姚姚酸菜魚 (希慎廣場)

Open Now

Now Closed

近排真係好鍾意食辣嘢，行街見到呢間餐廳除咗有我鍾意食嘅嘢，仲有小朋友都食得嘅雞，見到環境好靚，仲有卡位坐，價錢亦唔貴，今晚一於唔煮飯，全家一齊試吓。叫左呢款菌香雞煲有成半隻雞咁多，而且仲有好多菇類，上枱仲可以自己炒，小朋友覺得好好玩，食入口都幾好食，因為隻雞都幾滑，而且份量好多，雖然原來都有少少辣，但係小朋友都接受到，成個套餐都係二百幾蚊，有一大碗濃湯飯同大大碟菜，兩個人大人食呢個餐都應該已經夠晒飽。講真因為我唔知道原來佢嘅份量咁大，我同老公就唸住小朋友食雞煲，我哋就食呢個麻辣香鍋，香鍋勁多配料，用咗美極一齊炒，除咗辣之外仲特別香，鍋入邊有牛肉牛柏葉同埋好多配菜，辣得好過癮，炒土豆絲即係炒薯仔絲，係我每次食川菜都要食嘅嘢，呢間一樣炒得好好食，夠爽脆夠酸辣，用嚟送飯真係一流，不過我哋實在太眼闊肚窄，每一樣嘢份量都好多，結果我哋外賣足足兩盒，留返聽日晚餐繼續食😂

姚姚酸菜魚，唔係第一次食，但係見佢定期都有出新嘢，所以間唔中都會去食，今次主要係食佢同美極crossover 嘅麻辣香鍋，所以嗌咗一個酸菜魚雙拼，同埋麻辣香鍋！姚姚酸菜魚魚肉鮮嫩欲滴,咬下去彈牙有嚼勁,一點也沒有腥。酸菜的酸香滋味與醋香完美地融合在一起,令魚肉的天然鮮甜更加突出。每一口酸菜都帶來陣陣爽脆清新的酸爽感。蕃茄魚魚肉鮮嫩 ，比起酸菜魚，蕃茄魚會多咗粉絲 ，估唔到粉絲比魚更好吃，吸咗蕃茄汁嘅精華，絕對係邪惡之選牛肉麻辣香鍋有牛柏葉 ，牛肉，薯仔等。麻辣醬汁的調配恰到好處,由於用美極嘅關係，所以味道更加鮮味。不會過於刺激辣而影響食用，絕對可以送返幾碗白飯🍚🍚

星期一中午到，一心以為都只叫店內set lunch能快點上菜. 結果呆等40分鐘一樣嘢都無。其間時間有向店內經理禮貌催促，回覆反指我們應多給耐性等侯.餐廳根本未見爆場，明顯是為節省成本導致人手嚴重不足。用食客時間來幫補其餐廳營operation cost！食物質素只叫合格，酸菜魚set lunch hkd 168 未連加一，份量不夠亦節省略了很多一般酸菜魚應有的配菜，如寬粉..等等. 雖然價錢中高檔但服務完全不能接受。

早排同朋友去希慎食過係內地人氣店嘅「姚姚酸菜魚」，舖頭裝修風格特別，用咗Tiffany Blue 湖水綠為主顏色，好夢幻打卡嘅感覺，喺視覺角度黎講都幾舒服，而且入面嘅位置都幾寬敞同埋坐得好舒服！入坐後係用QR Code落單，上次食咗酸菜魚，今次見佢門口推介麻辣香鍋好想試下，一個香鍋包括嘅食物有：嫩牛肉、牛柏葉、鮮豆皮椰菜🥬花同薯角。樣樣都好開胃同餸飯🍚佢哋仲要用咗美極鮮辣汁，令個香鍋提鮮濃香！呢間店嘅白飯，選用嘅係「特級米」，嚟到就聞到勁香嘅米飯味，佢哋對白飯嘅選材都好有要求。另外我哋仲有order咗北京烤鴨（半隻），烤鴨醬料齊全，每片都好香脆而且去曬啲脂肪，肉質好嫩滑，加埋個皮夾埋配料醬汁黎食好正呀！烤鴨仲有配埋個椒鹽骨架，香脆可口，似食緊薯片咁正！最後仲點埋個涼拌萵荀絲，清新爽脆，中和一下！飲品🥤我哋就點咗新鮮水果烏龍茶，2杯入面都係好多果肉，茶香加上百香果香橙，可以解油膩，好清甜！📌姚姚酸菜魚（希慎廣場）📍地址：銅鑼灣軒尼詩道500號希慎廣場13樓1301號舖@yaoyaohongkong @nestle_hk #yaoyaohongkong #姚姚酸菜魚 #美極 #美極鮮辣汁

