十二味 (赫德道)

营业中

休息中

不僅用餐環境氛夠别緻，獨特大廳包廂紅紅搶眼打造出唔同氣派質感，嚐辣的人士單純單點美食的確難以抵抗!香辣鍋子有一系列配料鍋物可自行用手機所定編碼一覽無遺作選擇，主打辣炒現點現撈拌保留川味的風格特色，集合香味四溢匯集色香味俱全，一盤火紅紅色澤「經典香辣鍋」層次層層豐厚雙重享受，滿口温嫩刺激吃起來輕鬆自在，讓人吃一回激發靈魂「蔥油拌麵」簡約食材Q彈爽口，束束麵條咬落具嚼頭，陣陣酥香地道拌勻吃出平凡飽福的口感

朋友好鍾意食辣野，唔講都唔知原來係尖沙咀呢度有麻辣乾鍋最初仲擔心食完會滿身頭髮都有麻辣味但原來係唔會架！冷氣抽風都好好裝修有特式Lunch time 有set，scan qr code 落單菜好快就到，好有效率我地叫左2個set配酸梅湯唔甜，有少少酸澀前菜係冷盤蒿笋，爽口不辣我地叫左雞翼麻辣香鍋可以自選辣度，加麻，走花生芝麻等等我揀左小辣，少鹽一上桌已經有陣陣辣椒香氣有蓮藕，雲耳，芽菜，薯仔片，黃豆雞翼預先炸香左辣椒都有幾款，真係好香好惹味口水雞 可能乾鍋較香辣，相對口水雞不辣，仲食到芝麻香，雞嫩滑，下面仲有好入味既青瓜粒飯後仲有點左後上既紅糖糍粑表面炸後好香脆，灑上黃豆粉我覺得沾上黑糖汁香d好食d食呢個有d痴牙仲有星座資訊

上個星期停課，一於約下仔仔嘅同學一齊去食個lunch，行下街買嘢！.當然我地揾個近屋企嘅餐廳食，而豹同學媽媽喜愛食酸辣嘢，我地就揾左<十二味>!.一黎到店員姐姐送左熊貓公仔比2個小朋友！開心到佢起不得之了，抱住唔放手地玩！.而媽媽們就㨂嘢食啦，佢地可以scan QR code 落order,好方便！又唔駛等人黎先落到單！.經店員介紹，我地就㨂左🥣酸菜魚🥣牛肉麻辣香鍋。酸菜魚🐟肉質好滑，因為我叫小辣，所以好合我口味！而牛肉🐗香鍋好香口，肉質嫩滑餸飯係一流架！.見佢有個stage,夜晚係會有live band 聽！認識仔仔嘅都會知佢好鐘意live band,所以佢一黎到已經問係咪有人唱歌🎤😁.下次有機會夜晚再黎食過、聽下歌食下飯係最輕鬆不過！

尖沙咀行下行下去到寶勒巷街尾既分叉路，見到一個大大個熊喵公仔做signature... 再睇睇先... 呢間係「十二味」既中菜餐廳... 就係甘，我被熊熊🐻吸引左入去... 一路行一路目不轉睛去欣賞餐廳佈置，古式古鄉既環境，氣氛濃厚，未食已經加左唔少分.... 坐低左無耐，職員就指示我地用QR code 網上睇menu 同點菜（真係大開眼界👀👀），最後我都真唔太習慣.. 舉手🙋投降... 職員拎左部iPad 我地去點菜... 其實點菜過程都真係快捷方便，係唔錯既... 大概5分鐘後，一道接一道菜已經出場，色香味具全，無得輸。我呢個為食妹真係不得不推介「蔥油拌麵。$38」同「川式口水雞。$68」野味得黎又唔會over 到食唔到原味道... 最重要呢個價錢呢個環境呢個地區係屈機既...

帶住爸爸媽媽黎尖沙咀搵食，當然搵d 中式又坐得舒舒服服既餐廳🍴吃飯，唔好待薄佢地啦⋯⋯ 搵搵下，我地就去左「十二味」，主因係價廉物美.... 不得不說杏仁青檸蝦球，黯然銷魂炒飯做得唔錯，encore 之選...杏仁青檸蝦球大大隻新鮮蝦🦐，爽口彈牙，炸得唔老身，配合埋青檸醬汁，真係好開胃，呢款菜式送飯就無得彈啦⋯⋯黯然銷魂炒飯唔好睇少呢碟炒飯，一粒粒飽滿既飯粒層次分明，又唔會太油，同茶記果d真係兩個level 。炒飯即使材料做法簡單，但都可以煮到甘好食... 可能就係傳說中... 既「功架」所在。

