影片
更多
2023-04-27
796 瀏覽
婆婆生日 + 下個月母親節，婆婆要北上慶生，我地唯有提早慶祝哄下老人家開心，同老人家食飯，識食緊係去食中菜先啱口味，朋友介紹旺角鷹巢性價比高，環境舒服食物高質，今年就帶老人家去體驗下!地鐵站行過去約10分鐘尚算方便！2大2小1老，就返老人大人小朋友口味，所以無叫套餐，反而散點為求人人滿足! 一到步環境果真寬敞，枱與枱之間有一定距離，唔會坐得好迫，又唔會話限時間，食餐飯坐得舒服真係好緊要，加分! 上菜先來招牌菜 - 金牌叉燒皇配秘製蜜餞豆，上枱會有個小蠟燭跟埋，Keep住個熱度，呢個叉燒真係不得了，件件厚切啖啖肉，小朋友最愛就係食爆汁叉燒，食落好鬆軟香口惹味，如果有小朋友就建議可問職員借較剪，剪開一舊舊就更易進食，質感同味道真係一流，極推介! 再來椒鹽九肚魚，無骨易入口，小朋友食最啱。萬壽果燉海中寶 - 另一招牌美食，上枱是一個木瓜形狀，基本上成舊都食得，首先個湯好鮮甜，內裡仲有蟹肉海鮮，再食埋個同樣鮮甜的木瓜，連好小飲湯的小朋友都追湯飲，呢個湯好適合小朋友同老人家，讚! 鐘意食蟹的朋友當然要點花雕雞油蒸肉蟹陳村粉，好特別的配搭，蟹上枱已剪好哂，一拎起簡單拆開就食，小朋友拎住隻蟹鉗慢慢
2大2小1老，就返老人大人小朋友口味，所以無叫套餐，反而散點為求人人滿足!
一到步環境果真寬敞，枱與枱之間有一定距離，唔會坐得好迫，又唔會話限時間，食餐飯坐得舒服真係好緊要，加分!
上菜先來招牌菜 - 金牌叉燒皇配秘製蜜餞豆，上枱會有個小蠟燭跟埋，Keep住個熱度，呢個叉燒真係不得了，件件厚切啖啖肉，小朋友最愛就係食爆汁叉燒，食落好鬆軟香口惹味，如果有小朋友就建議可問職員借較剪，剪開一舊舊就更易進食，質感同味道真係一流，極推介! 再來椒鹽九肚魚，無骨易入口，小朋友食最啱。
萬壽果燉海中寶 - 另一招牌美食，上枱是一個木瓜形狀，基本上成舊都食得，首先個湯好鮮甜，內裡仲有蟹肉海鮮，再食埋個同樣鮮甜的木瓜，連好小飲湯的小朋友都追湯飲，呢個湯好適合小朋友同老人家，讚!
鐘意食蟹的朋友當然要點花雕雞油蒸肉蟹陳村粉，好特別的配搭，蟹上枱已剪好哂，一拎起簡單拆開就食，小朋友拎住隻蟹鉗慢慢食好方便，陳村粉吸哂蟹汁，食落有鮮味，好正，至於這個日本南瓜賽磅蟹，在中菜廳食呢個菜有新意，蛋白中內含蟹肉，鐘意食蟹的小朋友好喜歡，用嚟撈飯都真係一絕，鐘意食蟹必點。
至於西班牙黑豚肉，肉質鮮嫩都OK，唔錯！小朋友極推銀芽肉絲兩面黃，煎到兩邊都係金黃色，通常撈埋銀芽肉絲一齊食，但小朋友鐘意脆脆的感覺，就會唔撈汁就咁食，好似食零食，而老人家就喜歡撈汁一起吃夠入味，炒麵爽口，個汁調味亦剛剛好，幾好味，呢款傳統炒麵可以話係為成餐飯劃上完美句號。
最後必須講埋甜品，大人是陳皮燉雪梨，陳皮味好重，而雪梨驚喜地鮮甜，配合埋又香又甜幫助消化唔錯。而小朋友就食楊枝甘露布甸，層層布甸配埋花奶，甜度剛剛好，小朋友好鐘意，比一般紅豆沙受歡迎得多啦!
當日仲有小驚喜，酒店知道婆婆生日，特別送上壽包祝賀，壽包以小蒸籠上枱好可愛，另外仲跟埋當日小食杏仁餅同桂花糕，壽包味道不錯，最緊要份心意搭夠，100分呀❤️
張貼
