祥記麵家

營業中

休息中

今晚係閒日不用等位在這間店舖叫左蝦籽撈麵, 叫左一陣好快就有得食, 份量好少, 幾口就食曬, 麵麵係用人手打好彈牙, 值得一試

星期日過大海搏殺!! 同時亦係大食之行的開始!落船之後, 首站係先去祥記, 食既梗係招牌的雲吞麵了, 話哂都係澳門的名店... 之但係因為想食多幾間, 所以明知唔夠飽, 都只係叫一碗雲吞麵食就算!如果要食一碗麵就夠飽, 你會極之失望, 因為佢碗雲吞麵真係只得兩啖, 雲吞都只係有四粒, 但係麵的水準係好高, 首先: 係無梘水味, 其次, 麵身唔會好似橡皮筋咁, 而係比較軟熟, 但係又有靭度wor, 所以又唔會散哂, 你會覺得係真正食緊麵, 而唔係橡筋!雲吞都ok, 全靠靚上湯吊味, 食完, 就好似朝聖完一間崇高的麵店, 滿足的去下一站了

灼魚皮 $14 好爽,好脆 蝦籽撈麵 $19 可以一試,都幾好食 金沙鯪魚球 $28 炸得個皮好脆,裡面d魚肉有魚味,加埋個蜆汁. 正!

may 29, 09,買完最香嘅手信後,跟住就嚟食,上次友人錯過了,今次我哋4人叫咗 : 1) 灼魚皮-我從未食過呢樣嘢-只試咗1小片-真喺有"趙"口,帶點彈性,但亦好"sok sok"聲咁爽-可能我對腥味超級敏感,有好隱隱嘅腥味-所以沒有encore第2片 2) 海蜇撈麵-海蜇唔多,亦唔喺好爽彈嗰種-撈麵如上次食嘅1樣,唔會好乾身,無鹼水味,所以唔亦唔會爽口-但可能近來澳門嘅麵質,現在反而喜歡無鹼味,所以唔介意唔爽 3) 蝦籽撈麵-呢個無試因上次已經食過 4) 雲吞蝦籽撈麵-食了友人1粒雲吞-味道自然,但鮮味稍遜...........好似皇冠x館好d 5) 金沙鯪魚球-配以蜆芥醬-鯪魚球外炸得鬆,微脆,裡面魚肉足料,唔會粉口,蘸上蜆芥增添幾分鮮味6) 細芬達提子汁

因為旅遊書的介紹,是日大部分食客都是香港人 蝦子撈麵,普通都唔再普通既地步,份量又少,價錢又貴,除左係招牌之外覺得唔值酥炸鯪魚球,極力介捱,啖啖魚味,擺明新鮮魚製造

同朋友睇過旅遊書，本書話未食過呢度既蝦子麵好似未黎過澳門咁，仲開左成48年，講到咁堅，所以同朋友講定就算門口條人龍幾長都好，都要食到為止！黎到o個時好彩門口條人龍都唔係好長，響門口見到好多舊式既可樂，嘩！好懷念~!等左三個字左右終於有位喇！間舖都幾多人又迫人。我地兩個人點左碟豬手同埋兩個蝦子撈麵。南乳豬手:呢度既豬手斬到好細件，同平時既羊腩差唔多，入口豬皮唔黏口，冇咩南乳味，個咸味都幾單調。同埋又真係咸左少少。蝦子撈麵:馳名蝦子撈麵等我地食晒成碟豬手先黎........佢一拎過黎.........咦?!點解咁細碟既?!唔通我地去左麥x記??! 味道唔錯，夠香口，好香既豬油味，太多豬油所以唔係幾食到蝦子味............因為太細碟，所以食完好似冇咩感覺，唯有再搵野食啦

名不符实呀，果日我同家人特意去到祥记食虾子面同鱼皮，外面已经有几个人排紧队，店里则坐满晒人，其实不算人多，只是间铺头仔好细，d台又窄又逼。我地以为真是网上讲到甘好味，叫左个虾子面，一个鱼皮，一个炸鲮鱼球。首先碟鱼皮少到得几块，我妈仲以为个伙计偷食，又硬一d都唔脆，仲卖１４蚊一碟，我地一行４人，每人夹一块就无啦。跟住就是鲮鱼球，虽然炸得几香口，不过果碟送的蚬蚧仲细过d普通的豉油碟，里面只有一个蚬，个老板认真孤寒，如果你不够要加碟蚬蚧，仲要加２蚊！！！最后是虾子捞面，细碗到咩甘，如果要讲佢嘅味道，就同一般嘅面店差不多，根本是不值得推介！总括来讲，祥记，把鬼！论食物质素，一般！论食物份量，小气！论食物环境，坐得不舒服，窄到死！论价钱，不值！

may 01, 09,襯2個友人去買手信,我跟咗另1友人嚟食 : 1) 蝦籽撈麵 (mop19)-蝦籽都有鮮味-麵身濕濕地,但唔過份,可以接受-因為無點有鹼水味,所以唔會好爽彈,但也不腍-整體味道ok喎 2) 碧綠鮮魷片 (mop25)-睇個樣我就唔多覺得喺鮮魷因平時食飯,熟咗嘅鮮魷明明喺純白色格,而唔喺肉色,不過友人都話喺鮮魷嚟..............ok啦-但個質感又真喺好軟喎,都食到有彈性,好簡單嘅材料,鮮魷+豉油+蔥花,個豉油就帶起咗鮮魷嘅微鮮味 3) 南乳豬手 (mop25)-因為見到對面食客嘅豬手撈麵好似有幾好樣咁喎-我話想叫嚟玩吓,高興友人又樂意奉陪-炆得夠腍,但肉唔多,食膠性多d,味道溫溫的,唔會好似南乳嗰種咁濃-所以我還是比較喜歡灣仔永x嘅豬手* 友人見我食得唔多,就索性請我食呢餐,多謝晒

