唯一雲貴川風味

营业中

休息中

對酒當歌，人生幾何；有食唔食，罪大惡極。吾人天生貪咀，為嘗美食，多次求教於OPENRICE。如今投桃報李，遂為文以富OPENRICE之食評 。往日食評如今一一上載，回想從前食事，或搖頭莞爾，或手舞足蹈，人生之極樂也。 嗜麵如命的女友帶我嘗盡各處美味麵食，是日造訪麵線米線之鄉荃灣，何能不拜訪門庭若市的雲貴川耶 ? 雲貴川者，雲南、貴州、四川之合稱。雲桂川又是另外一家，而當中桂字似指雲桂川黔的廣西桂林，而非貴州。以麵而言，雲貴川可說同系麵食當中之牛耳。其湯料辣味濃而不濁，麵線口感佳，吸收湯汁後味甚美。豬腸和小肚均出色，魚蛋中規中矩，而豬腩肉味道平庸，肉質韌而久咬口，在水準之下。但暇不掩瑜，我對此店是不吝讚賞。 此店地面油膩，走路時務必小心

呢間野係荃灣四陂坊死角，大二三四陂坊本來就難分難解，仲要在死角，但都唔離奇，最離奇係好長龍。之前食過一次，覺得只是一般，但老公最近食過話好味，原因係上唔識叫餸，所以今日再黎試試。兩個人各叫了一碗兩餸米線，唔好以為好少，底仲有好多芽菜，佢一碗真係好大，一個女仔真係未必食得晒，老公都係勉強可以食得晒一碗。豬脷腩肉米線：老公點的，佢覺得呢度最好味就係呢兩樣。兩者都係用辣醃過，就算湯底叫唔辣，但因為有呢兩樣餸，所以都已經夠辣，再辣真係頂唔順了。豬脷平時少食，佢地整得幾爽口，腩肉好入味，真係唔錯。肉燥雞翼尖米線：肉燥好多，但都係老問題，好易溶晒係湯度唔見左。雞翼尖滷得入味，份量唔少隻隻肥肥咁，滿足晒我呢ｄ喜歡食雞翼尖（皮）既人呢。但兩碗真係太多，叫一碗又唔係咁好意思，有機會再食吧。

食左呢間野都有幾年啦!每次出親荃灣都要食一次先滿足!今日就食左 腩肉+雞尖雞尖好入味同林而我就鐘意腩肉令到個湯底更好味!不過等位就耐左少少...

I went with my mum there last sunday for lunch !! We added extra noodles and 雲吞,貢丸,腩肉.It came really quick and it was really tasty. One thing, it was way too hot when i was eating it. And the service, wasnt too good in my opinion. It was still too much for both of us !!! We couldnt finish it !Will definitely come next time, becuase of the 雲吞and 腩肉 !!!!

自己一向去開荃灣都多數會兆和街既"雲南小鍋米線"一直都心思思想試呢間成日排晒長龍既旺鋪,機會黎啦,五點幾經過見唔晒排隊,gogogo~~叫了個四餸(炸醬+腩肉+醬爆豬肉丸+蘿蔔) 米線夠大碗,唔錯!!首先試左啖湯先,除了有比較香腐竹味,酸辣味唔多夠,炸醬+腩肉...無乜驚喜,只是普通ok~~醬爆豬肉丸...一無是處,蘿蔔.....唔錯,都幾甜幾入味.整體成碗米線我會俾70-75分.ps#成張圓枱計埋我五個人,個個都食到成頭大汗,望望店內2部分體式冷氣,只開了一部,坐到爆晒,我頭頂果部何解唔開呢!! (見自己食了三份二,費事多口叫佢開啦)唔夠冷氣要多扣10分!! (整體 60-65分)

一行兩個人係朋友仔介紹~話呢度好食所以黎試下黎之前佢都同我講~2個人唔大食加底都夠~唔洗叫兩碗好彩佢講一講~我地2個人都爭d 食唔晒叫左豬腩肉,雲吞,貢丸同腐皮豬腩肉~好食呀!夠辣都又唔會過份雲吞真係幾特別~佢係用酸茶係涵!唔同一般用白菜,多左一份爽口頁丸同腐皮都冇咩特別下次都會再黎食除左好食之外~因為佢可以外帶飲品!

同男朋友睇完戲之後就黎左荃灣出名o既雲貴川我叫左豬腸,酸菜同腩肉米線同豆漿好入味!碗面大大碗,我勉強食得曬!一碗面可以頂成晚!好味又抵食豆漿就冇特別啦~堂食環境真係麻麻,又要搭台~如果可以,外賣會係更好選擇

