十二味 (赫德道)

間唔中想食下辣野就會想食酸菜魚，我本身唔係好食得辣，所以d餸我全部都揀哂少辣少油🍽️ 花菜呢個少少辣但都炒得好野味，裡面仲加左少少腩肉黎炒，而且個菜都唔會話好細份，4個人食都夠🍽️ 川式口水雞呢個食落凍凍地都幾正，雞都算多同大件，唔會淨係得d骨，撈埋辣油食都唔會話好辣🍽️ 酸菜魚呢個係必叫既酸菜魚，超大碗好足料，個湯少少酸辣加埋寬粉索埋d湯好好食，魚肉又好滑又冇骨，真係要推薦！🍽️ 香辣鍋呢個鍋可以自選5個材料，我就揀左滷水肥腸、鮮魷、美國肥牛、蓮藕片同萵筍，呢個係加埋辣椒同香料一齊炒，食落去好又香又辣好正…Read More

今次目標明確，直指酸菜魚！一碟大大盆、紅紅綠綠嘅酸菜魚擺喺我面前，上面鋪滿晒辣椒、花椒同埋酸菜，睇到我精神為之一振！第一啖湯飲落去…  嗰種又酸又麻又辣嘅衝擊，真係好似被電流通過咁，毛孔都開晒！辣得嚟又帶點酸爽，嗰種酸菜嘅獨有鹹香將魚肉嘅鮮味完全帶出嚟，成個味蕾即刻醒晒！魚片切得夠晒薄身，滑到好似豆腐咁，完全吸收晒啲湯汁嘅精華。每夾一片魚肉，都滲透住嗰股麻辣香，食到我係咁標汗，但又忍唔住夾完一塊又一塊，根本停唔到手！真係好似中咗邪咁，明明辣到嘴唇都腫埋，但個腦就係不停叫你「再嚟一啖！」除咗酸菜魚，我仲見到隔離枱有好多其他川菜經典，例如口水雞、水煮牛肉等等，望到都流晒口水。不過今日我嘅全部戰力都集中晒喺呢盆酸菜魚度，因為佢真係太！好！食！啦！總之，如果你同我一樣，係個無辣不歡、又鍾意酸爽刺激嘅朋友，尖沙咀「」嘅酸菜魚絕對係你嘅不二之選！記住帶定紙巾同埋一大啖水，因為你一定會辣到大叫過癮，然後不斷回味！挑戰過後，你就會明白咩叫「痛並快樂著」！…Read More

今次嚟到尖沙咀嘅十二味，雖然佢係樓上舖，不過喺地面都見到佢哋嘅招牌，都唔難搵。我去嘅時候係下晝五點，原來佢哋啱啱先開舖，所以都冇乜人。好搞笑，見到佢呢個位竟然有得點歌！今次我就揀咗外賣，佢有機會見識到啲人點歌或者唱歌，下次真係要試吓堂食經典香辣鍋 香辣鍋最少五個數起，我今次就揀咗菜花，雞軟骨，肥牛同埋豬頸肉。因為我唔食黃豆，所以我就走咗黃豆。五個餸超大一盒，夠兩個人食仲有多，一打開超級惹味，我叫嘅係肉類偏多，佢哋全部都好入味，雞軟骨嘅口感就同其他肉類唔同少少，比較爽口而且都幾大粒。我覺得呢個香辣鍋一定要配飯先食，餸飯一流，如果就咁食會有少少鹹。另外仲叫咗黯然銷魂炒飯，個飯好足料，每一啖都有餸。雖然唔係啲咩好特別嘅炒飯，勝在夠香口。…Read More

餐廳裝修好靚，好有特色，多張卡位同大枱，人多黎都唔怕冇位坐👍🏻👍🏻人氣唔錯，踏入晚市愈來愈多人，差唔多坐滿曬人餐牌選擇唔少，除咗有人氣酸菜魚，仲有一系列特色小炒、中式甜品，同埋多款酒水可以選擇😍😍😍人見人愛酸菜魚 加寬粉 $276我哋叫咗小辣，辣度啱啱好🤣🤣🤣酸菜魚超級大盤，仲好足料，配料十分多，夠曬濃味，又酸又辣超開胃，魚嘅份量好多，魚肉好滑好鮮甜，寬粉份量同樣好多，而且好入味，煙煙靭靭好好味！梅菜虎皮扣肉 $68微辣，走芫荽，扣肉肥而不膩，煮得好入味，送飯一流，配埋梅菜一齊食，正！🤤🤤🤤米飯 $12香噴噴，軟硬適中，粒粒均勻👍🏻👍🏻野飲叫咗一杯藍妹生啤 $58，比預計中大杯😋😋😋…Read More

