祥記麵家

營業中

休息中

一行8人，上晝一到澳門，就去搵蔡生介紹嘅祥記食佢讚嘅蝦籽撈麵，11:30左右到達祥記，點知要等佢12:00開舖，好彩排我哋前面都只係2、3枱客啫，一夠鐘入去有位坐，不過要分2張卡位，當落order時，要等好耐先到我坐嗰枱，我就order咗蝦籽撈麵，其他人order咗牛腩麵、雲吞麵、牛腩撈及魚皮，order完等好耐都未有得食，第二張枱的家人都食完，當我等得無聊時，隔鄰的遊客加單要蝦籽撈麵，當我見到伙記攞住碟蝦籽撈麵時，我心諗到我啦，點知個伙記攞住碟麵周圍走，話唔知邊枱喎，另一個伙記就話不如俾加單嗰枱先，我就即刻出聲話我等咁耐都仲未有，佢加單就俾佢，又唔check清楚先，唔係吖嘛，嗰兩個伙記竟然充耳不聞，當時我是很大聲講的，其他枱的客都望住我！再等多一陣先俾碟麵我，我真係第一次食咁細碟嘅撈麵，3啖食晒，仲要$19，其他人食嘅牛腩麵同雲吞麵都話唔好食，魚皮還可以！咁次真係多謝蔡生饍稿好介紹夜晚7:00左右再經過，竟然只得2、3枱客，唔知係唔係受過教訓唔再嚟呢？我就決定唔會再嚟，仲會叫朋友唔好試啦！我呢世仔都係第一次寫食評，真係頂住先寫！

蝦子撈麵超細碟...蝦子過火只有咸味....蝦子冇下面d 相咁多得一半整體黎講....係油+豉油浸麵.....連上湯都冇成碟野唔值$19.....仲要排隊, 好食都冇所謂...but......太失望冇下次

早上第二餐...早餐可以食兩餐...勁呀!!...要o係門口排隊等位, 好彩唔係太長龍!!金沙炸鯪魚球 ~ 炸得好脆又彈牙..GooD招牌蝦子撈麵 ~ 無鹼水味好彈牙o既竹昇麵, 蝦子多, 夠晒味!!薑蔥灼魚皮 ~ 爽脆爽脆再爽脆, 唔會太薄, 有"招"頭!!淨雲吞 ~ 雲吞好細粒, 一般...下次唔會order lu, 都係香港劉森記好味!! 柱侯豬手 ~ 買咗外買返屋企, 豬手太細舊, 味就OK!!食完要快d走, d 位好逼, 實在坐得不舒服!!好似叫咗好多嘢, 其實份量都很少, 唔會令人太飽呢!!

一年前的食評..現在先寫返..真有點不好意思!在上年的3月是我第二次的澳門之旅..沒有準備下亂撞地去了這間祥記面店..望見周圍大部份都是攞住本自遊行書係食的..平日星期四去都很多人..地方細細好窄坐得很辛苦.. 蝦子面...比我想像中細碟好多..一個面都冇..一碟大約等於手掌心咁細..$18一碟...二啖就食曬了..食左等於冇食過咁...哈哈..如果要飽..我諗要食一個蝦子面加一碗雲吞面先夠了(留意相片與真實不成比例的)不過面質又真係幾滑..同平時食的好不同..都值得一試的~~

又係老牌名店, 又係要在門口排長龍等位, 係唔係咁好食呀 ??食完咪又一次失望囉蝦子撈麵 $19 - 好細碟; 2 口已吃完, 蝦子是多, 但有好明顯的火燶味, 肯定炒燶咗 麵質也不見得特別出眾. 元朗好到底的蝦子撈高出幾班馬. 金沙鯪魚球 $28 - 好食, 但點解蜆蚧要收多 $1 還要細碟到點 2 粒鯪魚球已用光, 要再叫多一碟, 擺明搶錢 食完係的結論和阿蘇一樣, 食雲吞麵都係香港好......

