十二味 (赫德道)

营业中

休息中

今日又來到尖沙咀返工，今日突然好想食中菜，而且想食得開胃一啲所以就諗住食川菜啦。去咗赫德道嘅一間上樓鋪頭，呢到環境都幾大裝修幾靚，仲有一啲午市嘅套餐，都幾抵食。我同朋友就帶咗兩個午市套餐，另外再加兩款小食。要咗一個宮保雞丁，佢就配埋白飯嘅，另外要左可樂。仲有另一個套餐就要左麻婆豆腐。小食方面，就要左一個涼拌青瓜同埋涼拌木耳。佢嘅嘢食都可以揀辣度，因為我同朋友都唔算食得好辣，所以揀咗微辣，都好啱香港人嘅口味。比較值得一讚嘅，麻婆豆腐啲豆腐好滑，宮保雞丁啲雞肉亦都好入味。所以兩碗飯都俾我哋扒晒啦。因為個座位都坐得幾舒服，食完之後仲可以朋友慢慢坐喺度傾吓計消磨下啲時間，都算唔錯。最後埋單都係$200多幾蚊。

✨ 話說呢排小妹食得太多好西，肥咗5kg，咁都俾友人A發現咗，條友就日日笑勁小妹，真係佛都有火。知道友人A好怕辣，所以小妹就決定帶佢食麻辣懲罰一下佢。✨ 先講餐廳環境，呢度嘅枱櫈唔會太密集，好鬆動，坐得巧舒服，而且仲有幾張好大嘅卡位，梳化亦都好好坐。一入門口亦都見到有啲band鼓結他嗰啲，應該某啲日子會有band show。✨ 餐牌✨ 麻辣干煱👧🏻 呢度嘅麻辣干煱可以自由選擇辣度同麻度，小妹知道友人A真係好怕辣，所以揀咗小辣。一上菜已經聞到陣麻辣嘅味道，小妹未食都feel到口水分泌愈黎愈多。今次揀咗豬頸肉，腐皮條同蕃薯粉，蕃薯粉吸收哂麻辣嗰啲香料，真係好香。✨ 辣子雞👧🏻 辣子雞係用海量嘅辣椒粒炒香一啲好細粒嘅雞，而小妹揀呢道菜就係想用海量嘅辣椒嚇死友人A，結果不令小妹失望，佢一望到碟嘢就開始滴汗，食完之後，佢個枱面係有一攤水，笑死小妹。呢度嘅雞炸得好香，辣椒亦好足料，多得誇張。友人A雖然怕辣，但係佢食咗一啖之後又係咁食，正宗又怕辣又想食辣。

怕辣人士也可以一試的川菜餐廳，因為菜式的辣度任君選擇。感覺辣度有按照香港人口味調整了一下，但是並没有減少川菜的惹味香濃！人見人愛酸菜魚• 點的是小辣，對於本時嗜辣的我而言是小兒科，建議喜辣的朋友可以點大辣。• 魚肉非常嫩滑爽口，用魚肉夾著酸菜一齊食口感更加豐富✨• 粉絲可以浸泡久一點，令充滿魚鮮味的湯底可以均勻吸收。川式口水雞• 十分惹味的一道川菜，雞肉偏紥實有嚼口，沾滿辣油配飯一流。燒椒皮蛋• 很少吃到黃皮蛋做的涼拌，雖然味道不及黑皮蛋濃郁，但是口感比起來多了一份煙韌。幺妹兒冰粉• 本人非常喜歡的一道甜點，味道十分清新帶點桂花香，口感像啫喱。飯後來一碗可解除油膩感。

餐廳在一樓，但由地下既樓梯開始就已經佈置得與別不同！中式既餐桌餐椅，配上紅紅既福字cushion點綴，中間位置有個live band位，餐廳盡頭有一個bartender 調酒空間，果然襯番依條酒吧街主題🤩岩晒食飯同時想飲番兩杯既朋友仔🍻口水雞 - 中辣，依個價錢黎講，份量都ok，雞肉唔會”梅”，又唔會太肥，間唔中都食埋塊雞皮添😉個口水川汁辣辣地，個人覺得中辣岩岩好👍毛血旺 - 要左小辣，大大盤，入面有好幾種食材，包括鴨血，牛柏葉，豬皮，午餐肉，水晶寬條麵，都幾飽肚。依盤野越食d麻辣味就越出，個咀唇有d痺痺地既感覺，正哦😋酸辣土豆絲 - 熱辣辣出晒煙，仲炒得幾香添！土豆🥔絲唔會太淋，而且炒得好乾身，酸辣味得宜，份量大足，可以當飯食燒椒皮蛋 - 皮蛋晶凝通透，金黃色起沙嘅蛋黃，特別一讚既係佢既川辣汁，非常好味👍

