十二味 (赫德道)

营业中

休息中

酸菜魚係係香港都係第一次食 ! 呢到都幾大，同埋位置好方便，好近地鐵站 ! 座位都幾闊落，落單方式係掃QR Code 再自己簡，主食我地就叫左酸菜魚，呢到有好多種辣度可以簡，因為自己唔太食得辣，所以叫左小辣，呢個配埋水晶粉。 前菜係涼拌既瓜，少少辣，幾開胃 ! 酸菜魚上台個陣會有2個勺，一個係比你舀湯，一個比你隔開湯舀魚，好貼心 ! 入面有酸菜，魚塊，辣椒，水晶粉等等，幾濃味，我地仲叫左個白飯撈住咁食 ! 魚塊每一件都好大，而且好滑身 ! 之後叫左個紅糖糍粑，上面有點黃豆粉，好好食，好煙韌 ! 野飲叫左杯熱情果梳打 ! 估唔到又幾好飲，又唔會太甜，好清新 ! 呢到既員工態度都好好，成日會過黎睇洗唔洗加水 !

今晚想食辣野，行過尖沙咀見到呢間「十二味」裝修得幾酒吧feel, 價錢唔貴，重點係食川菜🙈 坐低叫幾樣撚手小菜睇下得唔得先，呢度staff都好少，因為好似大陸咁係用QR code 落單既☀️川香回鍋肉$98好大碟，回鍋肉肥瘦適中，應該係5花腩切片，辣椒夠麻夠辣，川味就十足✌🏻✌🏻☀️蔥油拌麵$38本來想叫飯食，不過見到好多人叫呢個拌麵，叫左黎試吓，味道都可以，如果蔥味再濃d更正😝☀️干扁肥腸$98我最愛食呀，煮開飯都知道肥腸係好麻煩既野 ，又要洗又要曬 先整得好食，今晚呢個絕對好滿意😁夠乾身+脆口！☀️燒椒皮蛋$48黃金皮蛋配特別醬汁，其實食左都唔知係咩味，不過係好好食 下次要再食下其他野😉😉

話說去親尖沙咀食飯來來去去都係食日式放題呀咁 !難得今日個心情好想食辣， 就想起大陸的同事提起過十二味，佢地話味道夠正宗可以一食。呢到好電子化scan QR Code 就可以落單。我就直接order 左 酸菜魚(小辣)加配可樂一杯， 一來到我急不及待試一口湯先，酸酸小辣味道 一湧而上 好刺激味蕾，我就直接倒哂d飯落去吸湯，魚片剛剛熟夠滑溜。仔仔唔食得辣，就自己叫左個 黯然銷魂炒飯，炒飯炒得夠乾身粒粒分明又有蝦粒好豐富。仲有仔仔最愛的蒜泥青瓜 ，夠凍清爽。最後我上 facebook 見到 like and share page 就送冰粉， 冰粉加上桂花糖好甜蜜解辣一流。

今次黎呢間餐廳，真係一個挑戰，一個唔食辣既人黎食川菜。一入餐廳就有隻大熊貓喺門口，沿樓梯上去後都坐到半滿。坐底後要用QR code自助點餐，好彩呢度有唔辣既嘢食，叫咗一個酸菜魚、青檸蝦球同一杯飲品人見人愛酸菜魚連粉條：第一次食酸菜魚，超大盤，先試個湯，酸酸地但好濃郁，魚肉鮮嫩，盤中仲有水晶粉條、萵荀、酸菜等配菜，食唔停杏仁青檸蝦球：蝦球炸得香脆可口，蝦球十分彈牙，配上青檸醬酸酸甜甜，好開胃呢間係間好有驚喜既餐廳！

呢間餐廳叫十二味，第一時間就諗會唔會係同謝霆鋒有關係，所以搜集下資料啦！結果當然唔係。。。但就知道咗呢間餐廳係食四川嘢， 近期我都比較喜歡食四川重慶嘢，雖然同謝霆鋒冇關係，但都決定試下啦！就係因為同謝霆鋒冇關係，諗住叫少少小菜試下先，叫咗川香回鍋肉，川式口水雞，乾煸四季豆。。。哇，回鍋肉同四季豆咁大碟嘅，好彩冇大魚大肉啫！味道都幾正宗，做到七八成左右啦！但口水雞冰凍得滯，要攤一陣先啱入口， 紅油做得好香好麻，好正！四季豆加咗麻，但我覺得都唔夠麻，呢個程度算就返香港人口味！因為食個四川嘅回鍋肉關係，覺得呢個回鍋肉若果爆得更香更脆就更貼近四川口味。響香港食到呢個質素嚟講，已經好好。題外話，餐廳係用qr code點菜，同大陸餐廳好似，客人傾計都比較嘈，呢一點都好相近！

