早前因為Lulu豬聖誕pop up store，相信有唔少人都去咗The Forest HK朝聖😛 排完長長既人龍俾錢之後，唔知你又有無去到2樓嘅呢間餐廳度食嘢呢？🤤 《主食》 ▫️金華火腿花雕雞湯湯麵(HKD $88) 湯底望落好似好清，但其實花雕味頗濃郁，而且係金華火腿既加持下，令湯底帶有陣陣鮮味，刀削麵放咗落湯面度浸住之後，面邊會比較柔軟，但係面中間會保持一定嘅硬度😌 ▪️秘醬撈黑毛豬紅蔥醬油拌麵(HKD $198) 睇咗我account一段時間的話都會留意到我好鍾意食硬麵，而且對麵質就真係有好高嘅要求🙈 所以趁住叫拌麵，梗係要試吓佢地既刀削麵～ 黑毛豬煮得好入味，而且肉質好軟腍腍🐽 相對之下，更喜歡蔥油拌刀削麵嘅質感🤪 《小食》 ▫️炸地瓜條（HKD $22) 呢款炸物真係一定要叫！入口甜絲絲，咬開酥脆嘅外皮之後，裏面就係口感非常軟Q既地瓜餡😍 《飲品》 ▫️老媽黑糖珍珠鮮奶茶（HKD $20) 黑糖珍珠奶茶梗係要杯熱㗎啦，熱飲先可以試清楚款茶底呀嘛🤪 珍珠煙靭，即使加咗黑糖去烹調，咬落都唔會太甜😘 《甜品》 ▪️草莓檸檬愛玉凍（HKD $38) 呢款愛玉果凍既主調係檸檬清新既味道，非常refreshing，絕對稱得上為一款食完非常解膩嘅甜品🍮

今次因為愛店Shake Shack新推出咗一款香港限定既特飲而決定回歸🇭🇰 佢就係「ᴍᴀɴɢᴏ ʙᴜʙʙʟᴇ sʜᴀᴋᴇ 楊珠甘露奶昔」🥭🧡 一邊享用維港180度全海景，一邊歎住來自望紐約街頭人氣漢堡店Sʜᴀᴋᴇ Sʜᴀᴄᴋ，主打百分百全天然安格斯牛肉漢堡、香脆波浪薯條、今個秋天獨家推出既楊珠甘露奶昔可以有幾爽☺️🌃 想知既你一定要黎香港站國際金融中心商場頂樓Shake Shack分店親身體驗吓😘 ▪️ ᴍᴀɴɢᴏ ʙᴜʙʙʟᴇ sʜᴀᴋᴇ 以其中一款最愛歡迎既港式甜品「楊枝甘露」為創作靈感，加入西方飲品既元素，製成呢一杯楊珠甘露奶昔😆 一飲第一啖已經有超濃郁芒果香、椰香😧 相信奶昔當中有唔少比例既芒果蓉 & 椰漿🙌🏻 配上新鮮柚子肉、芒果及百香果口味爆珠，味道層次多元而互補，有咬口之餘又好飲🤓 話呢杯特飲可以一次過滿足飲品、甜品兩個願望都不為過!!😚 🎉其實早已於10月24日起登陸香港全線 Shake Shack，大家快啲捉緊時間去買翻杯試下😛 ▫️ SmokeShack 揀呢款Burger就係因為鐘意佢陣煙熏味🫣 芝士牛肉漢堡配上蘋果木熏煙肉，入口香脆啖啖肉，再加上自家秘製Shack Sauce，唔好以為佢地獨家櫻桃辣椒粒無料到😏 食多幾啖就會有陣陣辣辣滲出來😳 ▫️ Crinkle Cut Fries 暫時真係未搵到可以媲美到Shake Shack 香脆波浪薯條既炸物😌 每次食都咁驚艷，每一條都炸至金黃乾身，相當香口，一啖一條，簡直食到停唔到口🤪🤪