又黎食酸菜魚啦😍 今次黎到銅鑼灣姚姚酸菜魚 希慎呢間環境真係超靚😍用左Tiffany Blue主色設計 我地安排左坐窗口位 望出去個景好靚呀😍▫️姚姚酸菜魚2人份 2人份大大份 魚肉嫩滑都算大塊有少少酸辣味道 都幾足料 注意會有些少刺個魚湯都幾濃味 有少許麻辣 都幾開胃▫️麻辣牛香鍋 呢個牛香鍋都幾出色喎 有嫩牛肉、牛柏葉加埋葱碎同辣椒碎 好惹味😍 牛柏葉好入味我都幾鍾意食佢個鮮豆皮 煙煙韌韌▫️紅豆烏龍冰粉 冰粉之前食過 味道都唔錯👍 味道偏甜 除左有紅豆同埋花生碎之外仲有提子乾同埋小丸子🍡 作為甜品是不錯飲品方面 叫咗個茉莉香橙🍊入口茶味比橙味更濃 味道比較清淡至於個珊瑚柚白啤酒 果味幾香 配酸辣嘢都幾夾

係香港有4間分店 今次去銅鑼灣分店 整間店都係Tiffany blue 簡潔闊落 坐得舒適☺️🌟 麻辣牛香鍋 ($198)內有嫩牛肉、牛柏葉、鮮豆皮、椰菜花、薯角 添加辣椒同美極汁炒得勁香 特別鍾意牛肉同椰菜花🫶🏻雖然鋪滿辣椒 但不算太辣～🌟春夏滋味套餐 ($338)包左個酸菜魚、片皮鴨、椒鹽鴨架同飲品2杯 幾抵食！-▫️姚姚酸菜魚（精裝版）叫左中辣 食落酸比辣更出 酸菜魚肉質好嫩無骨 酸酸地幾開胃 湯撈飯一流🥰▪️片皮鴨(半隻）片皮鴨份量夠哂2人食 片皮鴨肥瘦適中 餅皮好薄好軟熟 包埋鴨同青瓜食正▫️椒鹽鴨架鴨架炸後幾香口 肉得少量 大部分都係骨同皮 咬下都幾開口～▪️多多桃膠椰奶 (+$24)椰奶味超重 桃膠同紅豆份量好多 飲落有少少似紅豆冰▫️茉莉香橙 (+$19)呢杯好清新又解辣😍有淡淡茉莉同橙香

姚姚酸菜魚並不是只有酸菜魚，他的麻辣小炒也惹味好吃。在希慎廣場13樓的這間餐廳，地方寬敞，居高臨下，環境優美。🏅麻辣牛香鍋（$198）天氣又濕又熱，想吃一些麻香惹味的小菜，於是我們點了這個香鍋。香鍋內容豐富，有牛肉片、牛柏葉、炸薯角、鮮豆皮和白椰菜花。牛肉又香又軟，非常好吃，其他配菜融合麻辣香，我們加叫一碗白飯，非常好下飯。🏅黃金脆炸小酥肉（$78）豬肉條又腍又滑， 蘸了粉醬才炸，不覺油膩。🏅熗炒手撕包菜（$68）清甜爽脆開胃好下飯。🏅麻醬雞絲粉皮（$68）非常好吃的醒胃菜，粉皮軟滑得來爽口，麻醬味道恰到好處，雞絲幼細，若果青瓜多點會更好。🏅紅糖糯米糍粑（$68）外皮酥脆，內裏香甜軟糯。🏅手打檸檬茶（$38）

