十二味 (赫德道)

间唔中想食下辣野就会想食酸菜鱼，我本身唔系好食得辣，所以d𩠌我全部都拣哂少辣少油🍽️ 花菜呢个少少辣但都炒得好野味，里面仲加左少少腩肉黎炒，而且个菜都唔会话好细份，4个人食都够🍽️ 川式口水鸡呢个食落冻冻地都几正，鸡都算多同大件，唔会净系得d骨，捞埋辣油食都唔会话好辣🍽️ 酸菜鱼呢个系必叫既酸菜鱼，超大碗好足料，个汤少少酸辣加埋宽粉索埋d汤好好食，鱼肉又好滑又冇骨，真系要推荐！🍽️ 香辣锅呢个锅可以自选5个材料，我就拣左卤水肥肠、鲜鱿、美国肥牛、莲藕片同莴笋，呢个系加埋辣椒同香料一齐炒，食落去好又香又辣好正…查看更多

今次目标明确，直指酸菜鱼！一碟大大盆、红红绿绿嘅酸菜鱼摆喺我面前，上面铺满晒辣椒、花椒同埋酸菜，睇到我精神为之一振！第一啖汤饮落去…  𠮶种又酸又麻又辣嘅冲击，真系好似被电流通过咁，毛孔都开晒！辣得嚟又带点酸爽，𠮶种酸菜嘅独有咸香将鱼肉嘅鲜味完全带出嚟，成个味蕾即刻醒晒！鱼片切得够晒薄身，滑到好似豆腐咁，完全吸收晒啲汤汁嘅精华。每夹一片鱼肉，都渗透住𠮶股麻辣香，食到我系咁标汗，但又忍唔住夹完一块又一块，根本停唔到手！真系好似中咗邪咁，明明辣到嘴唇都肿埋，但个脑就系不停叫你「再嚟一啖！」除咗酸菜鱼，我仲见到隔离枱有好多其他川菜经典，例如口水鸡、水煮牛肉等等，望到都流晒口水。不过今日我嘅全部战力都集中晒喺呢盆酸菜鱼度，因为佢真系太！好！食！啦！总之，如果你同我一样，系个无辣不欢、又钟意酸爽刺激嘅朋友，尖沙咀「」嘅酸菜鱼绝对系你嘅不二之选！记住带定纸巾同埋一大啖水，因为你一定会辣到大叫过瘾，然后不断回味！挑战过后，你就会明白咩叫「痛并快乐著」！…查看更多

今次嚟到尖沙咀嘅十二味，虽然佢系楼上舖，不过喺地面都见到佢哋嘅招牌，都唔难揾。我去嘅时候系下昼五点，原来佢哋啱啱先开舖，所以都冇乜人。好搞笑，见到佢呢个位竟然有得点歌！今次我就拣咗外卖，佢有机会见识到啲人点歌或者唱歌，下次真系要试吓堂食经典香辣锅 香辣锅最少五个数起，我今次就拣咗菜花，鸡软骨，肥牛同埋猪颈肉。因为我唔食黄豆，所以我就走咗黄豆。五个𩠌超大一盒，够两个人食仲有多，一打开超级惹味，我叫嘅系肉类偏多，佢哋全部都好入味，鸡软骨嘅口感就同其他肉类唔同少少，比较爽口而且都几大粒。我觉得呢个香辣锅一定要配饭先食，𩠌饭一流，如果就咁食会有少少咸。另外仲叫咗黯然销魂炒饭，个饭好足料，每一啖都有𩠌。虽然唔系啲咩好特别嘅炒饭，胜在够香口。…查看更多

餐厅装修好靓，好有特色，多张卡位同大枱，人多黎都唔怕冇位坐👍🏻👍🏻人气唔错，踏入晚市愈来愈多人，差唔多坐满晒人餐牌选择唔少，除咗有人气酸菜鱼，仲有一系列特色小炒、中式甜品，同埋多款酒水可以选择😍😍😍人见人爱酸菜鱼 加宽粉 $276我哋叫咗小辣，辣度啱啱好🤣🤣🤣酸菜鱼超级大盘，仲好足料，配料十分多，够晒浓味，又酸又辣超开胃，鱼嘅份量好多，鱼肉好滑好鲜甜，宽粉份量同样好多，而且好入味，烟烟靭靭好好味！梅菜虎皮扣肉 $68微辣，走芫荽，扣肉肥而不腻，煮得好入味，送饭一流，配埋梅菜一齐食，正！🤤🤤🤤米饭 $12香喷喷，软硬适中，粒粒均匀👍🏻👍🏻野饮叫咗一杯蓝妹生啤 $58，比预计中大杯😋😋😋…查看更多

葱油拌面唔知点解，今次嘅面条好似比起其他分店再幼身一啲，但镬气的口感一样嘅～ 入口香口几正。黑豆花鲜椒鱼（小辣）小辣怡情，有少少轻轻麻的 feeling 就算系啱啱好。酸菜鱼肉今次都几大块、数目算几多。黑豆花应该就系黑豆整成嘅豆腐、感觉都算冧身，索左啲汁但入口都唔好太辣。鱼汤金黄色几靓。糖醋排骨即叫即炸、有香酥口感、酱汁挂在上面～ 值得另外叫多一碗白饭配搭食，最夹幺妹儿冰粉引用叱咤颁奖典礼阿正所讲：「唔太甜其实已经系好好嘅甜品」 甜度适中，可以食食吓酸菜鱼嘅时候，拎一两啖冰粉食，解辣又 refreshing …查看更多