成條福隆新街麵檔最高人氣，入到去好在剛剛有人走先有位坐。個舖唔算大約有40個位喇~呢間店係家庭2代生意幾有溫馨感咖。周圍望竟然見到有個鬼妹嚟幫襯，我無睇佢食乜自己就叫咗個招牌雲吞蝦子撈麵。麵來了....先吃雲吞試味...雲吞唔係大粒，2隻蝦仔夾些少豬肉成為一粒雲吞，蝦唔夠鮮。食到蝦子麵啦!...個竹昇麵一啲鹼水味都無，完全唔同香港鹼水蛋麵，麵身有咬口但係無乜彈性。個麵雖然有豬油香，卻要靠蝦子提升味道。蝦子細細粒咬落仲有彈性個麵...食到半路個撈麵湯先到，都要講埋佢......正呀...係唔多覺有味精嘅魚湯...一飲而盡!各位蝦子撈麵加到$19喇...

The baby prawn in dry noodle was a little too oily and I couldn’t taste or smell any prawn but the noodle itself was pretty nice it’s not too soft or too hard; maybe I should try the jellyfish or grill squid with dry noodle instead.Dishes ordered:Baby prawn plus wonton in dry noodle Pig feet – really tender but the dish was too smallDeep fry Fish ball – it’s not oily and it’s made from nice fresh fish meat you can tell by the taste there were not bad seafood smell to it.Fish skin – a really smar

1 蝦子撈麵排隊期間瞥見店員將豬油加進撈麵的油中，就知道待會撈麵必須即來即吃，事實證明即吃與放涼才吃，食味分別很大，麵香麵質都”走樣”。2米通綾魚球配蜆介汁正如麗梅姐講：魚有魚味~~有鯪魚的魚味，且爽口彈牙，鯪魚肉一向非我所好，在港食到的，有魚味就送魚骨，無魚味就要煎香搭救。這綾魚球則香、鮮、彈三者兼備。值得一提還有蜆介汁，單嘗此汁頗咸，但富海產特有的咸香，我雖愛清淡菜式，但仍被其咸香吸引。坐在狹小座位，卻令我想起大澳街頭飄來的漁港風味，配上魚球確能捉提升此菜風味。3白灼魚皮爽脆不腥！4蝦餃外形小巧，雲吞皮偏深黃，可能因此感覺略厚，不如一段雲吞通透，但蝦肉爽彈實淨，腦中即時浮現”有料到”3個字。整體而言，值得排隊品嘗，食時如能抱有一分錢一分貨心情，便不會介意十多元，一個蝦子撈麵，三四啖便吃完。至於吸引我非排隊不可的蝦子飄香，嘗之未有特別驚喜，或許因豬油香有點喧賓奪主吧。

果日十二點開檔, 居然成幾十人等佢開門衝入去, 痴痴地線, 入到去叫了蝦子面, 牛腩, 蝦子無滋無味, 啲面又聽蔡蘭話易咬斷同唔咬斷之間先好味, 我咬左好多下都唔覺得咁又有乜好味, 根本就係搵人笨既, 香港既蝦子面都好食好多, 起碼係爽好多。 牛腩無味, 根本係雪既, 都唔明點解咁多人去, 阿蔡蘭緊係收左水喇。

28-2-2009Plan 了咁多「餐」, 其實我最期待食的係蝦籽撈, 先寫第一 round.蝦籽撈 ($18) 原來幾的骰, 滑滑的 (豬油?), 黐埋一餅, 好在老闆娘 (?) 見我0地夾得咁狼狽, 主動埋0黎幫我0地剪麵 麵質夠晒彈牙, 帶蛋香豬油香, 撈上蝦籽, 幾好食. 不過個人偏好勁「多蝦籽」版的蝦籽撈, 呢度的稍嫌唔夠喉. 另外亦叫了金沙鯪魚球 ($27), 粒粒脹卜卜, 外層係炸米粉條, 熱辣辣十分脆口, 食落彈牙鬆泡, 唔腥之餘仲好鮮味, 好食! 蜆介醬亦出色, 味道夠晒鹹鮮, 用0黎蘸鯪魚球一流. 見食友們的白灼魚皮相片亦幾吸引, 下次幫襯的話希望有機會試試吧.