餐廳用最迷人嘅Tiffany Blue做主色調應該係好多人喜歡嘅夢幻顏色位於希慎廣場，交通方便，坐落都舒服闊落全部都係用最新嘅QR code落單要有嘅都有齊，唔錯麻辣牛香鍋（嫩牛肉、牛柏葉、鮮豆皮、椰菜花、薯角）$198好推薦麻辣牛香鍋味道OK唔會太辣 鍋底再配上唔同嘅配料薯角夠香口 好惹味牛肉夠嫩口 略嫌份量太少加埋牛柏葉同埋鮮豆皮仲有椰菜花蔬菜份量今餐足夠啦惹味十足 食到停唔到口姚姚酸菜魚拼避風塘大蝦🍤 二人份$308 一次兩種口味店舖好貼心，整個過程都keep住保溫而且食物溫度啱啱好，唔會令到啲魚過熟呢度酸菜魚冇得頂，我哋點小辣啱啱好，夠酸辣，但係唔會太辣唔會搶到魚嘅味道👅魚肉夠嫩夠滑，酸菜亦都好足料另外就係避風塘大蝦🍤非常之惹味 一上碟已經同朋友爭住食呢個係米芝蓮推介添Menu上面有彩虹烏龍冰粉$68睇落去真係勁吸引🤩但真係太飽，食唔到見到佢上面有凍啫喱紅豆 果仁 甜糯米飯 仲有黑芝麻排到彩色咁，真係好靚總括嚟講覺得呢間餐廳非常適合成班朋友聚會食飯主要係佢近銅鑼灣座位夠闊落，而且嘢食唔錯😌

今晚運動完直接來光顧這家酸菜魚，想了很久因為新加坡只有太二沒有姚姚！雖然很多菜都已經售罄了，沒關係！真的沒關係！然後就只點了兩人份的酸菜魚，沒想到等了一個小時才上菜，還要催了才上菜，關鍵是還上錯了，結果呈上來的就是一大碗湯和酸菜，還有兩個斷開的魚頭，生怕我吃飽了，魚片都沒有20個，288的酸菜魚真的很不值得。也沒有太大的要求！我只是想吃飽啊！還浪費我的時間！！可能最大的優點就是等很久證明不是預制菜！

多數食酸菜魚，我都會選擇「姚姚酸菜魚」😬.姚姚酸菜魚(精裝版)🐟魚肉嫩滑😋有少少魚骨🥺加上大量酸菜同蘿蔔🥬🥕多酸微辣，味道開胃又有魚嘅鮮味😗.寬薯粉條🍜口感煙韌😆但份量偏少🥲.片皮鴨(半隻)🦆用餅皮包住烤鴨、京蔥、青瓜絲🥒蘿蔔、甜麵醬同白糖🤍鴨肉嫩滑🤤醬香濃郁，好滿足😌.椒鹽鴨架🦴椒鹽重，夠晒惹味👍🏻.麻醬雞絲粉皮🥢雞絲同青瓜份量都好夠🐓粉皮滑溜，加埋麻醬，好味道😛.酸辣藕丁🌶️藕丁爽脆😝但酸辣味有少少奇怪😢.手打檸檬茶🍋檸檬味清香☺️

小編已有一段時間沒有吃酸菜魚了。朋友說銅鑼灣希慎13樓有一家餐廳賣的品質不錯，連店名都用酸菜魚命名，我和朋友一起去試試看。麻辣香鍋 $257點了麻辣鍋底，至少要叫5種配料，選擇了鮮蝦、馬鈴薯、蓮藕片、千葉豆腐、萵筍片。份量很大盤，炒得很香口，其中最喜歡的是蓮藕片，它清爽且有甜味。萵筍片和馬鈴薯的味道也不錯，入口麻辣味很明顯，很美味。姚姚酸菜魚 $288怎麼能不點餐廳的招牌呢~我們點了少油少鹽，這份量足夠2-3個人吃，魚肉嫩滑，偶爾有碎骨，用了大量酸菜和花椒，味道十分鮮香，特別要贊一贊酸菜，酸得來亦很爽脆，湯底配飯一流。