蔥油拌麵唔知點解，今次嘅麵條好似比起其他分店再幼身一啲，但鑊氣的口感一樣嘅～ 入口香口幾正。黑豆花鮮椒魚（小辣）小辣怡情，有少少輕輕麻的 feeling 就算係啱啱好。酸菜魚肉今次都幾大塊、數目算幾多。黑豆花應該就係黑豆整成嘅豆腐、感覺都算冧身，索左啲汁但入口都唔好太辣。魚湯金黃色幾靚。糖醋排骨即叫即炸、有香酥口感、醬汁掛在上面～ 值得另外叫多一碗白飯配搭食，最夾幺妹兒冰粉引用叱咤頒獎典禮阿正所講：「唔太甜其實已經係好好嘅甜品」 甜度適中，可以食食吓酸菜魚嘅時候，拎一兩啖冰粉食，解辣又 refreshing …Read More

喜歡麻辣嘅朋友可以一試，午餐的客飯套餐多款式，一個人食份量啱啱好，多人食又可以share 幾個餸～有各式乾鍋，酸菜魚，水煮牛肉等...午餐包前菜同飲品，前菜通常係蒜香木耳，免費飲品只有紙包檸檬茶，比較遜色，有時覺得唔夠飲，汽水特飲要加錢，但特飲好大杯。我最鍾意佢坐得舒服，一個人食都唔洗搭枱～ 今日豪氣d點咗麻婆豆腐餐（$5x)和單點夫妻肺片($68)～呢款麻婆豆腐同茶記落豆瓣醬煮個d味道好唔同，川式做法麻麻辣辣咁，豆腐又滑，再加埋d牛肉碎，成件事好惹味送飯一流，但食得多會覺得有點油。夫妻肺片份量都多，有牛展，牛肚，牛利，底有少量青瓜，肉切得厚薄適中所以肉質唔會韌，味道都算正宗唔會太辣。不過今次配搭錯左，兩款餸都有辣油係面，食多左覺得太油膩，所以應該叫肉碎四季豆或者酸菜魚，咁會食得舒服d!…Read More

尖沙咀區上樓川菜餐廳職員已經好多不過午市時段外賣要包嘅仲多入到去無人招呼自己搵個位坐自我定立嘅素食日當然選擇全素香鍋每間配料都不一樣生菜薯仔蓮藕雲耳食咁多間十二味都選擇少油終於都有間係。。。真少油…Read More

主打正宗傳統四川菜式🌶️餐廳裝修以時尚中國風為主🇨🇳融入了許多傳統的文化元素🧧例如瓦片、燈籠、屏風、等等🏮每桌都備有沙發座，坐得舒適😃梅菜扣肉滑溜醇香，肥而不腻🐽蒸好的豬肉吸滿梅菜醬汁，鹹香鮮甜😋肉質軟糯入味，送飯一流🍚近年麻辣香鍋也非常流行🥘特點就是：麻，辣，香😙中更而且可以根據自己的口味🥢隨意搭配喜愛的配菜🥩味道香濃，惹味十足🤩小籠包外皮軟綿，輕輕咬一小口😃散發豬肉的香氣，味道鬆軟可口😁…Read More

作為一個川菜愛好者，十二味係我成日都會食嘅餐廳🥰不過多數去都係食水煮/酸菜魚/麻辣香鍋。今次同朋友食完飯唔夠飽🤣就去十二味叫咗外賣翻去再食過麻辣小龍蝦（小份） $188雖然話係細份，但份量都好多，有滿滿一大盒！小龍蝦好易剝，肉質爽彈新鮮，好入味。我地叫咗小辣，覺得啱啱好，勁惹味😋除咗小龍蝦之外仲有唔少青瓜🥒，同樣好入味。好啱送酒😍爆辣跳跳蛙 $89一打開覺得同想像中好唔同，蛙切到超級細，再配上大量蒜薹去炒。呢道同樣叫嘅係小辣但會再辣d，入口同樣好惹味，又係一道下酒菜😬嵊州老麵小籠包（6只） $29估唔到十二味依家連小籠包都有！而且價錢好抵，除返開一隻都唔使$5😮不過留意返佢唔係上海嗰隻小籠包，而係老麵小籠包，似係平時食嘅篜包嘅迷你版，點醋食都唔錯…Read More

每隔一段時間就會好像食酸菜魚同乾鍋😋呢間完全係我每2星期就會食一次。周圍都有分店~又好食又方便無論Lunch定 Dinner 都勁大份！！！※人見人愛酸菜魚(必食！）魚肉唔腥又嫩又無骨🐟酸菜、配菜俾得勁多，大滿足٩(˃̶͈̀௰˂̶͈́)و個湯又勁好飲，次次都要跟飯😂一啖湯一啖飯加魚加酸菜。真心必必必食！※黯然銷魂炒飯炒完出黎飯粒粒分明，唔會勁濕！勁有鑊氣勁香，份量又多又多配料（切到勁細粒）※酸辣土豆絲又係川菜必點餸！炒得啱啱好又唔會太淋又唔會太爽ʕ •ᴥ•ʔ食呢個餸最驚就炒到好油🥲呢到完全唔會，調味又啱啱好！※Q彈魷魚須+Juicy杏鮑菇果然餸如其名😂魷魚須真係好Q彈、杏鮑菇真係好Juicy。勁香孜然味同辣粉🤤又方便入口唔似平時大大串咬到成面都係油同粉！…Read More

