影片
更多
2022-11-20
215 瀏覽
西式Fine Dining 就見得多…日式Fine Dining又有無人有興趣？🎌 今個星期為咗令個Monday無咁Blueeeeee，就約咗朋友着靚靚去歎呢個高級2 人 set dinner🍴1️⃣ Spinach ($110)一開始我同朋友都望住呢碟呆咗，無諗過咁簡單嘅一款菜式「菠菜」會可以以咁靚嘅方式呈現出嚟🙀 其實菠菜們係一條條直立式企喺度，上面放咗黑芥菜籽，而底下就有白芝麻醬，係一款味道清淡嘅前菜🙌🏻 2️⃣ Wagyu Tataki ($150)呢款牛味真係超～～～濃，絕對對得住和牛嘅盛名🙈 肉質十分之鮮嫩👍🏻👍🏻 因為牛肉上添加咗辣椒薄片，所以入口會有少許微辣，加上有脆口煙肉粒粒，口感頗豐富🐄3️⃣ Madai Truffle ($230)有侍應哥哥為客人上菜後即場面前磨黑松露，超級鐘意餐廳特別選用嘅呢款黑松露，松露味香但味道不濃烈，最估唔到嘅係松露同魚刺身可以如此相襯😳👏🏻 魚肉好嫩滑，配上以柚子醋製成嘅啫喱，味道酸酸甜甜好開胃🤤4️⃣ Sashimi Moriawase ($310)拖羅好有光澤，入口油脂頗重，牡丹蝦質感彈牙，海膽不腥，三文魚籽粒粒飽滿，望落就知新鮮🙌🏻5️⃣ Honj
今個星期為咗令個Monday無咁Blueeeeee，就約咗朋友着靚靚去歎呢個高級2 人 set dinner🍴
1️⃣ Spinach ($110)
一開始我同朋友都望住呢碟呆咗，無諗過咁簡單嘅一款菜式「菠菜」會可以以咁靚嘅方式呈現出嚟🙀 其實菠菜們係一條條直立式企喺度，上面放咗黑芥菜籽，而底下就有白芝麻醬，係一款味道清淡嘅前菜🙌🏻
2️⃣ Wagyu Tataki ($150)
呢款牛味真係超～～～濃，絕對對得住和牛嘅盛名🙈 肉質十分之鮮嫩👍🏻👍🏻
因為牛肉上添加咗辣椒薄片，所以入口會有少許微辣，加上有脆口煙肉粒粒，口感頗豐富🐄
3️⃣ Madai Truffle ($230)
有侍應哥哥為客人上菜後即場面前磨黑松露，超級鐘意餐廳特別選用嘅呢款黑松露，松露味香但味道不濃烈，最估唔到嘅係松露同魚刺身可以如此相襯😳👏🏻 魚肉好嫩滑，配上以柚子醋製成嘅啫喱，味道酸酸甜甜好開胃🤤
4️⃣ Sashimi Moriawase ($310)
拖羅好有光澤，入口油脂頗重，牡丹蝦質感彈牙，海膽不腥，三文魚籽粒粒飽滿，望落就知新鮮🙌🏻
5️⃣ Honjokko Otoro ($240)
呢碟上格時簡直係個華麗opening，開蓋後充滿一陣迷人嘅Hard Wood煙熏味，對我來講美中不足嘅就係有紫蘇葉夾雜左喺呢一款卷物嘅吞拿魚蓉入邊，無法分開🙈
6️⃣ Robata Pork Belly ($260)
頂頭約1/4部分係燒得比較乾身嘅豬腩肉，咬落口甚至有啲脆脆地嘅質感，而底下約3/4就係肉質超級嫩嘅肥豬肉+ 豬軟骨，雖然本身所配嘅柚子醬已經減低左豬肉部分嘅油膩感，但不得不提伴碟嘅醃蘿蔔出奇地好食，清新嘅味道更能解一解口腔嘅油膩🐽
7️⃣ Sea Bass Saikyoyaki ($390)
雖然其實食到呢一道菜都已經好飽，但偏偏上緊係我最愛嘅西京燒!!!💚 果然！天然嘅魚油魚脂就係世界上最出色嘅調味品🫶🏻 魚肉鮮嫩到不得了，魚皮被燒至微焦，入口甜甜地，即使再飽都食得落🤤 底下更有乾坤，令你食緊呢道西京燒個陣都可以聞到陣陣Hardwood smoke煙熏香味🔥
8️⃣ Black Sesame Crème Brûlée ($90)
侍應哥哥話俾我知，食呢一款甜品必須要先鑿爛塊脆脆嘅芝麻薄片，配搭salted caramel軟雪糕，一啖過放晒入口先最滋味🖤🤍
張貼
