影片
更多
2024-07-05
425 瀏覽
有冇米線愛好者🙆🏻♀️食左呢間係新蒲崗唔錯唔錯想介紹比大家🥰🥰🥰（10分為滿分：🌕）味道：🌕🌕🌕🌕🌕🌕🌕🌖🌑🌑慢煮豬軟骨薯粉($50)+ 蘿蔔($6)+甜酸齋($6)+滷水雞翼($10)2碗都揀左秘制酸辣湯，但只係食到Bb辣😂😂一上枱顏色已經贏曬勁鮮艷，入面超多舊豬軟骨，比得一啲都唔手軟，勁淋入口即溶又索曬啲湯汁😜😜😜滷水雞翼遲左啲啲先食啲滷水少少比湯底沖淡左，下次記得要食左先😂然後蘿蔔勁大舊，清甜得黎最緊要無渣，甜酸齋勁襯呢個酸辣湯底，最推介甜酸齋❤️招牌魚腐米線($50)+墨魚頭($8)+墨魚春卷($8)+麻辣雞球($8)魚腐係有少少炸過既表面，食得出係新鮮魚肉整出黎，墨魚春卷都好出色，好有咬口雞球大大粒，岩曬要補充蛋白質既朋友😜自家製手作蝦多士($24)呢個蝦多士好正啊，咬落勁脆又鬆化，隻蝦都勁大隻點埋芥末醬食真係一流😏果然係招牌，食完2舊都唔夠喉😎炭燒原塊豬頸肉($48)呢個又係見勁出名就叫左，果然冇叫錯，首先份量勁多，然後勁juicy同有咬口，應該用炭燒所以令到佢食落唔會乾身同柴🥰🥰腐乳通菜($20)食症咁多辣同香口野就叫左個菜balance下，腐乳勁多一啲都唔手緊，平時最驚食
（10分為滿分：🌕）
味道：🌕🌕🌕🌕🌕🌕🌕🌖🌑🌑
慢煮豬軟骨薯粉($50)+ 蘿蔔($6)+甜酸齋($6)+滷水雞翼($10)
2碗都揀左秘制酸辣湯，但只係食到Bb辣😂😂一上枱顏色已經贏曬勁鮮艷，入面超多舊豬軟骨，比得一啲都唔手軟，勁淋入口即溶又索曬啲湯汁😜😜😜滷水雞翼遲左啲啲先食啲滷水少少比湯底沖淡左，下次記得要食左先😂然後蘿蔔勁大舊，清甜得黎最緊要無渣，甜酸齋勁襯呢個酸辣湯底，最推介甜酸齋❤️
招牌魚腐米線($50)+墨魚頭($8)+墨魚春卷($8)+麻辣雞球($8)
魚腐係有少少炸過既表面，食得出係新鮮魚肉整出黎，墨魚春卷都好出色，好有咬口
雞球大大粒，岩曬要補充蛋白質既朋友😜
自家製手作蝦多士($24)
呢個蝦多士好正啊，咬落勁脆又鬆化，隻蝦都勁大隻點埋芥末醬食真係一流😏果然係招牌，食完2舊都唔夠喉😎
炭燒原塊豬頸肉($48)
呢個又係見勁出名就叫左，果然冇叫錯，首先份量勁多，然後勁juicy同有咬口，應該用炭燒所以令到佢食落唔會乾身同柴🥰🥰
腐乳通菜($20)
食症咁多辣同香口野就叫左個菜balance下，腐乳勁多一啲都唔手緊，平時最驚食腐乳通菜唔夠醬🤨
手拍青瓜($26)
呢碟青瓜勁多勁大粒，仲有啲雲耳仔，辣度好夠，凍食就最岩而家曬夏天熱辣辣食😜
檸檬益力多($15)/檸檬利賓納($8)
檸檬益力多係呢到特色飲品，就叫左杯試吓，亦都岩曬一唔食辣野一路飲😍檸檬利賓納都好fresh，2杯都好味😋
價錢：🌕🌕🌕🌕🌕🌕🌕🌕🌑🌑
價錢十分經濟實惠，一碗面唔加其他餸都係$50，就算加餸價錢都唔覺得貴，而且最緊要係佢份量勁足，一定唔使怕食唔飽，野飲小食價錢都好親民，而且好多選擇😍😍👍🏻
交通：🌕🌕🌕🌕🌕🌕🌕🌗🌑🌑
因為👦🏻成日都要去新蒲崗附近打波⛹️所以新蒲崗好多野食我地都試過，泊係Mikiki就最方便，可以用1200 point dollar換一個鐘又得，如果好彩搵到咪錶又勁方便，所以佢係一個搭車未必方便既地方，但揸車去就係一個唔錯既選擇😎😎
環境：🌕🌕🌕🌕🌕🌕🌕🌗🌑🌑
鋪仔細細但位置都坐得好闊落，而家鋪頭夠光猛乾淨，呢樣我覺得好重要‼️不過都要注意繁忙時間有需要搭枱，同埋食食下辣野會出曬汗，記得叫杯凍飲涼爽一下🥤
性價比：🌕🌕🌕🌕🌕🌕🌕🌕🌕🌑🌑
以食米線黎講款式勁多，而且樣樣餸都有水準，所以野都好足料，仲有好多特色招牌菜，食一次都未必試曬所有想食既野，可以食多次去encore🥰🥰🤩🤩
張貼
