影片
更多
2021-04-19
55 瀏覽
佐敦有唔少高質又抵食嘅平民飯堂，但係fine dining就比較少見。咁啱有事去呢區，見到一間新開嘅西日料理HARA，裝潢行型格路線，暗暗哋氣氛唔錯，喺眾多平價餐廳之中鶴立雞群，一於試試佢！清酒托托蜆（$138）來自紐西蘭嘅托托蜆雖然得五隻，每隻都完全無沙，大大隻好肥美好飽滿！彈牙爽身嘅口感有啲北極貝，但係又鮮甜啲。唯一可以改善嘅一點就係內臟清得唔係好乾淨。日式風情嘅湯底好好飲，酒味幾出。睡蟹意大利飯（$208）貴為膏蟹之王嘅麵包蟹全身都係蟹膏，做rissotto原來咁適合！蟹膏以黑胡椒調味，更顯其獨特香氣。絲絲蟹肉煮成嘅義大利飯濃味又creamy，加埋粒粒鹹香嘅三文魚子，無論口感、味道都更上一層樓。份量一啲都唔孤寒，比想像中多好多！屠夫牛扒（$328）Butcher’s steak係我嘅至愛，呢個部位口感特別嫩身但係牛味又濃，因為罕有所以好少餐廳有得食。油脂紋路分布啱啱好，唔會覺得肥。Medium rare所以外面烤得微微脆身，內裏保持多汁軟嫩。燒汁上枱嘅時候仲出緊煙，熱辣辣㗎 ！Fuji Mountain（$55）最近迷上清酒作為基底嘅調酒，輕柔芳香，特別容易入口。呢杯桃味cock
佐敦有唔少高質又抵食嘅平民飯堂，但係fine dining就比較少見。咁啱有事去呢區，見到一間新開嘅西日料理HARA，裝潢行型格路線，暗暗哋氣氛唔錯，喺眾多平價餐廳之中鶴立雞群，一於試試佢！
清酒托托蜆（$138）來自紐西蘭嘅托托蜆雖然得五隻，每隻都完全無沙，大大隻好肥美好飽滿！彈牙爽身嘅口感有啲北極貝，但係又鮮甜啲。唯一可以改善嘅一點就係內臟清得唔係好乾淨。日式風情嘅湯底好好飲，酒味幾出。
睡蟹意大利飯（$208）
貴為膏蟹之王嘅麵包蟹全身都係蟹膏，做rissotto原來咁適合！蟹膏以黑胡椒調味，更顯其獨特香氣。絲絲蟹肉煮成嘅義大利飯濃味又creamy，加埋粒粒鹹香嘅三文魚子，無論口感、味道都更上一層樓。份量一啲都唔孤寒，比想像中多好多！
屠夫牛扒（$328）
Butcher’s steak係我嘅至愛，呢個部位口感特別嫩身但係牛味又濃，因為罕有所以好少餐廳有得食。油脂紋路分布啱啱好，唔會覺得肥。Medium rare所以外面烤得微微脆身，內裏保持多汁軟嫩。燒汁上枱嘅時候仲出緊煙，熱辣辣㗎 ！
Fuji Mountain（$55）
最近迷上清酒作為基底嘅調酒，輕柔芳香，特別容易入口。呢杯桃味cocktail清清哋，唔會太甜。漸變藍色令人聯想起富士山，造型好靚！
張貼