原本我唔中意食辣，但因為酸菜魚而慢慢愛上食辣。見到呢間正宗川菜當然要去試下！餐廳位置係K11附近，門口放咗部夾公仔機同大熊貓公仔。旁邊仲有個百子櫃，可以打卡用~餐廳要上一層，一眼望落空間好大，坐位都闊落。裝修主要紅黑，可能因為俾人唱歌，除咗卡位都比較暗一坐低，台上已備有前菜，係辣椒蓮藕，一啖咬落去，食到好香嘅辣醬味道，之後就感覺到嘴同舌頭都麻痹🤣呢到要用手機落單，跟住指示做就得嫁啦！（雖然落完單後話有服務員到座位旁確認，但我哋食個日冇。唔理，有得食就得😂)食辣野必備：酸梅湯同啤酒餐廳提供多款酒，雖然價格有點貴但款式多。有啲啤酒會有優惠酸梅湯：入面加左西檸，酸酸甜甜，好解辣！食物當然係"人見人愛酸菜魚(配粉條)"：湯底應該加咗魚湯，而且用上三種不同品種的酸菜混搭而成，口感爽口又酸甜。魚質亦嫩滑，再加入指天椒，花椒等，有齊四川菜麻、辣、鮮、香這4大元素！ 食酸菜魚當然要加粉條同白飯好送飯！總結：正宗川菜好夠味呢~中意食辣嘅可以同一班朋友一齊食！

今日同同事去左尖沙咀搵好野食，比我地搵到一間超抵食既川菜餐廳！呢間餐廳好中國風，入面亦都有好多客人！呢度係用QR code落單，好方便啊！你冇睇錯！係60蚊就有齊圖中咁豐既午餐，有大大份既川式口水雞、白飯、小食、酸梅湯，仲送埋冰份啊！平時叫酸菜魚都要二三百蚊，午市套餐平平地就可以食到，魚肉嫩滑，仲有埋萵荀，酸酸辣辣，好開胃！我地仲叫左份田雞麻辣香鍋，好耐好食過田雞，田雞真係好惹味啊，仲有啲薯仔同蓮藕！午市仲有冰粉送，解辣一流！

去K11附近逛街時，被門口的一隻大熊貓吸引笑了🤣🤣都沒人扮，但又打扮得像有人在公仔裡，真的笑反了🤣🤣🤣於是，便進店看看，吃一頓開心的午餐了😍😍一上樓，便有兩位店員積極款待，當安排到座位後，就有禮貌地叮嚀我，要用枱上的QR 碼點菜，真的有意思，夠特別🤣🤣🤣心想電話沒電怎麼辦🤣🤣不怕，店有充電器可借用🤣🤣🤣點了午市的花生宮保雞丁套餐~有花生及酸梅汁配上😍😍宮保雞丁~很好吃惹味，微微的甜配上麻辣，伴飯一流👍酸梅汁~比平日喝到的好喝太多了，不會酸，但又味道剛好，還有淡淡的桂花味~燒椒皮蛋~透明的蛋白層，打卡打到沒電了🤣🤣配上調味汁一同吃下，辛辣酸的味道，爽😈酸辣木耳~餐前小菜，非常開胃，一碟吃不夠紅糖糍粑~這個推❗❗外脆內軟，配上黃豆粉，沾上糖漿，吃完這道甜品超滿足❗❗

是日在尖沙咀工作，同事與我看見這間餐廳，門口掛著一串又一串紅紅的燈籠🏮，而且午市套餐價錢相宜，就決定入去試試。由於我們不太餓，所以點了一客午餐和一些小吃分享。點餐是掃QR Code的自助服務。酸菜魚套餐配上白飯，份量算多，不會太油，而且不會太酸。之前到中國旅遊上餐館都很喜歡吃土豆絲，可是在香港比較少見這道菜。難得在這裡遇上，就要試試。涼拌土豆絲不會有油膩的感覺，是不錯的小吃。這個蔥油拌麵不會太油，好吃。最後以幺妹兒冰粉作總結，味道不濃，就是清清地。

朋友介紹下，到了十二味吃飯，從聽名稱都很神秘，不知是吃什麼麼菜式的，我太忙了，當天進到店門口，哇，很有格調又有氣氛的餐廳。超棒首先要上一條長長的樓梯，轉一個彎就上到餐廳，餐廳內有非一般的卡位，位置非常寬敞，再次強調很有風格，超級喜歡。而且在餐廳的中央位置有一個大熒光幕，可以夾band 或唱K，超級有氣氛，合男女朋友或朋友聚舊。再說一說吃川菜都有這麼有型的環境真是跟上潮流，而且下單還是用掃QR CODE 下單，卡卡卡卡，超方便。食物的辣度可自由選擇，我很少會讚好100 分的，無論是清炒或是主要出名的川菜，都好味到不能出聲。價格方面都是合理的。

This restaurant has actually been on my to eat Chinese restaurant list for a while. So happy that they opened a new store at Tsim Sha Tsui, a very convenient location suited outside of the station. the interior inside is very spacious and huge. we ordered two set lunch via their QR code menu - very fast and smooth 🍴 Sichuan chicken with rice and also Sichuan fish 🎣 with rice. Both sets also came with a free drink 🍹 it was yummy! Not too sweet! the chicken dish first arrived, it was plated nice

