十二味 (赫德道)

营业中

休息中

約了朋友在尖沙咀食lunch，友人建議吃川菜，無辣不歡的我當然十分歡迎，最後我們去了十二味。與一般川菜餐廳不同，除了傳統的中式的裝修，還有特大螢幕播歌，前面更有一套鼓和mic stand，估計晚上可能有live band，幾有氣氛。食物方面，菜式與一般川菜餐廳無大分別，午市有lunch set，價錢六、七十元，最後我們點了川式口水雞飯、川辣牛肉飯和酸辣木耳。先講個小食酸辣木耳，它的味道酸酸辣辣，令人醒胃，賣三十多元，價錢合理；至於川式口水雞飲，盤碟擺放精美，口水汁香料味道層次豐富，雞件份量足，水準高；而川辣牛肉的份量可以用誇張來形容，除了牛肉，還有大量配料，如薯仔片、木耳、蓮藕等，兩個女士食都夠食，味道方面，麻麻辣辣，帶來舌頭和神經的刺激體驗。整餐飯咁豐富，埋單不用二百元，以環境、食物來說，性價比絶對高。

今次係呢個夏天，好需要食D重口味野令胃口好D～所以特登約左Dfriend去食四川野～一入座個時已經有好多人首先當然要叫招牌菜～～人見人愛酸菜魚 （配粉條）～～覺得比起深圳咩網紅餐廳更好食，魚肉超嫩滑～入面仲有午餐肉～～個種酸唔會係死酸～～十分推薦杏仁青檸蝦球 - 呢個似粵菜多D～入口完全感覺不油膩，很神奇～加左杏仁脆片口感更好，醬汁也是清爽口味蔥油拌麵 - 本人近來非常愛吃拌麵～～但自己在家弄蔥油總是焦焦的～但這裡成功令我尋回蔥油拌麵正宗的味道～麵質有質感，粗身更有口感黯然銷魂炒飯 - 一點也沒有黯然的感覺，海鮮都幾多，炒到粒粒分明～～本人食左兩碗

四位食辣既愛好者又走埋一齊，今次揀左十二味，地方寬敞，面積好大，好多坐位，坐得好舒適。必叫既招牌菜「人見人愛酸菜魚（配粉條）」，個名改得都貼切，食過都喜歡，湯底酸辣適中（我地揀左少辣）一口氣飲左兩碗湯😅魚無咩骨，啱晒我地啲懶人，另外還叫左經典香辣鍋（自選五款餸，牛舌-有牛舌既味道, 好食，鵪春蛋-朋友話好食, 自己無食，朱頸肉，牛百葉及滷水肥腸-粘滿醬料,味道略咸），水煮牛肉-略咸，燒椒皮蛋- 好食......還有甜品紅糖糍粑 - 👍

次次食親川菜都會返上深圳到食，不過呢排吾得閑北上就係香港搵返間試下。以功夫熊貓做主題既音樂酒吧餐廳，環境吾錯，張椅幾軟幾舒服。坐到甘近台，可惜今晚冇band show睇。【飄香毛血旺（配粉條）】$168一鍋多款，有血旺、牛柏葉、豬腸、魷魚、午餐肉、青瓜......成鍋野勁多辣椒香料，醇濃辣麻。最正無血旺入味又滑嫩，而且吾腥！粉條姐係寬粉，煙韌有咬勁，第一口果時覺得吾係好覺辣，當粉條愈浸愈耐，愈食就愈辣，勁刺激味蕾，好過癮！喜歡辣一定要加配埋寬粉！【蔥油拌麵】$38只係得醬油、蔥油同麵條，甘簡單既食材就煮出好味道。

估唔到尖沙咀嘅酒吧街入邊竟然有一間川菜餐廳，但係呢一間川菜都唔係大家想像嘅咁普通因為佢係crossover 左酒吧嘅元素。餐廳嘅裝修係好有中國嘅風味而且成晚都播住啲唔同嘅音樂有普通話又有廣東話，甚至係舊歌以及新歌都有齊，非常之有特色。同時間想食川菜同埋飲返兩杯嘅朋友就可以嚟呢度試一試一場黎到就梗係試吓佢呢一個人見人愛嘅酸菜魚啦味道非常之濃郁，而且酸辣度適中，建議第一次或者唔食得辣嘅朋友可以揀小辣因為佢唔會話好辣。啲魚都好嫩滑，啖啖肉，冇乜骨，唔錯，仲配上大量嘅萵筍。大盤花菜:我哋叫咗嗰個係有辣味嘅非常之香口而且配上薄薄嘅肉片炒埋一齊好惹味而且啲花菜炒得非常之林甜，唔會好硬咁樣值得一試之後我哋仲叫多咗一個麻婆豆腐，呢一道菜絕對可以用來送幾碗飯因為實在太香口而且份量亦都好多。餐廳亦都會係上菜之前奉上當日嘅前菜，而我今日嗰個就係雪菜毛豆，幾好味，如果有得單點就好了

