影片
以上資料只供參考, 請與餐廳確認詳情
有關獎賞計劃
相關文章
同老婆行開街諗住去食個靚嘅西餐，無意之中揀咗呢一間。我哋兩個人叫咗一個六百幾(未加一) 既二人餐，另加4隻生蠔 餐包: 蕃茄乾香草餐包 feel 到依間餐廳有心做。麵包熱，外脆內軟，亦有蕃茄嘅香味，唔似一啲大型嘅連鎖西餐，會用好硬嘅白法包就算湯: 蘑菇餐湯，粟米濃湯加蟹肉個人prefer蘑菇湯，蘑菇味濃個粟米湯加蟹肉，個人覺得有啲太甜佢有心嘅地方就係啲蟹肉會先放上咗隻湯碟度，再倒粟米濃湯入去擺明俾你睇佢真係用咗好多蟹肉前菜: 蟹肉漢堡包，韓式炸雞蟹肉漢堡包正常重點係個紅色炸雞，完全冇估到佢個韓式炸雞幾好食，甜辣都平衡，老婆都難得話好好食主菜: 龍蝦海鮮意大利飯，烤乳豬拼薯菜 蘋果蓉汁兩個主菜都表現正常，份量大個烤乳豬，皮脆，肉入味個人覺得啲意大利飯可以再硬一啲，再改善下個口感就會更加好味可能因為麵包，湯同前菜都好出色。相對之下，主菜就比較正常服務: 重點！ 侍應服務態度好好，亦好留意我哋用餐嘅次序，換碟生蠔: 做緊特價$10 一隻，有海水味，肉質都正常講真，人均$400既晚餐係荃灣唔會叫做平依一間餐廳，係你俾$400 ，佢就真係俾返值得$400嘅食物同用心服務你我哋幫襯嘅時候，間餐廳連半滿都無，仲有一台係疑似老闆自己友慶祝，真心覺得佢哋應該要有更加多人幫襯
繼續閱讀
享受二人世界燭光晚餐❤️前菜有大蝦沙律另外仲有個蘑菇湯超級濃郁😜套餐當然唔少得有餐包浸湯食係絕配食西餐點少得鵝肝，系至愛😋入口即溶，好香滑，推薦主菜叫咗個龍蝦闊條麵龍蝦質感，爽口彈牙唔會燒到好老闊條麵夠煙靭，夠味又唔會好溜仲叫咗個野菌牛肝菌黑松露忌廉汁燴意大利飯黑松露味夠香意大利飯會偏硬身唔會冧晒一pat pat 🙈好食整體黎講都好滿意想食西餐不妨可以試試高質西餐廳😍
繼續閱讀
開瓶費 $ 150Riedel 酒杯供應餐湯跟餐包餐湯 - 磨菇忌廉湯出街食通常都係白湯加磨菇粒，見到咁灰嘅磨菇湯真係好少有濃郁細滑餐沙律 - 煙鴨胸沙律普普通通，不過都有誠意三文魚扒時蘿忌廉意大利飯 $ 88三文魚扒靚仔，唔係超市款直切圓形果種有骨扒。忌廉意大利飯份量十足，而且煮得香、滑、煙韌寶雲蘇烤焗豬扒配蘋果茸 $ 118以為係分開，點知原來佢用蘋果茸做黏合，放上香草麵包糠焗，非常聰明，不過擺碟就一般。豬扒好食，唔會過薄、乾柴烤紐西蘭西冷扒 12oz $ 118大大件西冷，仲用牛牛鐵板上好有feel。配菜又多又好味，黑椒汁好濃牛扒冇問我成數，咁我都免問。肉質絕無用梳打粉鬆肉，所以全熟有少少鞋，同埋有條大筋咬唔開，不過咁嘅價錢，我12oz當8oz咁食係OK嘅地點可能難搵少少，但係環境大，酒吧得嚟唔會好黑，店員都有禮貌，有晒制服兼打Bowtie午餐有88折，平上加平👍 食完行下商場一流
繼續閱讀
門口大大個招牌寫上［$10生蠔］就來試試，可惜原來你需要先點主食，才可點半打$10生蠔，注意⚠️兒童餐不入選為主食。 另外可賞$98/無限暢飲生啤，不過選擇不多，只有兩款味道，食物質素好，但選擇不多，服務員態度非常友善👍🏻 ，在荃灣區都算不錯的選擇
繼續閱讀
法國生蠔（$10@）最少兩隻起，淺嚐要咗四隻。雖然細細隻，但食得出頗新鮮，淡淡海水鹹味帶少少鮮甜，帶子位爽口。以十蚊一隻嚟講，可以一試。午市套餐，有餐湯+餐包或沙律、主食、熱飲。是日餐湯係蘑菇湯，creamy，有菇味，還可以。餐包熱烘烘，外脆內軟，帶有香草味，好味。酥炸魷魚圈（$28）套餐可加配小食，要咗炸魷魚圈，份量OK，即炸，唔油，炸粉算薄帶有少少香草味，味道不錯。烤紐西蘭西冷扒12安士（$118）懷舊鐵板系列，已經諗唔起，對上一次食呢類型嘅鐵板牛扒喺幾時了。鐵板上枱淋汁（揀咗蒜蓉汁），員工提醒用布遮一遮，我仲load咗半秒先醒起（超尷尬）。牛扒約六七成熟，肉質預期之內，結實有咬口，肉味普通。配菜有薯條、粟米、西蘭花。烤鴨髀配南瓜汁意大利飯（$88）南瓜汁意大利飯味道很好，米飯外軟裡面微硬，不錯，南瓜粒有蔬菜質地口感，個人覺得如果再腍啲會更好（反而事頭婆鐘意呢個偏實身嘅口感，話同個飯一軟一硬有對比仲好，well，每個人都有各自嘅偏愛）。烤鴨髀中規中矩，烤得夠香，有鴨味但無騷味，但肉質唔夠嫩。最後餐飲要咗熱咖啡，係即磨咖啡，而且奶仲係熱嘅，很好，加分。整體用餐體驗感覺良好，環境舒服，空間感足，員工有禮，食物質素唔錯。PS：午市仲有88折，即係變相免加一。
繼續閱讀