最近對酸菜魚的追求極度頻繁，深圳酸菜魚網紅店基本已試過，就是太遠。而香港亦有標榜過江龍酸菜魚亦幫襯過，最後選擇這家性價比最為高的十二味，為何？餐廳風格確實適合吃酸菜魚，周五六日8:30更有live band助慶，晚上9:30後轉為半酒吧(店內酒選擇甚多，手工啤酒，日本威士忌均有)，氣氛不俗最重要最重要是“酸菜魚”，魚選擇鱸魚，比較滑而少骨(考師傅刀功)，辣道可選，少辣應該可接受的程度又可感受到味道，我覺得酸味亦為濃郁，明顯著重酸度多於 辣道$238連寬條，兩個人份量剛夠飽又不會太貴，偶爾會加個啤酒助慶。餐廳還有其他特別菜式，不過人少就吃不完，今次因為優惠特別點了毛血旺，份量內容也好多，兩個人吃甚滿足這家餐廳適合一些吃不辣但又慾試的人，味道亦大眾化

跟相識多年的朋友慶生吃辣，刺激吧中式裝修，門口的熊貓人偶令我以為會突然有動作而疑惑了十秒餐廳選用手機自助下單，棄用傳統餐牌，大概這是未來新趨勢吧！上樓梯見到金句。店內是中式典格裝修，感覺不俗。酸菜魚(配粉條) - 很大的一盤，別以為中間放幾條紅椒就很辣，這樣嚇不到我吃下去覺得酸菜味較重，辣味亦算適中，同時不會太油膩。魚滑不在講，粉條也很Q彈~乾煸肥腸(小辣) - 雖然菜名有個“肥”字，其實大部分腸中間的肥膏也清了大部分~吃得乾淨又放心。上菜時香味四溢，聞到頗重的孜然粉味道。雖然滿滿的紅椒，不過辣味不會很嗆口。入口煙煙靭靭亦惹味。清炒萵筍絲 - 餐廳雖主食辣，但也有些小清新的菜類。萵筍入口清爽宜人，調味剛好，吃辣後再吃一口萵筍完全是兩件事，有種降火的感覺。桂花(無酒精雞尾酒) - 呈微微紫藍色的這杯雞尾酒，外表標緻，桂花味足的有汽特飲。牽牛花(無酒精雞尾酒) - 以其顏色命名，有沒有牽牛花在內我不清楚，不過就喝到草莓味，杯內也有粒粒草莓呢! 也是一種有汽特飲。 兩款解辣也是一流!

話說3-4年前，經常在中國內地創盪江湖時，就大愛雲貴地區的辣菜式有見尖沙咀，正正係我公司附近，開左間新的川菜就自不然想走去試一試點餐可以SCAN QR CODE就點得我仲好出奇地以為點解無餐牌添不過友人指香港都有餐廳已經用緊呢個服務去點餐...不出奇...跟返內地潮流佢既午市同小食的價錢都不貴喎~~間唔中都可以一來小聚，反正環境坐得幾舒服，份量又夠到可以大家互相SHARE仲有我以前好喜歡的甜品----糍粑首先，來碟免費的前菜---花生先食個午餐都有前菜，咁得意不過，平時起公司食得多花生，不妨起餐廳食一食無妨~~午餐有包飲品，我就揀左酸梅汁，食辣個陣會開胃D土豆絲係我以前出團時就十分喜愛的本身係好飽肚的菜式，同埋好簡單地調一調味就已經好好食但係切到個土豆由圓形不平的變成一條一條柔細的薯條就已經不容易同埋炒出黎仲非常爽脆，真係令人回味我個正牌LUNCH SET 我揀左牛肉麻辣香鍋份量真係好大，裡面仲有肥牛、蓮藕、薯仔片、木耳、芽菜仲要跟埋碗白飯就已經不得了好食到不了，真係辣到好似返左大陸咁午市仲送一碗傳統的冰粉，好消暑架~~同埋成餐好滿意的由於太想食糍粑的關係，最後係外賣左返公司同班同事S

[🇭🇰香港- 尖沙咀].第一次食酸菜魚,大大塊又冇骨嘅魚肉唔係話特別滑,冇食過其他所以冇得比較,對我嚟講我就更欣賞底下嘅薯粉同萵筍,超入味,吸曬啲湯;估唔到佢哋嘅小菜同主食好出色喎,比招牌魚更吸引,尤其條條都超肥美嘅"麻辣鴨舌,"麻多過辣嘅醬汁超惹味,我哋encore咗4-5次🤭最後一定要食熱辣辣同外脆內軟嘅"紅糖糍粑"做Ending!🤤.🔻🍽 十二味📌 地址: 尖沙咀赫德道1-3A號利威商業大廈地下6號舖及1樓.#tummysready #tummysreadytoeat #tummysreadyinhongkong #tummysreadyattsimshatsui #tummysreadyforchinese