姚姚酸菜魚係香港都開左幾間分店 今次我就黎到銅鑼灣分店 餐廳幾闊落 座位好舒適🤣 食物質素整體都好好 而且價錢合理 值得再黎食😚🍀麻辣香鍋我地揀左少鹽少油 再加左五款配菜 牛百葉爽口 大小適中 嫩牛肉細細片 吸左啲香辣味道好好食😋 豬耳脆口 份量好多 好抵食😆 寬薯粉條煙煙韌韌 口感吾錯 午餐肉炸得香脆 幾厚身😙🍀麻辣牛展麻辣汁少少辣好過癮 牛展有嚼勁 點埋啲辣汁一齊食好惹味🤤🍀麻辣皮蛋依個麻辣味道冇牛展個碟咁辣 但同樣好好食 作為開胃小食吾錯😉🍀姚姚脆奶熱辣辣嘅時候即刻要食 表面香脆可口 內面軟嫩又入味😍🍀鮮奶紅茶凍有港式奶茶嘅味道 加埋紅茶凍嘅咬口 又可以解下辣 幾正😝

我同朋友行希慎，想食辣野就上咗13樓嘅姚姚酸菜魚餐廳都好大，環境好光猛平日非繁忙時間都有好多座位姚姚嘅酸菜魚固然出名，但水煮牛肉、麻辣香鍋都好正今次同朋友揀咗食麻辣香鍋，最少選5種配料QR code落單可以慢慢揀！可以點配好多配料，素葷都有選擇！我地選咗小酥肉、魷魚、牛肉、 花菜同埋萵筍小酥肉酥脆生香，魷魚新鮮彈牙，肥牛好惹味花菜同埋萵筍都好麻辣入味，萵筍就好爽口！我地仲叫咗麻辣豬手，係香港人都食到嘅少少麻辣入口啖啖都係骨膠原！雙重刺激！而酸甜爽辣嘅醬蘿蔔都好解膩，啱曬我地口味！我叫咗多多桃膠椰奶，少甜少冰除咗有大大粒嘅桃膠，仲有紅豆， 口感豐富！朋友要咗爆打青瓜檸檬茶，入口清新酸爽！其實仲想叫多個冰粉食，但實在太飽了！下次啦！

行經希慎唔知食咩好朋友話想食麻辣嘢，咁我哋就搵附近邊間餐廳有，見到姚姚酸菜魚有即刻入去食。麻辣香鍋麻辣鍋底可以自己選擇麻辣程度，食材選擇比較多，我哋就揀咗牛百葉，嫩牛肉，脆皮肥腸，魚片頭，炸豆皮，牛柏葉爽口彈牙，牛肉份量好多食極都唔有，脆皮肥腸煙韌可口，炸豆皮吸收晒醬汁味道。藤椒無骨鳳爪藤椒香味撲鼻，無骨鳳爪食落爽口彈牙。麻辣牛展牛展口感軟林，完全唔會鞋，麻辣香味好惹味。姚姚脆奶炸到外脆內軟，牛奶味道香濃，10分解辣。

餐廳位於銅鑼灣希慎廣場，地鐵站上蓋，都算容易搵到，平時lunch hour都排長龍，今次我哋有訂位，就方便得多了！我哋order咗兩款魚雙拼，我滿足晒兩個願望番茄魚～賣相鮮豔，以濃郁嘅番茄湯底作為基底，魚肉滑得來入口酸酸甜甜，令人越食越開胃。酸菜魚～賣相清新，墨綠色嘅湯底，入口酸辣鮮美，魚肉鮮嫩無骨，搭配酸菜嘅脆爽口感，口感層次豐富。彩虹烏龍冰粉賣相色彩繽紛，見到都覺得令人心情愉悅，表面怖滿各款材料，包括葡萄乾、花生碎、酒釀、紅豆、丸子、黑芝麻，底層嘅冰粉，烏龍茶味突出，口感清涼，解辣又爽口！同辣辣嘅酸菜魚真係絕配😍如果本身唔鍾意食咁多材料嘅，可以order紅豆烏龍冰粉，入口一樣透心涼。