今次去之前講定,如果好似上次那樣多人,要迫埋一齊坐的話就放棄... 到達時三點幾,奇怪地店裡只得幾個客大把位任坐... 實在太好,終於可以自己霸張卡位坐...先來一碟蝦子撈麵 - 不知是否人少關係,今次碟蝦子麵同上次有點不同,齋講賣相都靚好多. 味道同上次一樣,始終覺得竹昇麵好食但蝦子只屬一般.今次主要想講的是金沙鯪魚球.本來只叫酥炸鯪魚球,但阿姐話金沙鯪魚球多人叫同唔太油; 無所謂,橫掂兩款都未試過. 個名叫"金沙",我以為外層有蛋黃添,但原來外層是類似炸米通的東西. 雖然熱辣辣,但外層並不脆,有點失望; 可幸鯪魚球咬落夠彈牙, 唔腥而且幾鮮味!蜆芥醬無我想像中那麼鹹,沾鯪魚球又的確唔錯. 唯一問題,也是其他食評提到的缺點,就是碟蜆芥醬實在太細碟. 一客鯪魚球有成八粒,根本唔夠"點"囉... 攞多碟又要加錢,有點搵笨.

最不喜歡這裏太現實,只著眼於利用這陣熱潮揾錢,而不好好保持水準!!這裏最出名的竹昇麵,麵身彈牙煙韌無簡水味,不會過硬過淋,但麥味蛋味確很一般;份量勁小,一個雲吞捞,4粒勁細雲吞加一個麵餅連湯都没有,賣19蚊,在澳門都算貴,雲吞蝦細唔新鮮加上無味勁碎,份量勁小的豬肉,一咬即散,蝦肉豬肉分離四散,是我吃過的食店最差勁的!!江南豬手--Size一定係乳豬手,骨多肉小,份量小,味道算可以,味不濃不膩,賣25蚊!!金沙炸鯪魚球--28蚊8粒,外皮香脆彈牙,鯪魚肉煙韌味較淡,蜆芥醬要加1蚊且極細碟,小心!!叫汽水大枝7皮,細枝6皮,自已擇吧!!進食其間,送額外帳單一張,怕你再叫賴死唔走阻住佢揾銀!!

根旅遊書寫平日開到凌晨, 去到點知食閉門羹...後來第二日再去過...雲吞: $2x, 雖然細細件, 但算幾好食...蝦子撈: 完全冇蝦子味, 又油, 唔得啦豬手面: 幾有南乳豬手味, 唔錯水餃: ok啦大可樂:$6 抵

當日與家人到此店，見門口有十多人在排隊等候。唸住要食好嘢，等吓都值得嘅！點知吃完之後發覺名過於實，直情到了不值一試的地步。仲話要排隊，簡直浪癈生命。我與家人點了以下食物：1) 蝦子撈麵 X2 $382) 雲吞撈麵加蝦子3) 生魚皮 $154) 金沙鯪魚球 $285) 炸雲吞 $28三個人吃了以上食物，大家都認同，除了 "蝦子撈麵 "的味道還可以，其他的都已用差來形容，生魚皮好細碟；金沙鯪魚球，太(林)毫無彈牙可言，炸雲吞由於雲吞細粒，故食起上嚟得塊炸皮，加上價錢一啲都唔平。總括：全店只有蝦子撈麵吃得過，要用上20-30分鐘等位，值唔值？各位自己去衡量！

知道這店的蝦子撈麺很有名，自己又喜歡蝦子，便來了。看見牆上蔡瀾的剪報説這兒的麺是用竹升打出來的、有趣！吃落真的不錯，麺條爽口，蝦子好吃得我買了一瓶回家。叫了雲呑和牛腩麺、兩者都不差、但在此店還是吃蝦子撈麺最值得的了。所以多叫了一碟牛雜蝦子撈麺、好吃！然後離店。

以前去澳門我一定到祥記吃一碟蝦子撈麵，但2月份再到祥記，我已決定不會再去。因為人多，坐位是逼得不能再逼，這次也是點了蝦子撈麵，麵一來，發覺份量(包括蝦子及麵) 少了，味道也大不如前，當我們吃完麵後，湯還沒到，正想追問時發覺原來所有人都沒有湯，只有麵一碟，我和朋友都決定不問也罷，一間有水準的麵店，不可能因為人多而敷衍了事，撈麵應有的湯都欠奉，如何稱得上一間正宗麵店。因為香港幾位食家吹棒，每逢假期祥記必定大排長龍，是否值得大家自行判斷。我現在已轉到另外一家澳門人介紹的麵店吃我喜愛的蝦子撈麵了。

我們原先都不打算吃呢間野但咁啱路過, 見到又好多人排隊, 同埋又有菜瀾的推介, 便跟風一齊排愈是多人排, 我愈會期望呢間野會好好味入到去裡面, 真係覺得佢個內籠好細而且人好多, 好逼!我們實在唔肚餓所以只吃了一個蝦子撈麵和牛腩撈麵, 還有一支解渴的玻璃樽可樂實在會不自覺地比較六記同吃蝦子撈麵, 六記的份量較多, 而且較便宜味道都較好, 坐又坐得舒服點而牛腩撈麵則見普通, 冇特別要我排隊來一間咁狹小的地方吃一些質素一般的食物我覺得, 一次就夠了