十二味 (赫德道)

营业中

休息中

今次嚟到尖沙咀嘅十二味，雖然佢係樓上舖，不過喺地面都見到佢哋嘅招牌，都唔難搵。我去嘅時候係下晝五點，原來佢哋啱啱先開舖，所以都冇乜人。好搞笑，見到佢呢個位竟然有得點歌！今次我就揀咗外賣，佢有機會見識到啲人點歌或者唱歌，下次真係要試吓堂食經典香辣鍋 香辣鍋最少五個數起，我今次就揀咗菜花，雞軟骨，肥牛同埋豬頸肉。因為我唔食黃豆，所以我就走咗黃豆。五個餸超大一盒，夠兩個人食仲有多，一打開超級惹味，我叫嘅係肉類偏多，佢哋全部都好入味，雞軟骨嘅口感就同其他肉類唔同少少，比較爽口而且都幾大粒。我覺得呢個香辣鍋一定要配飯先食，餸飯一流，如果就咁食會有少少鹹。另外仲叫咗黯然銷魂炒飯，個飯好足料，每一啖都有餸。雖然唔係啲咩好特別嘅炒飯，勝在夠香口。