Video
Read full review
2024-05-26
23 views
近排真係好鍾意食辣嘢，行街見到呢間餐廳除咗有我鍾意食嘅嘢，仲有小朋友都食得嘅雞，見到環境好靚，仲有卡位坐，價錢亦唔貴，今晚一於唔煮飯，全家一齊試吓。叫左呢款菌香雞煲有成半隻雞咁多，而且仲有好多菇類，上枱仲可以自己炒，小朋友覺得好好玩，食入口都幾好食，因為隻雞都幾滑，而且份量好多，雖然原來都有少少辣，但係小朋友都接受到，成個套餐都係二百幾蚊，有一大碗濃湯飯同大大碟菜，兩個人大人食呢個餐都應該已經夠晒飽。講真因為我唔知道原來佢嘅份量咁大，我同老公就唸住小朋友食雞煲，我哋就食呢個麻辣香鍋，香鍋勁多配料，用咗美極一齊炒，除咗辣之外仲特別香，鍋入邊有牛肉牛柏葉同埋好多配菜，辣得好過癮，炒土豆絲即係炒薯仔絲，係我每次食川菜都要食嘅嘢，呢間一樣炒得好好食，夠爽脆夠酸辣，用嚟送飯真係一流，不過我哋實在太眼闊肚窄，每一樣嘢份量都好多，結果我哋外賣足足兩盒，留返聽日晚餐繼續食😂
叫左呢款菌香雞煲有成半隻雞咁多，而且仲有好多菇類，上枱仲可以自己炒，小朋友覺得好好玩，食入口都幾好食，因為隻雞都幾滑，而且份量好多，雖然原來都有少少辣，但係小朋友都接受到，成個套餐都係二百幾蚊，有一大碗濃湯飯同大大碟菜，兩個人大人食呢個餐都應該已經夠晒飽。
講真因為我唔知道原來佢嘅份量咁大，我同老公就唸住小朋友食雞煲，我哋就食呢個麻辣香鍋，香鍋勁多配料，用咗美極一齊炒，除咗辣之外仲特別香，鍋入邊有牛肉牛柏葉同埋好多配菜，辣得好過癮，
炒土豆絲即係炒薯仔絲，係我每次食川菜都要食嘅嘢，呢間一樣炒得好好食，夠爽脆夠酸辣，用嚟送飯真係一流，不過我哋實在太眼闊肚窄，每一樣嘢份量都好多，結果我哋外賣足足兩盒，留返聽日晚餐繼續食😂
Post
