影片
更多
2024-08-05
7986 瀏覽
又到同老婆大人去嘆下午茶嘅日子！呢次我哋去食嘅下午茶除咗好味之外仲有佢最鍾意嘅香味。下午茶就係帝樂文娜公館FINDS度食，同本地香氛品牌BeCandle合作嘅北歐舒心下午茶，一打開𨋢門已經聞到嗰陣好香嘅松針味勁好舒服。老婆睇香氛睇到好開心要拉佢返埋位！因為我哋叫嘅北歐舒心下午茶已經嚟咗喇。男人對shopping始終冇乜興趣！但係食嘢我永遠都係第一個衝埋位哈哈。下午茶本身已經有咖啡或者茶飲，不過見到呢兩杯要另外收錢嘅特飲好正咁，我梗係唔孤寒嗌埋俾老婆大人飲啦，佢今日唔想飲酒就嗌咗呢杯莓語花開，我試咗一啖有啲好香嘅莓味唔錯喎。而我梗係嗌杯Cocktail飲啦！我呢杯叫做綠悠仙子係Gin嘅雞尾酒嚟，入面仲有啲青檸汁、蘋果汁同埋青瓜味道好鬼清新。有正嘅飲呢個時候梗係開餐啦！鹹點分咗森林同埋湖泊及峽灣兩Part，首先食咗湖泊、峽灣嘅火炙鱒魚同埋烤北海道帶子。火炙鱒魚食落口好潤滑，夾埋啲三文魚籽同埋酸忌廉味道好豐富。呢個係烤北海道帶子外層少少熟入面仲係保持小小刺身嘅嫩滑口感，最得意係一粒粒嗰啲原來係橄欖油珍珠，爆咗之後啲橄欖油加埋黃金甜菜頭度一齊食，真係唔止鮮味咁簡單。跟住我哋走入森林食呢件雞油菌
下午茶就係帝樂文娜公館FINDS度食，同本地香氛品牌BeCandle合作嘅北歐舒心下午茶，一打開𨋢門已經聞到嗰陣好香嘅松針味勁好舒服。
老婆睇香氛睇到好開心要拉佢返埋位！因為我哋叫嘅北歐舒心下午茶已經嚟咗喇。
男人對shopping始終冇乜興趣！但係食嘢我永遠都係第一個衝埋位哈哈。
下午茶本身已經有咖啡或者茶飲，不過見到呢兩杯要另外收錢嘅特飲好正咁，我梗係唔孤寒嗌埋俾老婆大人飲啦，佢今日唔想飲酒就嗌咗呢杯莓語花開，我試咗一啖有啲好香嘅莓味唔錯喎。
而我梗係嗌杯Cocktail飲啦！我呢杯叫做綠悠仙子係Gin嘅雞尾酒嚟，入面仲有啲青檸汁、蘋果汁同埋青瓜味道好鬼清新。
有正嘅飲呢個時候梗係開餐啦！鹹點分咗森林同埋湖泊及峽灣兩Part，首先食咗湖泊、峽灣嘅火炙鱒魚同埋烤北海道帶子。
火炙鱒魚食落口好潤滑，夾埋啲三文魚籽同埋酸忌廉味道好豐富。
呢個係烤北海道帶子外層少少熟入面仲係保持小小刺身嘅嫩滑口感，最得意係一粒粒嗰啲原來係橄欖油珍珠，爆咗之後啲橄欖油加埋黃金甜菜頭度一齊食，真係唔止鮮味咁簡單。
跟住我哋走入森林食呢件雞油菌法式凍批，勁有咬口嘅凍批用咗黑松露食落去味道特別濃厚，個雞油菌仲勁多汁好好食喎。
呢件鹹點就夠晒特別係鹿肉，香港下午茶食到鹿肉真係少之又少！整到半熟嘅鹿肉食落去有佢嘅獨特香味，加埋下面嗰塊勁好味嘅脆餅同埋蜜糖芥末醬，呢件鹹點嘅味道超啱我胃口。
食完我覺得好精彩嘅鹹點之後，就嘆老婆大人最鍾意嘅鬆餅，連同鬆餅會跟埋皇后果醬同埋clotted cream。
熱辣辣香脆嘅紅莓鬆餅搽咗果醬同埋cream又真係幾吸引嘅！唔怪得知老婆大人咁鍾意食。
甜品都係有四款細細件咁樣食晒都唔會好漏。
呢件係南瓜甘筍蛋糕入面有好多一粒粒嘅果仁，面頭嗰啲係帶鹹味嘅忌廉芝士，加埋甜甜地嘅蛋糕食落去都幾有化學作用。
呢件係蘋果金寶脆筒個樣好鬼精緻，香脆嘅口感幾啱我嘴型，唔怕肉桂味嘅我隊咗兩件，因為老婆大人唔like食肉桂味哈哈。
如果鍾意食芝士蛋糕咁呢一件小巧精緻嘅芝士蛋糕一定啱口味，除咗香濃嘅芝士味之外仲有杏桃果醬，多咗一重味道感覺又好唔同。
最後我哋仲有呢杯越橘黑朱古力意式奶凍！粉紅色嘅樣好易吸引女性，不過我就俾佢嘅酸甜好味吸引咗喎，而且奶凍仲好香滑添呢杯甜品好食呀。
嚟呢度食下午茶仲可以即場收到一份BeCandle嘅松針特別套裝，套裝總值$520個下午茶都只係$588兩位，攞兩套走即係免費食下午茶仲有賺爆抵食！另外喺BeCandle門市或者R BeCandle網站購買佢哋嘅產品或工作坊仲有九折優惠㗎。
張貼
