豪隍點心工房

營業中

休息中

8點先收工，忽然好想食點心，諗起屋企附近有間豪隍深受街坊支持，一於一支箭飛去食。去到門口哥哥仔提示仲有5分鐘last order，9點要離座，驚我叫唔切食唔切，放心，我好肚餓，一定趕到😂 叉燒腸粉：唔差又唔會嘩一聲嗰隻，我鍾意嘅腸粉要薄、滑同有靭度，呢度算薄、普通滑、冇靭性，已經預切好，趁熱一啖一件感覺到誠意。點心拼盤：兩粒蝦餃，2粒粉果，1個叉燒包、一個流沙包。蝦餃好大隻，不過蝦唔爽口，反而粉果唔錯。另外叉燒飽同流沙飽啱啱蒸好又細隻，所以好軟熟，包同餡比例啱啱好，好滿足。9點前飲多幾杯鐵觀音就走啦，唔好阻住職員收工呀嘛。