Coffee ▪️西西里絲咖啡（$49） 第一啖入口個股酸酸地既咖啡味令我直至依家都印象深刻，究竟嗰陣係口中淡淡酸味係來自檸檬？或是柚子？但可以肯定既係，呢一杯係杯好特別、值得一飲再飲既special drink☕️ ▫️Latte($40) 最普通既事物永遠最難、最考功夫，所以幾乎去到每一間餐廳我都會點一杯簡簡單單既latte，從而從比較之中得知出一間餐廳嘅實力😌 所添加牛奶嘅比例、選用嘅咖啡豆、水嘅溫度等因素要互相配合得好，先可以得出呢一杯好飲既咖啡🤓 Non coffee ▪️Chocolate ($36) 呢杯凍朱古力好濃嘅可可香味，而且唔會好甜，不過飲完都係覺得朱古力要熱飲先係最好味嘅☺️ ▫️柚子蜜梳打（$39） 微酸嘅柚子同埋甜甜嘅蜜糖，配上有氣嘅梳打就係最夾既味道👅 《主食》 ▫️蟹肉蟹籽炒蛋牛角酥窩夫（$98） 唔係所有牛角酥整成窩夫都好味㗎😌 首先牛角酥要有返一定嘅厚度，酥皮要夠多層，咁先唔會壓扁成個夫之後好似紙咁薄，依然保持到一定嘅口感😎 而且中間加咗差不多成吋厚既炒蛋，配上蟹肉、蟹籽更帶出海鮮獨有嘅鹹味&鮮味🤤 ▪️櫻花蝦柚子沙律($98) 食完個味道較重嘅窩夫，梗係要食返個清淡啲嘅沙律🥗 櫻花蝦加熱之後香氣更為濃郁，配上味道清新既柚子果肉、清甜爽口既生菜，成件事超級refresh☺️ 絕對係輕食既首選👑🧒🏻

將軍澳海濱除咗適合飯後散步、放工後跑步做運動放鬆之外，都係一個食好嘢嘅地方🤤 呢間cafe裝修得好歐美復古風，枱與枱之間間隔好寛，坐得好舒服🍽️ 《主食》 ▪️手打安格斯牛肉漢堡配薯條（$138） 淨係睇個橫切面都見到呢款漢堡幾有料！麵包內部有不少氣孔，可想言之有幾鬆軟，入口空氣感有幾重🍞 牛肉比起塊麵包更厚身🥩 仲有蕃茄、生菜、煙肉、芝士等配料做陪襯，令味道更加豐富🤓 ▫️松葉蟹肉軟殼蟹飯（$148） 成隻軟殼蟹真係好似好想爬出嚟咁，而且炸至金黃色，粉漿薄，入口酥脆🦀 而且呢款餐點仲有一隻半山熟溫泉蛋，將溫泉蛋篤穿令蛋漿均勻攪拌至包裹住每一粒飯粒，特別惹味🤤 《飲品》 ▪️HOT 85% Chocolate（$50） 唔知大家有無飲過95%或以上既朱古力😏 可可濃度咁高嘅朱古力已經唔係苦味，其實係好酸好酸嘅飲品🫥🫥 所以我覺得85%給可可脂、可可粉係一個黃金嘅比例，苦中帶絲絲甜味 😌 ▫️Hot Tumerica and Lemon Ginger Tea（$42） ▪️Hot Apple and Hibiscus Tea（$42） 飲得太多咖啡怕夜晚溜溜長眼光光瞓唔着？ 餐飲可以跟我選擇花茶😚 蘋果茶香甜不膩🍎，而檸檬薑茶味道就比較清新🍋 《甜品》 ▫️Vanilla Basque Burnt Cheese Cake with Mochi（$78） Basque係種特殊既乳酪蛋糕，係製作過程中只係加非常少量既小麥粉幫助蛋糕定型，所以蛋糕既本體可以好似乳酪一樣濕潤鬆軟，而從表面烤至焦黑亦帶來一陣焦味😈 呢款特別嘅地方係內裏加咗煙靭既麻糬，而且食落仲甜絲絲😆 如果食唔落一個蛋糕，可以考慮下Gelato😍 健康、低脂、味道選擇又多🍧❤️

一間畫滿壁畫嘅cafe😆 雖然店面係走簡約純白風，但內裡就七彩繽紛🌈 更有一個超適合打卡嘅室外open area📸📸 Menu: ▪️青醬松子仁扁意粉（$98） 召喚素食嘅朋友仔🫶🏻 唔一定要有肉有魚先好食嘅，就算唔係Green Monday，都可以適時菇下素💚 青醬天然健康，廚師只係用簡單嘅食材但就創造出食極唔膩嘅味道，加上松子仁豐富咗咀嚼時嘅口感，青醬獨有嘅香氣 & 色澤都令人著迷🫶🏻 ▫️Dirty（$45) 啡白色漸層真係好靚，濃縮咖啡既苦配上香滿牛奶，仲唔係perfect match!?😍 ◾️玫瑰花茶（$48） ♨️因為有個小蠟燭一直熱着，所以花茶會越耐越深色，玫瑰香味慢慢滲出來🌹大概剩返半個鐘左右，茶色呈深褐色程度嘅時候就會係最好飲啦🥰 🫖