當日去食十二味呢間川菜，真係非常出色！首先係酸菜魚，酸辣清爽，魚肉鮮嫩，湯汁入口即化，帶嚐鮮甜。接著食咗麻辣土豆絲，辣中帶甜，土豆絲軟綿可口，辣味與香料交融，令人回味無窮。黃喉螺片香辣多汁，咬下去爽脆彈牙，帶點海鮮鮮味，絕對是送飯神器。辣炒雞片鮮嫩多汁，辣味十足，入口鮮香滑嫩，辣而不燥。最後小籠包，皮薄餡多，湯汁鮮美，口感煙韌，充滿肉汁香氣，每一口都是滿滿的幸福感。整體而言，呢間川菜餐廳的味道鮮美風味獨特，每一道菜都帶有豐富的層次感，而且辣度有多個level選擇，每道菜嘅辣味都有啲唔同～喜歡食辣嘅朋友記得嚟試喔！…Read More

小份麻辣小龍蝦🦞 $188麻辣味好十足，好地道，食到停唔到口😋😋。麻辣汁超好食🤩🤩，D汁加飯一起吃，係將味道再提升多一級📈。所以食完之後記得唔好叫佢拎走。用埋個汁點綴其他食物。👍👍呢度有一個🔊買三送一的優惠，喜歡食小龍蝦的朋友就記得唔好錯過拉。黯然銷魂炒飯 🍚$78呢個炒飯有鑊氣，調味剛剛好，我哋選咗唔辣。配料都有好多，有紅蘿蔔🥕、豆🫛、紫洋蔥🧅、雞蛋🥚、欖菜🥬、肉碎🐷和蝦肉🦐，全部配料都切得好好細粒，同飯粒差唔多大細，食落口，味道都好平均，唔會有啲咩味搶咗出嚟。😋😋熱情果梳打 🍹$29冰凍清甜🧊，酸酸地，解辣最好。👍👍👍…Read More

同frd黎十二味，連鎖餐廳，之前食過幾次質素穩定。酸菜魚配寬粉酸菜魚嘅湯底微微酸辣，魚肉滑嫩。配埋寬粉，吸滿湯汁，口感一流。酸酸地都好開胃。嵊州老麵小籠包6只以為係上海小籠包，後來先知係肉包。27蚊有6個超抵食啊。Q彈魷魚須10串魷魚須烤得剛好，外脆內嫩，口感彈牙。調味唔算重，可以食到魷魚本身嘅鮮甜，非常惹味。涼拌土豆絲涼拌土豆絲挺爽口，帶有少許酸辣，十分醒胃。土豆絲切得均勻，保持咗爽脆嘅口感，唔會過軟。紅油雞片紅油雞片帶有濃郁嘅麻辣香氣，雞肉嫩滑，香味十足。紅油香而不辣，底下好多青瓜，雞肉都好多。泡椒黃喉脆螺片呢道菜用泡椒調味，帶出鮮辣嘅味道，黃喉同脆螺片都非常爽脆。香辣開胃。食咁多埋單都係6百幾蚊，超級抵食。而且服務無錯，幾好坐。…Read More

今日發現到一間尖沙咀同朋友傾偈食飯嘅好地方。就正正喺K11後面嗰條街，見到地舖有好多紅色燈籠嘅就係！餐廳範圍好大，所以都應該容易搵位。而且食飯都冇限時，同埋枱同埋枱之間距離都幾遠。非常之適合傾偈同埋敘舊食飯！整體嚟講餐廳都唔算太貴，尖沙咀晚市嚟講，60幾蚊有個小菜。同啲朋友叫白飯就可以一路傾偈一度食。當中特別推薦，大家一定要食酸菜魚。勁大碗，非常足料。材料方面有：酸菜、魚、勁多寬粉、萵筍、芽菜、桂花葉。揀咗唔辣嘅味道，咁就可以同食唔到辣嘅朋友一齊食！小龍蝦就叫咗小辣，佢香辣並且惹味。食完一隻雖然嘴唇有啲麻痹嘅感覺，但係依然都會忍唔住再食多一隻！…Read More

外賣一個飯要70蚊已經算好貴仲要係得幾舊菜花 而且不是熱的嚴重懷疑是客人吃剩然後給我的 豬肉也是亂七八糟一舊嘢上次嗌左雞翼餐 比做田雞絕無下次👎👎👎👎👎又沒有肉 竟然可以收到70蚊 不如三送飯 都有好多肉啦味道又唔係特別同埋出色🤮…Read More