本身同朋友都愛好食川菜所以都成日食而間尖沙咀分店第一次去食一去到門口同其他分店有d唔同裝修得好有特色😂好紅好熊貓上到去真係唔錯 環境唔迫舒服暗暗地 最岩傾計兩個人點佐酸菜魚 好推介 分量好夠酸菜同蒿荀都好入菜湯底又夠酸👍🏻👍🏻魚超滑 唔會話煮得太熟另外仲有個招牌菜麻辣香鍋叫佐牛柏葉 魷魚 大腸 金菇 超香👍🏻唔會太油 口水雞 雞好滑同啖啖最怕食雞得骨 佢就好多肉開頭以為細細碗好少 原來佢疊佐兩層所以好多件口水雞個汁都好食食到香 少少麻 最後食埋個冰粉而個冰粉好岩得口味桂花味 好香 本身自己都鐘意食桂花味既野另外佢唔太甜 食到桂花香同少少提子乾岩岩好

川式口水雞 💰68 8⃣小編見到Openrice勁多人推薦呢個口水雞，佢哋揀嘅係雞脾位置，所以食落特別嫩滑。同埋佢哋嘅調味啱啱好，花椒味道真係好出，唔會得嘅辣字咁膚淺，慢慢食落去條舌一定痺，好似打咗botox咁好玩。/清炒萵筍絲 💰78 7⃣無辣不歡嘅朋友仔一定識呢碟嘢，食落去清爽到不得之大了，而且超級解辣基本上每次食四川菜，呢款菜色都係必嗌甚至encore。/川香回鍋肉 💰98 8⃣小編一直覺得川菜嘅回鍋肉，好似大排檔嘅小炒王咁款，基本上每次都係必嗌。佢哋回鍋肉嘅份量真係超級多，而且肉片應該提前處理果，食落去勁有口感又唔會成嘴都係油。/夫妻肺片 💰68 8⃣牛𦟌牛肚切得好薄，每塊都索晒特調過嘅麻辣汁！佢哋仲特登放咗落冰箱，作爲starter真係適合不過。

十二味打響名堂，新開張就同同事一齊來食午餐😆裝修充滿中國風，午餐選擇多～ 前菜❤️前菜有辣椒花生，香口脆身，無益味，新鮮😋😋川香回鍋肉❤️五花腩半肥瘦，醬汁川味濃郁， 辣度適中，蓮藕爽口😋香料花椒八角不停係口中回味😋😋😋田雞麻辣香鍋❤️田雞肉嫩滑， 木耳爽口入味，餸飯一流😋😋大盆花菜❤️椰菜花鮮味大粒，惹味非常😍😋😋總結黎講，呢度坐得舒服，價錢合理，味道亦具備正宗川菜風味，值得推介！

唔想北上又食到酸菜魚？尖沙咀十二味就有啦！成間店都勁重中國風，令你有置身深圳既感覺！門口已經係中國國寶熊貓一隻。場內有舞台，可今日冇人表演，好似話週末先有。首先叫左口水雞做前菜，雖然雞肉唔算入味，但勝在啲醬汁好夠味，超香。朋友最愛既乾煽四季豆，炒得幾爽口香脆，都唔差。主菜當然係酸菜魚啦，都幾大份，個底仲有薯粉，幾夠味，滿足我地今日想食酸菜魚既願望。最後甜品紅糖糍粑，炸得岩岩好又冇油益味，點埋紅糖好好味。

常常惠顾十二味，去尖沙嘴新店倒是头一次，这日中午正好有空，便在返工路上特意去试了一试。午市套餐和其他分店类似，多了一款宫保鸡丁，限时优惠加送冰粉一份。我们二人点了一惯爱吃的酸菜鱼，以及没吃过的宫保鸡丁套餐，还有一份清炒蔬菜。酸菜鱼和其他店口味高度统一，在香港已是难得的好味道，分量上和奥海城店比有小小差距。宫保鸡丁里面的鸡丁不错，花生米却是软软的失败的样子，有待改善。蔬菜炒得很好吃，只可惜切太短，卖相不佳，吃起来夹着也不方便。值得一提的是上菜速度超快，服务员很高效。总体来说还是很不错的。

餐廳以紅黑裝修，好有格調。餐廳位於一樓，一上去就見到有band area（雖然個日無live band，但餐廳一直播住歌都幾有feel)講番野食，我地兩個人嗌左飄香毛血旺（配粉條），材料都幾豐富，有豬大腸、牛柏葉、午餐肉、魷魚、鴨血、豬皮。我地嗌左小辣，辣味咬到一半慢慢溢出，食得辣既朋友可以嗌中辣以上。水晶粉條每條都吸左辣汁，好正！酸辣土豆絲，我見差不多每一枱都嗌，我地都試下。外觀好似無特別，但食落首先係酸味出先，咬左一陣，辣味隨之而來，兩個層次既味道。小食就嗌左口水雞（中辣）同埋燒椒皮蛋（小辣）。口水雞賣相本身已經砌得好吸引，雞肉亦都好滑。燒椒皮蛋簡直大愛，金黃皮蛋，蛋黃仲係流心狀態，配埋辣汁超正！