最僻既地點, 最長既人龍由細已經家住荃灣, 近幾年荃灣被兩類食物供佔: 米線 & 珍珠奶茶雲貴川風味, 可算是眾多米線鋪中最僻, 而又最長龍既一間, 雖然我住荃灣, 但老實講, 我都唔想排咁耐, 心信總有一天會食到吧!最近機會來了, 因為受傷了, 每星期總有一天要覆診, 正好令到我可以在平日3-4點去食, 唔好以為呢個時候會少人, 其實都係爆滿的食過幾次之後, 得出以下"心得":1. 其實佢係有唔辣的, 但因為d餸本身係用辣椒醃過, 所以如果你只係食到小辣, 建議你都係叫唔辣, 到你真係唔夠辣再叫佢加辣or俾辣油你比較好2. 餐牌上的"組合", 可以不理, 其實自己配搭都係一樣每樣餸計3. 非常大碗, 一位女仕應該未必食得晒一碗到推薦配料, 我會覺得腩肉, 豬脷, 山根, 腐竹, 雞翼尖腩肉: 本身已經醃過係辣的, 非常入味, 但不吃辣的人要小心豬脷: 一樣都醃過, 平時比較少食豬脷, 原來爽口得黎辣辣地係咁過癮的山根: 無需多講, 山根吸左湯再食, 一流腐竹: 鮮腐竹一樣吸左湯一齊食, !雞翼尖: 滷得入味, 而且份量唔少, 包滿足食雞翼尖既人長龍有因, 一試便知龍與鳳

好一段時間沒有到雲貴川食,因而時間一唔啱的話就要排隊,而昨天五點半去就唔洗排,兩個人叫了一碗 豬腸,豬肝,腐皮,腩肉,中辣米線 $45兩個人都好抵食以前食開少辣已經夠皮,唔知點解近幾次都無料到所以今次叫咗中辣,終於有返d辣味,四個餸裡面,個豬肝就最唔掂,因為煮得過火又或者返煮所以硬硬地,而個腩肉就好似無以前咁辣

食左雲貴川已有幾年時間, 早幾年真係好好食, 如果多過一星期無去食, 會有心癮的 ^^但上年無左個肥仔廚房後, 質素大降, 一向的酸辣咪變成我最受不了的麻辣味 所以離棄過它一年, 轉左去對面間四川店. 這兩個月再去食, 水準雖及不上以往, 但也有七,八成相似了. 我又開始我的一星期一辣麵的生活了 兩個人食的話, 叫"加底"share來吃會抵食d, 又可以試多幾個餸希望新年後不要再加價就好了~

之前找了好久，終於找到四陂坊這紙紮鋪當鄰居的米線鋪平常都會點 酸辣+貢丸 或 酸辣+雞翼尖+豬頸肉米線即使泡一段時間也不會稀軟配上豆漿水便能享受這味覺上的刺激感當然，喜歡汽水的朋友， + 6蚊 就有一罐汽水p.s 不能吃辣的, 叫小辣或不辣都 OK (:尤其喜歡吃辣的，必定要去試呀！

其實都食過好多次啦~今次係同個朋友仔黎食~特登係旺角都要搭返過黎食~因為我同佢都係會無端端好想黎呢度食野既人=]可能今日夜左d去食...同埋係閒日...所以唔洗等好耐就入得去食~今次我地叫左個腩肉豬肚米線加底兩份食~因為呢度份量都幾多....一個女仔應該係食唔晒既本來想食豬大腸!!不過一早都知道咁夜應該會賣晒架啦~因為真係好好食!!碗米線一捧到黎係超級香!!腩肉好好味好入味~keep住一貫水準~呢度既腩肉係我食過最好味最入味架!!我第一次食豬肚...以為好似平時車仔麵咁啦...原來佢係豬肚絲~同樣都係好入味!!同腩肉一樣有少少辣...因為我唔係好食得辣...所以鐘意叫腩肉呢d有少少辣味既餸我地2個食到好滿足~連湯都飲埋!!我覺得呢度個湯底味道岩岩好~因為我會嫌譚仔個度既湯太清...呢度濃得黎又唔會太咸~真係好好味!!最後埋單都一人19蚊咋!!真係好抵食!!我地2個都話...食完呢度其他米線都被比下去!!不過如果你要計服務計環境就一定爭d架啦...不過有時為左食好野都無辦法啦~

呢日放左學，唔知點解會黎左呢間食。我對呢間既印象真係好麻麻，佢地話去我先跟埋去。腩肉米線今次醒目啦，叫番小辣啦。因為加辣就係等於加油，食咁多油對身體都唔係咁好。腩肉就好多肥糕，無乜肉味。米線都係普通啦。今次坐左樓上，個樓底好矮，好大壓迫感。

近一年已經每況愈下, 今次再一食, 豬潤唔掂, 完全沒有再用辣粉調味, 而質感是粉粉的, 很難吃. 當中不知怎的, 混了一件豬腸 ~~ 豬腸是3年前在此店一吃後做成了陰影, 此後在所有地方都不再吃了, 為甚麼? 豬腸可以有mud? 我當年絕對應為吃中了.

禮拜四個同學叫我過黎呢度食，呢間野都幾出名，幾時都有人等既。我地都等左一陣，佢地會幫你落單，等你快有得食。但呢間野好迫，坐得好唔舒服。大辣米線雖然表面上有層紅油，但你唔使驚。佢地話點樣好辣，但我一都唔覺。而只係覺得好油，話大辣但一都唔辣既。真係高估左佢。講一講先，腩肉都唔錯既，肥瘦適中。而水餃應該只係某某牌子既貨色，呢碗米線最多既係芽菜。配料多到乜咁。呢間都令我幾失望，坐又坐得迫。碗米線又唔辣，我就係想要食辣既快感。下次都係走番去譚仔啦。