會令人好想咳, 我同老公一路食一路咳, 一路要飲品送住黎食, 都真係幾狼狽... 最終我老公都食哂, 但我就只食左一少半...講返d餸, 佢0既腩肉係冇肥0既部份, 亦都算淋, ok..而雲吞呢, 比較硬, 唔叫做好食.. 魚旦就一般, 好普通0既魚旦囉....

好是好食﹐但痾了一天。不是說它污糟﹐但它的辣不是人人受得。叫少辣都無用。都很辣。

每次都會叫腩肉＋蘿白．．真係好好味呀．．湯又冇乜味精，食完唔會好勁渴．．同埋ｄ腩肉真係好正．．蘿白又夠甜又林．．好抵食～

次次去依間都有人排隊..$2x 一碗黎講算係幾抵,,因為都幾大碗..我好鐘意果度既酸菜+腩肉..很好味..唔食得辣既就盡量唔好叫辣啦..因為小辣已經好辣架啦..

今晚又去呢度開餐La ...自從我男友4年前介紹我去雲貴川食米線之後，係呢4年間，我地一星期起碼去一次(如果不是距離我家遠，我一定去得仲多)……我鍾情他們的米線味道，唔單止夠晒辣，又夠大碗，一碗加底已經足夠2個人食到飽住走，而且價錢又平！正我至愛"腐竹腩肉紅腸炸醬中辣米線" …腩肉不似其它鋪頭咁多肥膏，瘦瘦的但不會(孩)！腐竹吸收左中辣ge湯，好正！紅腸薄薄的，但有好多舊，又入晒味！炸醬粒粒分明，不似其他鋪頭的一(pat pat)！唯一要改善係地方太細，好迫，人碰人的。食飽都唔敢坐住休息一下，怕阻住人ma！！！

呢間米線，本人從舊店食到而家既新店，再食到有分店，可能食左好多年，唔多唔小係有感情，無可否認，他的味道是退步了小小，但仍是其他米線之上。腩肉必食辣味是比其他米線店為辣，起碼滿足到本人的要求，因為本人喜歡食辣，每次也會食中辣，因為夠辣同好味，食完有種好滿足既感覺，大大碗總是食不完，雖然已叫了小米線。當然咁既價錢，預左環境唔可能提供什麼高質素，但呢方面可以有進步既空間！

點解搞成咁！！又一間食店在我的清單中除名！剛過去的星期六，往荃灣做事，午餐又想起很久沒有幫襯的"他"，一如以往，門口排著長長的人龍，太太不想排隊，拉著我走，走了兩個街口，看見失望的我，太太回心轉意，我們一同排隊又迫又坐得唔舒服是意料中事，但想唔到，送來的是一碗黑麻麻鋪滿油的東西．辣，我不怕，但難食，我真的受不了,根本同我印象中的"他"是兩回事，發生甚麼事？！！那支外發過來的豆漿，跟本是糖加水，怎可以拿來見人？？我們差不多原碗留在檯上，作無聲抗議，痛心地離去，原想吃另一間在路德圍的米線，可惜心情已被弄壞了！

lee間野我都食左好多次啦...味道都仲係咁好...ok..繼續去..哈哈...

都叫做試過幾間雲南米線，但對這裡真的留不下一個好好食既印象，不難食..當然..但肯定不會排隊去食...可能係我地似唔食得辣，就算叫中辣都係冇咩驚喜...大堆頭是必然的...大部份雲南米線館也是如此食物一般，但更糟的是...環境真係差左D食下無妨...但唔好抱太大期望

不論同事, 朋友都勁讚, 怎樣也要拉我去一試, 坦白說, 若非他們極力推薦, 相信我和這間雲貴川肯定會緣慳一面的!那次去到, 樓面已坐滿, 而且出現人龍, 心想真的如此好吃, 排隊都要吃嗎??朋友不想等, 侍應嬸嬸就帶我轉個彎上樓去, 坦白說樓上的環境真的很一般, 是較我預期的差, 環境黑暗, 環境不甚乾淨!不過既來之, 則安之, 我簡單叫了一個腩肉麵, 麵是甚有看頭的大碗, 腩肉吃去不錯, 不肥, 有肉香, 算是不錯的了, 麵則是一般的米線, 勝在夠大碗, 男孩子亦應該夠飽!麵亦有大量的鹹酸菜等作配料!食味算OK, 服務亦不敢有太多要求, 但正如其他食評所講, 環境是有必要改善了, 總有一種不是太衛生, 坐得不很自在的感覺, 我特別受不了那種鹹酸味(可能是個人問題吧!)(坦白說現在的麵店也做得很「企理」的了)否則我覺得兩者取個平衡, 我會選擇其他食肆, 陪朋友吃吃倒無坊, 自己一個相信我會另作他選!

本來是去看電影的一晚, 但看過劇情簡介後還是放棄(連簡介也看得一頭霧水, 算吧), 反正有時間, 改去吃東西自然是最理想的. 想起一直都想試試雲貴川, 又巧合地找到一位順路的"飯腳" 便專程來一試.其實這裡並不算小店, 起碼比附近的"川味"要大得多, 但依然爆場, 似乎頗受街坊歡迎. 由於人多, 坐得比較逼也是預計之中, 街坊食店嘛, 也無所謂了.坐下看看, 似乎不見有麻辣米線可選,問問替我們寫單的阿姐, 才知這裡只有分大中小及不辣, 卻無麻辣可選, 但配料方面則有豬頭肉及腩肉均以麻辣作調味, 於是就選了這兩樣, 另加豬閏.米線則要了中辣.下單後等了約三分鐘左右就送到面前, 效率不錯. 褐紅色的辣油差不多蓋過了所有米線及湯, 而且看得出當中有不少炒過的辣椒碎, 單論賣相是頗有"挑戰性"的. 先喝一口湯, 是偏濃口味的一類, 辣度跟其它米線店的中辣差不多, 但亦一如預期, 麻味不重. 始終不是掛著麻辣的招牌, 也收貨了. 配料份量十足, 絕無欺場. 腩肉味道還可, 但就瘦了一點; 豬頭肉則幾好味, 如果不怕肥的話, 吃得過; 豬閏則切得較薄而煮得老了一點, 一般.期間被辣油嗆了一下, 咳

冇我想像中咁好~碗野一黎好多油. . .地下又好油~嗯~唔好比咁大期望

係一個朋友介紹我去食既,我覺得樓下既環境係有小小問題,但係樓上就冇乜問題,我最鍾意食腩肉,豬肚加醬爆貢丸,超好食呀真係,不過唯獨是o個d料係凍既= =不過浸返落去都冇事,真係幾好食