影片
更多
2024-07-03
102 瀏覽
一排冇喺IFC返工，又掛住呢一間以前喺呢度返工成日都嚟食嘅福建菜。每次黎都會有啲季節限定，幾有新意，而且整體水準穩定，暫時touch wood次次叫新嘢都係好食嘅。餐廳裝修行Modern路線，係傳統福建菜之上，再加入少許新潮元素（例如有啲特色茶飲），幾有心思。勝瓜燴海蟶係其中一款季節主菜，勝瓜嫩口無渣，吸收咗蟶子嘅味道，食落更加鮮甜，蟶子大隻無沙，處理得好乾淨，白白嫩嫩的一口一隻，佐酒甚佳。另外叫咗福建金湯佛跳牆套餐，所以自選小食同飲品，金湯佛跳牆非常足料，大大隻嘅鮑魚、鮮味大瑤柱、花膠、海參、雞肉、鵪鶉蛋等等，質感非常濃稠，加上福建人過時過節都中意食嘅長壽麵線，整體配料豐富，調味到位，感覺好滋補。跟餐點的小食選了臘味雞肉卷，外彈牙內扎實嘅質感，幾特別。一濃一淡，平衡得幾好，而桂花烏龍茶就冰爽低甜，亦不錯。湯品order了黑蒜粒燉排屑湯和姬松茸竹笙排骨湯，前者蒜味黑胡椒味非常重，辛辣解寒，而後者就較為柔和，似媽媽煲的愛心老火湯feel。雖然怕熱氣，但鮮果荔枝蝦球幾乎是每次來的必叫，鮮菠蘿🍍香甜多汁，蝦球製成荔枝的模樣，打卡一流，味道亦佳，質感彈牙，且咬落真係見到鮮蝦粒於當中，感覺幾真材
餐廳裝修行Modern路線，係傳統福建菜之上，再加入少許新潮元素（例如有啲特色茶飲），幾有心思。
勝瓜燴海蟶係其中一款季節主菜，勝瓜嫩口無渣，吸收咗蟶子嘅味道，食落更加鮮甜，蟶子大隻無沙，處理得好乾淨，白白嫩嫩的一口一隻，佐酒甚佳。
另外叫咗福建金湯佛跳牆套餐，所以自選小食同飲品，金湯佛跳牆非常足料，大大隻嘅鮑魚、鮮味大瑤柱、花膠、海參、雞肉、鵪鶉蛋等等，質感非常濃稠，加上福建人過時過節都中意食嘅長壽麵線，整體配料豐富，調味到位，感覺好滋補。跟餐點的小食選了臘味雞肉卷，外彈牙內扎實嘅質感，幾特別。一濃一淡，平衡得幾好，而桂花烏龍茶就冰爽低甜，亦不錯。
湯品order了黑蒜粒燉排屑湯和姬松茸竹笙排骨湯，前者蒜味黑胡椒味非常重，辛辣解寒，而後者就較為柔和，似媽媽煲的愛心老火湯feel。
雖然怕熱氣，但鮮果荔枝蝦球幾乎是每次來的必叫，鮮菠蘿🍍香甜多汁，蝦球製成荔枝的模樣，打卡一流，味道亦佳，質感彈牙，且咬落真係見到鮮蝦粒於當中，感覺幾真材實料。
甜品選擇有好幾款，樣樣都想試下，白茶流心丸外酥脆內流心，中間嘅流心有啲似鹹蛋黃味，好有特色。怕熱氣想要溫和啲嘅話，就可以試下古早味花生湯，花生🥜幾乎煲成蓉，但又保留少許咬口，花生的精華全部被煮進湯中，啖啖都好濃郁。
.
4口
中環金融街8號國際金融中心商場2樓2012號舖
張貼