都等左好耐....個時兩點半架啦，仲有條 long queue.....試了：蝦子麵 - 好彩係無 kan 水味，好唔 like kan 水味，上面 d 粉幾好味，攪到我都想買一樽，不過都有 d 貴。我覺得個 size 細細碟，岩晒我，我唔中意太大碟的麵。青蔥灼魚皮 - 一入口，魚皮既 texture 好奇怪，都算爽，未去到似海哲似膠質多 d ，無味，所以最好沾一 d 蜆介醬重味的東西，我都唔係太敢食魚皮既人。江南豬手 - d 豬手切到好細粒呀，不過都好既，我都唔係太食豬手，但細細舊會試囉。咖哩蘿蔔 - 味道都幾好酥炸鯪魚球 - 極好味！可以 encore牛腩撈蝦子麵 - 友人叫的，正常雲吞 - 因為唔夠飽，所以叫埋的，都幾細粒。其實呢間野都係細細碟，但價錢唔算抵囉。咁食法都二百七十幾蚊啊。但係個老闆娘做到陀背，都買佢既有 heart 既。

今日剛同我家大少食完, 見到咁多人寫到咁正, 出發前滿有期待....坐低叫完嘢食之後.........覺得好唔低食........蝦子豬手撈 - 麵好少, 豬手有3件但超細件, 鋪入面嘅介紹係"豬手肉多骨少", 但實際剛好相反 !!!蝦子雲吞撈 - 雲吞淡而無味, 仲差過香港d雲吞.....油菜 - 菜芯超老 !!金沙炸鯪魚球 - 池記嘅仲彈牙 !! 仲有2支汽水

執筆前重看自己上年中的祥記食評，該食評以 "唯一遺憾就是沒點蝦子撈及那看似美味的金沙鯪魚球" 作結，這次再到澳門，首要任務當然要為這長達半年的遺憾劃上句號。由於祥記鄰近大馬路，故常被筆者列入澳門行程的第一站，遊大三巴、觀音像、媽閣廟前，當然不會蠢得去咀香園買手信，應是過對面街品嗜馳名的蝦籽撈才是明智選擇吧！蔡瀾、蘇絲黃等名咀主持盛讚的馳名蝦籽撈麵，絕對非浪得虛名，麵身是每日以竹昇新鮮打造而成，入口固然彈牙，灑在麵上的蝦籽份量剛好，口入啪啪聲過癮非常，最重要是撈麵不能沒有的豬油，令竹昇麵更加香更加滑，配上青綠蔥粒，不用兩三下手勢便將之解決，簡直是大快人心。一碟小小的豬油蝦籽撈麵，令人胃納大開，隨即將熱辣辣的金沙炸鯪魚球放入口內，以米通作外層的炸球外表可愛，口感相當香脆，內裡的鯪魚肉餡也非常充實，不會有鬆散沒咬感的情況出現，不算得是出類拔萃，唯創意十足值得一試，要留意的是蜆芥醬需另加一蚊，卻鹹得『無』道理，影響整體味道，金融海嘯期間慳得一蚊就一蚊，建議大家還要不要此醬為上了。又豬油又炸物，最後以一碟蠔油芥蘭清清口腔肥膩之感，份量不多但新鮮搭夠，正好為是次搵食之旅揭開完美的序幕呢！

因為某食家推介紹, 慕名試一試.蝦子noodle:淡而無味,一D蝦子味都無, 又無湯跟,乾食炸鯪魚球: 無魚味,蜆蚧要加$1,離譜炸雲吞, 無特別, 有"簡水"味我們一行十二人, 食咗$420,一 D都唔飽, 因為碟noodle size太細了,我哋食晚飯都係約$900吧!!!!!!!!!!超唔值

每次出trip去澳門都心思思想食祥記既蝦子麵同豬手.但經香港某某著名食家介紹後,不但加左價,分量重減少左一半有多,原本叫食個蝦子麵(原本成碟麵面全是蝦仔)加碟油菜已好飽,再食豬手就要兩三個人share至食得晒.1. 碟蝦仔麵既蝦仔小左好多好多2.d豬手未煮琳就比客食,個個食一嚿停晒手3.而果個用豉油碟裝既油菜得兩著.尼間鋪都係跟其他鋪一樣,一出名就唔好食.