影片
更多
2022-09-17
347 瀏覽
鍾意飲湯食麵既朋友仔，一定要試下呢間獲《香港澳門米芝蓮指南 2022》必比登推介既餐廳，店舖小小，十二種湯麵全部由前四季酒店法國菜廚師精心炮製。棉花雞$98日本鹿兒島雞肉｜魚肚｜北菇｜雲腿絲｜高湯｜扁陽春麵多種配料熬出來既湯，入口非常鮮味，加埋雲腿絲一齊食，咸咸香香，將湯底進一步提鮮，真係令人欲罷不能。軟腍既魚肚同北菇吸收晒湯既精華，一咬落去就咇晒湯汁😋正! 雞肉唔會好肥好鞋，煮得岩岩好。濃香既湯底配上淡味又掛汁既陽春麵，真係好夾。最後連湯都飲晒，食後無口乾，證明真材實料，天然無味精。無骨泡椒鳳爪$50酸酸辣辣好開胃，紅蘿蔔同西芹兩款醃菜食落爽脆，鳳爪味道唔錯，但可以再入味就更加好。有米芝蓮加持既餐廳都有返咁上下水準，呢次專登11:00左右襯店舖開門就來排隊試，食完都叫不枉此行☺️好味：4/5環境：3/5客服：3/5
獲《香港澳門米芝蓮指南 2022》必比登推介既餐廳，店舖小小，十二種湯麵全部由前四季酒店法國菜廚師精心炮製。
棉花雞$98
日本鹿兒島雞肉｜魚肚｜北菇｜雲腿絲｜高湯｜扁陽春麵
多種配料熬出來既湯，入口非常鮮味，加埋雲腿絲一齊食，咸咸香香，將湯底進一步提鮮，真係令人欲罷不能。軟腍既魚肚同北菇吸收晒湯既精華，一咬落去就咇晒湯汁😋正! 雞肉唔會好肥好鞋，煮得岩岩好。濃香既湯底配上淡味又掛汁既陽春麵，真係好夾。最後連湯都飲晒，食後無口乾，證明真材實料，天然無味精。
無骨泡椒鳳爪$50
酸酸辣辣好開胃，紅蘿蔔同西芹兩款醃菜食落爽脆，鳳爪味道唔錯，但可以再入味就更加好。
有米芝蓮加持既餐廳都有返咁上下水準，呢次專登11:00左右襯店舖開門就來排隊試，食完都叫不枉此行☺️
好味：4/5
環境：3/5
客服：3/5
7 瀏覽
0 讚好
0 留言
張貼
