大師傅粥品 (康威大廈)

營業中

休息中

今日經過粥品店,見到店鋪幾企理,就入去食晏。用手機掃二維碼落單。🔸狀元及第粥加生菜生滾粥粥底綿滑,而且熱辣辣,豬潤粉嫩滑溜,粉腸煙煙韌韌,豬心爽口,加$4多咗生菜更加豐富健康。🔸黃沙豬潤粥加鹹蛋豬潤份量多又厚身,質地爽口,有少少鹹味。加$4有半隻鹹蛋,令粥的鹹鮮味再突出啲。🔸豉油皇炒麵炒麵都幾大碟,麵的質地軟硬適中,而我最鍾意加芝麻和甜醬拌勻食,味道更正。🔸牛脷酥係手機可以選擇碎上,食的時候就方便好多,牛脷酥外微脆,質地結實,味道甜甜。🔸蝦米炸兩腸粉腸粉皮做得夠薄,蔥花清香,蝦米有鹹鮮味,炸兩脆口。最後飲埋支裝豆漿,豆香微甜。