今晚既晚餐去同老婆試下一間係尖沙咀想試左好耐既十二味，係酒吧街附近，裝修幾靚有d似酒吧，仲有個唱live 既stage，不過我地就咁岩冇，不過都有一個大mon播d k歌，個feel幾好。呢度係掃qr code用手機點餐既，好先進同環保，同埋上菜好快，可自選小中大辣我地叫左川香回鍋肉，切得好簿，不過份量都唔小，蔥味超香，我勁中意食蔥蔥油拌麵，個汁甜甜地，配埋蔥油幾特別，麵質都唔錯乾煸肥腸，麻辣香脆，唔會太林有咬口，入面去走哂d肥膏，好貼心燒椒皮蛋，呢個用左黃色既皮蛋，好食過黑色，個汁配埋係好好食

喜愛食川菜一定要黎試下，係尖沙咀呢個地段黎講餐廳佔地較大～裝修同佈置有中國風，熊貓、紅燈籠🏮百子櫃～中庭有個大螢幕，係唱歌表演🎤嘅位置 我地黎食午市套餐，價錢非常抵食！幾十蚊有交易，套餐已經包括左飯同飲品～抵到冇朋友😋🥢川式口水雞 $60中揀都唔算好辣，食得辣嘅可以揀大辣！川式醬汁幾濃郁，辣椒🌶️味亦幾香！不過麻味不太突出🥢酸菜魚麵 $78麵係分開上嘅！唔洗浸到淋晒幾貼心，魚肉起得不錯起碼冇骨，亦都幾滑同入味！酸菜爽口！呢個價錢收貨有凸😊🥢燒椒皮蛋 $48同平時食嘅灰色皮蛋唔一樣，金黃嘅吸引！不過食落冇灰色皮蛋陣特別嘅味道🥺🥢夫妻肺片 $68呢款涼菜黎，有牛展、牛舌、牛肚、牛肉~鹵得幾入味，而後切片，入口麻辣濃香！🥢幺妹兒冰粉 $32 冰粉入口超級滑溜，配上桂花糖水及提子乾！配料雖然平凡，但味道卻不平凡

一個明媚的秋冬日，依然著住短袖衫的我，來到了一間熊貓酒店，唔係唔係，係熊貓餐廳至啱，事關門口有隻大大熊貓歡迎緊來自四面八方的人，包括你，包括我。餐廳嘅定義係音樂餐酒館，都幾特别，但我最鍾意嘅係地方够大，可以坐得舒服，呢個係彈丸之地的香港尤其係尖沙咀區極之難得。酸菜魚飯吃得多，故今次吃酸菜魚麵，D麵質地就好似D担担麵，好爽，而雖然係set lunch，但份量唔細，仲有大大舊酸菜，細細舊筍絲及莴筍令成碗酸菜魚更加滋味。田雞麻辣香鍋有配菜蓮藕，黑木耳，當唔少得多多的紅辣椒，成碟嘢色彩繽紛，令人胃口大增。燒椒皮蛋，蛋白層係透明純淨，好睇又好吃。

來到大陸著名既連鎖店，店鋪既裝潢滿同用色滿有中國特色。餐廳側跟有Liveband既舞臺，喺冇表演既時間就播住一首首符合年輕人口味既華語曲，忍唔住一邊食一邊跟住唱呀。落單電子化，要用自己手機，方唔方便就見仁見智。講下D野食先。。。川式口水雞 - 點了小辣，不太感覺到辣味。但花椒麻香勁力十足，雞滑冇雪味但肉味不濃。人見人愛酸菜魚 （配粉條）- 酸菜魚係本人至愛，呢度煮得唔錯，酸辣有致，魚肉也滑，美中不足是粉條太少，有點爭食既感覺。乾煽四季豆 - 好香濃惹味，用黎餸飯一流，四季豆爽脆，唔會有青味。紅糖糍粑 - 即叫即走，外層脆內軟，唔會太甜，做得不錯。總括質素不錯，可以一試。

地方幾方便，係尖沙咀寶勒行附近，門口唔算大，不過上到去就係差唔多成層，空間幾好，同朋友坐都唔迫。口水雞， 份量都算多。呢個口水雞都凍凍地幾好食，雞肉滑，唔多骨。個汁先主菜，濃得黎唔咸，少少辣，少少甜，d汁入哂隻雞，個底仲有青瓜，食落清爽黎呢度緊係食酸菜魚啦，唔係黎呢度做咩。4個人既份量岩岩好既，首先個魚係幾鮮嫩而且冇骨，酸菜酸度岩岩好，個底有d水晶粉要記得食，好多人食魚唔飲湯，我想講個湯係有營養的，而且送飯一流。川菜一定要叫既係四季豆，鍋氣夠所以爆得好香，第2個主菜係乾鍋，雖然叫左少辣，但係都幾辣，入面叫左牛柏葉，豬頸肉，蒿筍，油麥菜。

