鷹巢

家人生日，悉心挑選下揀咗位於旺角希爾頓花園酒店嘅中菜廳聚餐，食完十分有驚喜☺️原來餐廳前身是位於中環希爾頓酒店內的「鷹巢廳」，有不少名人富商都幫襯過🍤錦鹵雲吞熱辣辣炸起的雲吞，加入蝦仁、魷魚、叉燒、青椒、紅椒、菠蘿等食材，再配上開胃酸甜醬汁一同享用，食到傳統粵菜的心思。🍍原個菠蘿黑豚咕嚕肉 以原個菠蘿做擺盤，賣相已經好吸引🤩黑豚肉🐖肥瘦適中，有肉汁，炸粉唔太厚，配搭超甜菠蘿，甜酸汁超入味，菠蘿塊鮮甜，酸甜平衡不油膩。🦀蟹粉滑豆腐 蟹季當造，金黃的蟹粉羹湯包裹著嫩滑豆腐，食到鮮甜蟹肉，且口感豐富。🎃日本南瓜賽螃蟹 以嫩滑蛋白放入完個日本南瓜蒸煮，特別喜歡用鐵匙羹將南瓜起肉，混合蟹肉和蛋白一同吃，兩者味道十分搭配。🍚鮑汁花膠絲撈飯好矜貴嘅花膠和冬菇，配上鮑魚汁，撈埋粒粒分明嘅炒飯底一絕👍🏻總結除了食物質素好，連侍應服務態度都不俗；環境光猛舒服，十分適合聚餐🫶🏻…查看更多

吃完後的結論就只得一個字，就是”差”!買了優惠訂購平台的預付卷，本打算吃餐質素好一點的生日飯，沒想到實在太令人失望… 首先環境很差，因為人客少，個場關了起碼一半，所以很大壓迫感，然後把人客一字排開坐在窗旁的桌子，但不知道為什麼，窗外甚麽也沒有，只是一片黑漆漆，白天會好好多，起碼有窗外環境和陽光的補充，另，枱與枱之間又沒有足夠的空間，當遇上旁邊有健談人客，就變成非常滋擾；至於菜品方面，沒有大問題，只是預付卷的菜品賣相不好，很寒酸，不方便請客，不似星級酒店的出品，但現場叫的正價菜品就完全沒問題；服務方面，剛巧遇上位心情不好的職員，全程黑口黑面，問她問題的時候又不專業，一點笑容也沒有，一點也不友善……查看更多

前排去左旺角希爾頓花園酒店入面嘅「鷹巢」中菜廳開餐 完全係估唔到咁有驚喜一入到嚟就覺得好恬靜舒適 同出面旺角鬧市係兩個世界 位與位之間夠闊落 坐得好舒服 傾計都私隱度十足 服務又好 一家人嚟食飯成個體驗都好好秋高氣爽 又係食蟹粉既時候 今次我哋叫咗啲時令嘅菜式《八寶芝士焗釀元貝》個元貝大隻好厚肉 面頭層芝士焗到金黃色 一拉開見到入面啲料多到瀉！八寶餡好豐富 芝士味香濃但又唔會搶咗元貝嘅鮮味 太遠正！《蟹肉燒釀滑豆腐》呢個真係考功夫 外面煎到微微香口 入面啲豆腐滑捋捋 加上滿滿既鮮甜蟹肉 清淡得嚟又好味 老人家同細路仔實鍾意《蟹粉扒豆苗》金黃色嘅蟹粉多到呢 每一啖豆苗都掛滿濃郁蟹粉 仲食到一絲絲蟹肉 甘香到不得了！個豆苗又嫩綠冇渣 完美配搭！《原個菠蘿黑豚咕嚕肉》個賣相已經贏晒！原個菠蘿上枱 咕嚕肉用咗黑豚肉 食落特別鬆化 個外皮脆卜卜 個酸甜汁調得啱啱好 仲有陣陣菠蘿果香 唔會得個酸字 好開胃！《生炒臘味糯米飯》呢碟飯夠鑊氣 ！糯米飯炒到粒粒分明 乾身唔油膩 臘味嘅油香同鹹香滲透晒入每粒飯度 食到尾都唔會覺得膩 係完美嘅句號！整體嚟講 呢餐真係冇揀錯地方 由頭好食到尾 服務又貼心 如果想喺旺角搵個地方靜靜地、舒舒服服食餐高質粵菜 鷹巢絕對係一個好選擇！👍…查看更多

入座舒適,餐廳職員安排座位,枱距有保持合適間距,唔會聽到隔離枱對話, 一讚!兩位經理彬彬有禮, 仲識講笑氹得屋企人幾開心,感覺不錯!最後點左個set meal,言語間經理透露食物都係師傅即叫即製,所以需要小小時間等待,傾傾下計, 其實食物好快就到,＊普洱香茶先來一口香茶,醒神解膩,迎接黎緊既美食!＊杏香荔蓉帶子酥外皮佈滿杏片, 帶子飽滿香嫩,配上特製醬汁,不錯!差D忘記影相!＊花膠菜膽龍皇杏汁白肺湯花膠白肺足料! 感覺滋潤, 舒暢!媽咪仲講笑, 皮膚好似即刻令左!＊薑汁炒芥蘭份量剛好, 清菜過後就準備重點的鮑魚!＊原隻南非九頭鮑魚鮑汁撈麵鮑魚軟燸香甜, 撈麵爽口, 假如有生菜伴碟撈汁,相信更加舐舐脷!＊水晶桂花糕略帶小甜,傳統糕點, 屋企人至愛!＊陳皮紅豆沙有時候會怕陳皮味太重的紅豆沙,呢個味道適中,亦唔太甜,幾好! 閒時小聚一餐, 媽咪幾鐘意,酒店環境, 小小儀式感, 見媽咪一路chill下,一路分享圖片比朋友,有時快樂就係咁簡單!離開時見到隔壁台蜜汁叉燒, 好似幾吸引,下次再黎試!…查看更多

屋企有長老生日所以襯住restaurant week訂左收藏左好耐，位於Hilton Garden Inn中菜廳鷹巢去慶祝。今次點既晚餐套餐一共有八道菜，以擺盤獨立上菜，精緻高貴感滿滿。金牌叉燒王拼冰燒三層肉叉燒唔止香口咁簡單，外層燒過帶少少焦香，肉質軟腍得嚟層次感十足，肉味濃郁到食完仲有回甘！冰燒三層肉個皮脆卜卜，入口即融。海螺芝士焗釀加拿大扇貝扇貝本身嘅鮮甜完全被芝士同醬汁吊出嚟，驚喜在於咬到埋藏喺裡面嘅海螺肉，口感瞬間升級，滿滿既海洋鮮味花膠菜膽龍王杏汁白肺湯用左原條花膠筒黎烹調，湯底醇厚帶杏汁清香，滋補感十足福祿瑤柱富貴包腐皮吸滿咗濃郁上湯，一切開瑤柱肉粒餡料湧出，非常多汁，味道鮮美又有口感！欖角陳皮骨陳皮嘅微酸好過癮，平衡咗排骨嘅油膩，外層炸到脆口但又保留到肉汁魚湯鮮蟲草花浸時蔬特別清新解膩，魚湯鮮甜，蟲草花增加咗一絲特別嘅口感。原隻南非九頭鮑魚撈麵粗麵彈牙爽口非常掛汁，原隻鮑魚炆到軟淋淋好入味。水晶桂花糕清香解膩，用黎做成餐飯既結尾恰到好處。…查看更多