帝樂德國餐廳 (Fashion Walk)

營業中

休息中

今日放假同朋友行經銅鑼灣見到呢間德國餐廳，朋友話好掛住呢間餐廳嘅燒豬肘，於是我哋就入去食個午餐，滿足吓我朋友嘅慾望。🍽️ 牛油果、蕃茄、羊奶芝士沙律呢個沙律都幾大碟，除咗有牛油果、蕃茄和羊奶芝士外，重有核桃和沙律菜。牛油果的絲滑配合埋羊奶芝士的醇厚，能帶來豐富的奶香和油脂感；而蕃茄的酸甜和沙律菜更能提升整個沙律的清新感。🍽️ 南瓜忌廉湯配蒜蓉包呢塊蒜蒜包勁多蒜蓉味，而且焗得好香脆。南瓜湯好有濃郁嘅南瓜味，而且忌廉的加入令到口感更加綿密和順滑。🍽️ 脆皮燒豬肘配酸椰菜和炸薯角呢碟主菜上枱個刻，覺得好大份量，有點懷疑我哋兩個女仔根本食唔晒。師傅會喺我哋面前把豬肘切細件，好有儀式感。個豬肘燒到外皮好脆口，但裡面啲肉重好嫩滑，好juicy添。而酸椰菜正好中和咗豬肘嘅肥膩感，更能提升食慾，另外薯角都炸到好香脆。☕️ cappuccino & latte 👉🏻 兩杯咖啡都好濃郁兼順滑。