行過門口已經好吸引，睇得出花左心思仲有部夾公仔機上到去睇到有個台播緊歌，好有feel有個好大既Bar 枱，Wine list 選擇好多，有啤酒，中國白酒，Sake 等等，第一次見咁中式既飲酒地方，別有一番風味👍🏻枱角有個QR code ,掃一掃就可以點餐，好方便好多朋友見食川菜就好怕太辣唔敢食，但依間川菜好正，有得揀大中小辣，甚至乎唔辣我地下午2點右左到，仲有Lunch set , 好抵食👆🏻川香回鍋肉+前菜+熱情果梳打（+$8）雖然叫唔辣，但好濃味，好有川菜既味道，份量亦都唔少，超讚🤩👆🏻酸菜魚麵+前菜+慾望酸梅 （$78）好好好味😋夠酸夠惹味，而且魚好滑無骨，夾埋啲萵筍、酸菜，我成碗食清光👆🏻紅糖糍粑 （$48）依個中式甜品係我既至愛，可以落單時選擇即上/後上，我當然慢慢嘆，外脆內軟，加埋大量紅糖，真心推薦，必食！環境好舒適，好適合一班朋友黎，坐得好鬆動，而且無急趕收枱，以依個價錢絕對超值PS. 員工好有禮貌，我地跌左筷子，員工係我地未開聲前已經拎過對新比我地，讚👍🏻

邊個話食酸菜魚一定要返大陸架？一入門口已經有好濃厚嘅中國風味道🏮而餐廳入面提供左地方比大家唱歌，都幾新鮮！食川菜又點少得叫返碟口水雞呢，賣相唔錯，雞件都好鮮嫩，份量好足👍🏻呢度嘅四季豆值得一讚，味道唔會過鹹，而且好有鑊氣，送飯一流😋黎到今晚嘅主角啦，酸菜魚BB~自從第一次食過酸菜魚之後，就對佢念念不忘！呢度嘅酸菜魚份量都好多，夠晒兩個人食有突，建議加埋粉條一齊食。可能係有就香港人嘅口味，呢度嘅酸菜魚唔會太辣，好啱一班可以食辣可以唔食辣嘅朋友一齊食👬👭食咗咁多嘢都係$446咋‼️真係好抵食‼️‼️‼️

今日行過尖沙咀，聽人講呢間野幾好食，咁呀試吓啦。佢哋條街嘅門牌呢都幾亂，大家小心啲，我都搵左一陣。今次去同仔仔食，食咗個回鍋肉/口水雞、同埋拍青瓜。佢哋係上一層嘅依家咁嘅環境感覺安全啲氣氛都幾好，侍應都有禮，我想讚下呢間野因為佢餐都幾快到。回鍋肉唔係死辣，口水雞都唔係。其實川菜點樣分佢好唔好食其實就睇係唔係死辣就可以。當然我哋食辣野都叫返個拍青瓜去中和返佢。叫杯汽水或者特飲係我哋食飯必須的。簡簡單單的一餐又完成啊！

上個禮拜係紅磡食完之後，一直都好想再食，難得有朋友約，今次就試試尖沙咀！裝修中國風，好靚！最特別嘅係佢有live band，食住川菜聽音樂，一流既體驗！嗌咗個經典香辣鍋（小辣 加麻），之後再加左豬頸肉、雞軟骨、萵筍、土豆、鮮腐竹同埋娃娃菜。個香辣鍋好惹味，每樣配料都比啲香料包圍着，全部都好入味，送飯一流！正！跟住我哋再嗌左個人見人愛酸菜魚配粉條（中辣），酸菜魚好滑又冇骨，啲魚好多好足料，抵食！雖然啲餸既份量對於兩個人來講係有突，但係因為真係太好送飯，所以點都要嗌一碗！特別提一提嘅係，嗰度七八點左右都好多人，全場滿座，所以冇book位嘅就可能要早啲嚟喇！我哋六點就來所以有位！

最近口痕想食酸菜魚，但又唔想北上遠，見到呢間十二味裝修風格勁特別，門口有公仔機。上一樓 有個舞台比人唱K 勁想唱，即刻搞到我K癮起，到底要幾有勇氣先敢係台中間唱呢😂裝修好靚啊 ，係咁播d歌都幾好聽。叫左個酸菜魚配粉皮，紅糖糍粑，極推介，炸到好軟Q 。點小小甜甜地既汁，好好食，份量都好多 3-4 個人share都得。主菜酸菜魚黎喇，小辣岩岩好，滾油贊落去個酸菜魚度，先係精要所在，面頭好多好香既花椒 酸菜 辣椒🌶魚🐟有骨，要小心食，好滑既魚，好夠味，用黎撈飯真係一流，食幾碗飯都得。入面有d粗薯粉，都好飽肚的！兩個人叫一碗飯 ，一人都係$200。飲品好特別，佢個名叫好好飲的熱情果梳打，真係好好飲！ 好Fresh 勁中意熱情果果種清新既感覺。佢呢度個水吧都好有料到咁！入面勁多酒+ 杯果然沖出黎既野飲好飲好多～會再帶朋友黎食酸菜魚