呢間四川餐廳都有食開，一直都好中意食，因為好有風味同價錢合理。見尖沙咀開左間旗艦店，當然要去試吓啦😆個環境同平時去開嗰啲裝修好唔同，呢度走型格風，以紅黑色為主。仲有個live band 位，但今晚無人表演。經典香辣鍋（小辣）配牛百葉、豬頸肉、萵筍、寛粉、油麥菜。小辣已經好辣🔥全部配料都好入味。牛百葉爽口，不過就俾辣味蓋過味道。豬頸肉好食，配辣鍋好惹味！萵筍更加唔洗講，辣得過癮💥爽口得黎又夠辣！寬粉就好彈牙。人見人愛酸菜魚（小辣）配粉條呢個辣度岩岩好，酸菜好入味。魚都好滑，入曬酸辣味，好食！酸酸辣辣，愈食愈開胃。乾煸四季豆 撈飯一流🍚必食！炒得好香口，四季豆外面炒得有少少焦，入面仲好爽口，好好食🤤川式口水雞麻辣味好濃厚，食第一啖時冇咩麻味，覺得隻汁好惹味，到第二啖開始黎料🥵好麻，不過又幾好食，忍唔住再食🤩飲品方面，很好喝熱情果蘇打食左咁多重口味，呢杯熱情果蘇打真係一條小清泉💧好fresh 🍃唔會太甜，飲落唔覺得漏。不過有個不足係個餐廳音樂太大聲，好難同朋友傾計

餐廳地方好大, 座位之間有一定距離, 長期播放音樂, 好適合一大班朋友食👍🏻一坐底侍應為我哋主動送上小食, 係酸菜豆, 味道好清新開胃♥️聽聞佢嘅酸菜魚唔錯, 所以我哋揀咗人見人愛酸菜魚配粉條, 味道真係同之前喺深圳某間好出名嘅酸菜魚食到嘅好似! 湯底又酸又辣好刺激😋魚片又軟又滑, 吸收哂酸菜嘅味道👍🏻粉條有d似薯粉, 但比較薄, 而且食落口感更爽滑, 又唔會好滯😛配料方面有萵筍, 質感好爽口, 配上酸菜湯底竟然出奇咁夾👍🏻

喺尖沙咀赫德道有好多酒吧，但其實晏晝黎食飯都有好多選擇!!😋😋 今次試咗呢間12味音樂餐酒館，見佢午餐只係六十零蚊一個 ，仲包嘢飲非常抵食😆 就試下你啦!! 其實都聽過十二味出名香鍋晚餐同酸菜魚， 味道唔錯而且份量足，今次呢餐都冇令我失望👍始終係音樂酒館所以裝修比較似酒吧，不過坐得舒服，燈光柔和， 兩個人可以坐卡位👍 食物方面點咗川式口水雞，我哋嗌咗小辣，雖然望落紅卜卜🙈🙈不過辣度算低， 雞肉皮薄唔肥， 而且份量足， 肉質嫩滑。包埋酸梅湯只係60蚊!!大推😋川香回鍋肉，落咗蓮藕片去炒😳 肉片肥瘦適中，炒得非常惹味，送飯一流🍚 只係略嫌醬汁同油有d多😂😂 我哋倒起咗啲汁先食， 減低邪惡感😂最後嚟多個夫妻肺片加餸， 唔好睇佢細細碟，但好似食極都食唔完咁🤣🤣堆得好滿好實。嗌左小辣但唔係好夠，相比前2道菜的辣道比較低，下次可以試中辣🌶🌶

十二味尖沙咀赫德道1-3A號利威商業大廈地下6號舖及1樓夫妻肺片這是一款涼菜，小編叫左小辣，辣油都好多，牛展有咬囗，牛肚好腍，味道麻麻辣辣好惹味，佢算係麻香爲主，下面伴左青瓜絲，牛展和牛肚切成薄片，牛展口感比較結實，，牛肚就爽脆，不錯👍🏻不過對於唔識辣黎講算好辣😂大盤花菜係盤咩菜都有既炒菜，菜好似係用豬油炒，味道比較重味蔥油拌麵麵入囗好軟滑，有點醬油面既味道，但用上海粗面黎炒，好香蒽油味道🤤

今日同朋友嚟食lunch，用電話落單其實都幾方便，喺大陸嘅餐廳好多都係咁做，但係香港好似未係太流行，以下係佢嘅Lunch Menu:酸梅湯同小食應該係跟餐餸嘅，我幾鍾意食佢個蓮藕片幾爽口!!川式口水雞，第一感覺係都幾大碟，雞肉都幾滑，叫咗小辣係可以接受到嘅辣，有大量芝麻喺面好香口， lunch set真係幾抵食!! 酸菜魚，魚切到薄薄的一片，完全冇骨，酸酸辣辣好開胃，非常適合送飯，如果夜晚嚟食應該都幾貴，lunch就唔使$100已經食到，抵!! 另外叫咗燒椒皮蛋，係糖心蛋嚟㗎，我同朋友都覺得幾好味!! 平日嘅lunch唔算太多人，坐得都幾舒適!!