近排人人壓力都好大，心情又唔好。當我心情唔好嘅時候，我就會好想食辣野！所以今日決定約埋好姊妹去十二味食川菜重頭戲就係呢個酸菜魚酸菜魚魚肉好滑但略嫌多骨。酸菜湯底味道適中，夠酸夠辣仲有薯粉，呢度用既係寬薯粉，夾埋萵筍，吸晒啲湯嘅精華，超級正尖椒皮蛋都超級好味唔知點解啲皮蛋係黃色嘅，味道比平時食嘅黑色皮蛋更香滑好味口水雞～麻辣味中帶好香花生味，辣度適中，送飯一流呢個炒椰菜花超好味香口，微辣～好味香辣拌麵有好香嘅蒜香味，我好鍾意食干扁四季豆～四季豆爽口嫩綠，拌埋d肉碎，好惹味。呢度仲有唔同種類嘅酒可以品嚐，我都叫咗一杯紅酒放鬆下。聽住live band, 飲少少酒。。身心都舒暢左d.今日既香港人，最需要呢一刻。

香港多左好多地方食酸菜魚，未必一定要返大陸，今日就去左尖沙咀分店既十二味餐廳門口有一大隻熊貓🐼，而背後百子櫃貼上星座圖案，有星座運程卡，比客人娛樂下入到餐廳第一感覺係以為去左酒吧🍺因為有live band area，電視螢幕播住K歌，完全唔似係食中菜既餐廳－－－－－－菜式1. 夫妻肺片 3.5/52. 秘製醬香鍋 4.2/5👍🏻3. 人見人愛酸菜魚 4/54. 紅糖糍粑 4/5夫妻肺片味道不過不失，唔會過辣，不過分量有點少，一碗好似夠1-2人食醬香鍋味道是不錯，推介😊我揀左肥腸、田雞、金菇、年糕、牛柏葉、嫩牛肉，滷水豬大腸幾入味，田雞嫩滑，不過切得太細舊，好難夾起🙁不過年糕同金菇都好食，吸哂鍋既醬汁😋終於到主角酸菜魚🥰魚都算大塊，食落幾挺滑，另外我有加埋粉條，夠哂飽🙈甜品叫左紅糖糍粑，外層少少脆但入面煙韌，不錯⭐️總體味道來說是不錯👍🏻但環境氣氛同食物有點格格不入🙈

今晚約左個喜歡食川菜的朋友去左尖沙嘴新開的十二味食晚飯。餐廳雖然枱同枱之間密質質，但坐落其實都幾舒服，同時餐廳用網上餐牌落單，都幾方便。餐牌選擇唔算多，我同朋友都選擇左幾款比較傳統的川菜。小食係燒椒皮蛋，而主食係酸辣土豆絲同酸辣魚配粉條。個人認為全部菜式都唔算好辣（我地分別有叫中辣同大辣，不過分別不大），反而著重係味道上的香同濃。我自己最欣賞個酸菜魚，個湯底係可以當湯咁飲，又唔會太油膩。甜品我地點左糍粑，係即製的，所以食落好香，又好煙韌，個皮又夠脆，個人認為係必食。

以前食川菜通常要特登去旺角區，呢幾年呢就多咗好多川菜館喺唔同地方，不過都有一個共通嘅特點就係坐得比較狹窄，今次嘅12味就好唔一樣，一入到簡直以為自己去咗懷舊嘅卡拉OK咁，一路好多90年代嘅金曲，甚至有個位可以俾人唱歌同埋彈電子琴添，夜晚應該都有節目會表演啦。今次嚟到仲有套餐,望一望真係抵過散嗌好多,食物到嘅時候完全係出乎意料之外地豐富！酸菜魚：除咗電話之外仲帶點爽，裏面有好多筍同埋香料，但係食落去又唔會太過油膩，最重要係啲魚裏面冇乜細骨，就算唔係好鍾意食骨嘅人都可以食得好安心。辣方面可以自選大中小，算係幾細心方便。每個套餐仲會有小食豆豆再加埋一個酸梅湯，非常之開胃。田雞香鍋做得好出色，田雞啖啖肉不特止，連配菜都好好味，入邊嘅蓮藕夠晒爽，薯仔片亦都係好鬆軟，最後全部清哂。呢度嘅左手邊仲有酒吧咁嘅位置，用黎一啲調酒，而我就揀咗一杯非酒精雞尾酒試吓啦，哈哈但係可能因為我鍾意食酸野啦，我都係覺得酸梅湯係比較適合食川菜嘅比起晚市，我覺得晚嘅性價比係更高，亦都方便只係人少少咁樣嚟聚餐。當然人多嘅話，晚市就係更好嘅選擇啦，因為可以叫多啲餸一齊食吖嘛