家賀屋

去過灣仔家賀屋認真食物都唔錯，原來銅鑼灣開咗新店即刻同朋友飲兩杯食吓壽司，環境相當乾淨舒服，播住我喜愛嘅日文歌，而且鍾意私隱度高嘅仲有私人房～｜特選刺身盛 時令鮮魚｜有三文魚、油甘魚、拖羅、牧丹蝦、八爪魚、金目雕，師傅厚切魚生所以咬落特別鮮味有口感～無論色澤、香味、質感口感都好高質，成盤都只係$278性價比好高！｜法國生蠔｜加少少蔥提鮮～唔會好重鐵鏽味，但口感好creamy豐富～｜牛油煮蜆｜牛油味好香濃，蜆肉飽滿～送酒一流｜薄燒牛舌｜雖然係薄燒，但新鮮嘅牛舌係唔同啲，好爽脆有嚼頭～｜炙燒北海道魷魚條｜魷魚質感彈牙爽口～同樣係送酒小菜，越食越滋味～｜串燒｜雞胸脆骨比雞軟骨，更加硬、爽口，雞肝好柔潤，嫩滑～雞腎細細粒好入味易入口～雞皮餃子好惹味，外皮好香脆～｜亂切冷蕎麥麵｜將蕎麥麵放入用鵪鶉蛋Wasabi、芝麻撈埋嘅醬汁～口感帶點刺激，但清爽不油膩～食完串燒後最適合不過～｜關東煮｜關東煮最緊要入味，蘿蔔非常之腍～豆腐同冬菇都朔滿晒啲汁，好食～