❤ 位於尖沙咀這間川菜館, 入面既裝修好有中國風味, 而且亦整晚播著音樂, 感覺好似去左間bar.這次來的原因係因為我好想食🤤 ~ 前後叫左一碟少辣一碟唔辣, 雖然我唔食得辣, 但都覺得叫少辣惹味D, 記得要點配粉條的那款.另外揀左個🤤 ~ 可以揀唔辣的，配料要選最少五款或以上, 揀左田雞，豬頸肉，肥牛，雞軟骨&雞翼. 成煲野都好香又惹味. ~ 大大碟但其實龍蝦肉得好少仲有其他好味既配菜，木耳，口水雞等😎

近排一直係西環附近打卡各種店，對於無辣不歡的我，當然唔可以放過川菜館啦，位置都係非常好搵，因為店面好有中國風。點咗人見人愛酸菜魚、十二味上上簽、紅糖糍粑、川式口水雞，紅糖糍粑就係每次食辣必點了，酸菜魚裡面D魚好滑而且無骨，可以放心食了，辣的程度係可以接受的，會再訪啊。

今晚去試呢間位於尖沙咀既川菜，地理位置都算方便易搵！酸菜魚湯味夠濃，酸度適中，建議第一次試既朋友可以揀小辣唔會太辣🌶魚唔腥，啖啖肉，好滑，有小小骨，還不錯👌🏻配透明闊薯粉值得一讚係個紅糖糍粑😍脆得黎一d都唔硬👍🏻👍🏻完全唔痴牙！甜而不膩🉐🉐🉐兩個凍盤口水雞同木耳反而麻麻地雞好多骨又無咩肉，皮太厚又唔入味木耳還好不過味道都偏淡每晚八點左右會有live，自彈自唱，氣氛不錯喔餐廳闊落，卡位坐得舒服落單睇餐牌都要用電話scan QR code喔！

今晚一人晚餐，黎到尖沙咀想食川菜，比我見到十二味呢個連鎖大品牌，就去左食。呢度有個KTV台，播住廣東歌同內地流行曲。裝修好華麗，繼續沿用十二味紅色既主色。今晚叫左宮保雞丁（$98）同清炒時蔬（$68），加個白飯（$12）。呢度幾高科技，可以用手機點餐。一坐低已經有前菜，係雪菜毛豆。水係暖暖既檸檬水。已經夠開胃。清炒時蔬，係油麥菜，好爽脆，感覺好似食緊沙律菜，清炒但依然非常有油香，因為川菜既菜就係比較落得多油。川菜我最鍾意酸辣味，十二味既宮保雞丁絕對係傳統水準，酸辣味非常平衡，唔會過多辣椒，雞肉係雞髀肉切粒，咬落嫩滑，腰果亦同雞肉差唔多大少，每邊都有宮保汁既酸辣味。呢味菜永遠唔會令我失望。呢度上菜幾快，十分鐘已經到齊。餐牌另外有Cocktail同Mocktail選擇，所以係度食下川菜飲下酒聽下歌都幾好feel的。

原來在赫德道開了一間新的川菜館 剛剛開門進去環境挻有風格 還有音樂聽 看到有唱K位置😂音樂可以在收銀附近選擇歌曲 這家以熊貓為主題看到裝修大多是以熊貓做主題 經過包房看到打卡位看到有不少打卡位也是熊貓呢 環境挻舒服感覺這裡是掃碼下單所以沒有餐牌提供 點了兩個客飯每一個餐也會附送慾望酸梅/花生小食😋😋·川式口水雞 HKD$60 ·酸菜魚 HKD$78 ·紅糖糍粑 HKD$48 食物味道不過不失 以這個價錢來就算是不錯意想不到這裡會開了新店 而且環境不錯的感覺

收工後跟女友撐枱腳想吃川菜，於是來了這間頗具特色的十二味。雖然未有音樂表演，但整體氣氛都算不錯。先來一碟黯然銷魂炒飯，飯粒炒得乾身，又有不同蔬菜顏色點綴，有蝦有肉。肇慶臭豆腐外脆內軟，沾上辣粉則更惹味。起初都擔心上桌時氣味會否影響其他食客。但最後發現擔心是多餘的，因為相比台灣或香港的臭豆腐是較淡味的。川式口水雞小辣份量都算多，而且都皮薄厚肉。調味亦出色。最後紅糖糍粑，外層爽脆、內裡煙煙靭靭好有口感。沾上香甜紅糖漿很好味。