喺香港商業界黃金地段返工係咪覺得連食飯都好貴呢？但又唔係每個人都可以準備飯菜帶飯🥹 所以今次有間外賣店要推介🥰🥰

早兩日留係公司清咗陣而為打風而堆積如山既Email..所以收工真係超級肚餓💔💔 估唔到七點半去到《 一汁一菜 》，佢地既主菜已經全部售罊，咖喱只剩低一款🥹 幸好大部分既湯類都仲有!!!♨️

《湯》


▪️ 和牛羅宋湯($49)
唔知大家OT完會唔會特別想食肉😍🍖 總之我就會用美食去慰勞一下自己 😎👋🏻 所以嗌咗兩個湯黎飲💋 和牛羅宋湯…一睇個樣都知係比較重味，用嚟振奮下自己嘅味蕾🤣 飲落隱約有絲絲甜味，相信要歸功於炒過嘅洋蔥🧅 而湯面亦有一層來自和牛嘅油脂🐃 和牛煮得軟身卻不失肉味，湯頭入邊亦加入左多種蔬菜，非常健康💓

▫️ 椰菜花雞肉豆乳濃湯($39)


以豆乳作為湯頭嘅基底，將椰菜花切碎加入豆乳中並慢慢熬製，令質感更加濃稠🫶🏻 雞肉嘅存在帶來一絲肉類嘅鮮味，令濃湯不單止有蔬菜單一既甜味🥦 如果羅宋湯係非常開胃嘅存在，呢一款豆乳濃湯就會令人飲完非常暖胃😳


《主食》
▪️ 濃香牛肉野菌咖喱飯（$59）
北海道蟹膏蟹肉味噌飯（單買$40/定食+$20）
初時將蟹膏打散融入飯中，未落咖喱白飯都已經好鮮甜～ 因為咖喱一直用暖爐熱住，所以食落口一定係暖笠笠😎 唔知係店員佛心，定就嚟收鋪嘅關係，佢𢳂左好多塊牛肉俾我，而每一塊牛肉都好大件🙈 如果將來可以改良下有薯仔就更好，因為一定煮得好入味😍

自從上次食過黑毛和牛之後就迷上左🙈 早兩日同老細出港島開完會之後，上openrice搵到呢一間日式餐廳🇯🇵🏯 餐廳內部： Menu: ▫️壽喜燒御膳（$168 - $288） 根據大家想揀不同嘅肉類品種而價錢有所不同😌 由$168既美國黑毛安格斯肉眼、SRF極黑和牛沙巴當、澳洲純和牛肩胛、日本黑毛和牛稀少部位、去到最貴$288既日本A3黑毛和牛，大家可以視乎想食嘅和牛產地、部位、預算而去選擇🍽️ 每個SUKIYAKI SET都包咗前菜、漬物、蒸蛋、味噌湯、日本米白飯、精選甜品 & 餐飲🫶🏻 雖然午餐接近$300事實上係有啲貴，但食物質素絕對對得起個價錢🥹👏🏻 來自日本嘅和牛因為比起外國出產嘅和牛脂肪比例更高，所以本身肉質相對地嫩滑，一黎無筋，二黎加上用壽喜燒熱湯慢煮嘅方式去烹調，牛質就又滑口🐮 建議煮至半生熟，牛肉仍然保持少量粉紅色嘅程度就好從熱湯入面拎出黎🫶🏻 真係超好味🤤🥩 而且壽喜燒鑊裏面有大量蔬菜，有花菇、豆腐、芋絲、金菇，不得不提煮至入味又好清甜嘅洋蔥🧅!!! 至於蒸蛋香滑之餘海鮮味都幾濃，味噌湯加入咗昆布同埋豆卜絲去豐富咀嚼口感🍲 最後精選甜品係相當有誠意嘅牛乳布甸，牛奶味比起一般食過嘅3.6牛乳更重，幾飽都要食晒！😈😈

係西灣河沿住海邊慢慢行，轉個彎再行多陣就會見到一間裝修得好奢華嘅日式餐廳《梅吉涮涮鍋》🏯🎌 🌅一邊睇住海上嘅日落，一邊涮下涮下真係好歎😎🫶🏻 今次揀咗可以專攻日本 A4 黑毛和牛嘅放題🐄 除咗A級雪花均勻嘅和牛片任食唔嬲，當晚我去食個陣，仲有3款麵類、5款海鮮類、14款蔬菜款、 15款丸類，差唔多有40款火鍋配料任揀任夾🤤 經過我幾輪精密嘅測試，發現呢款和牛只需要喺熱辣辣嘅湯入邊涮3、4秒，即係擺落去拎上，重複呢個動作3、4下，剛拎上嚟嘅時候有淡紅色，咁就代表熟度just fit啦🥰 入口唔鞋唔柴，牛味濃郁，即使切得咁大片都一啖接一啖，一口一片😆 連額外附送日本豚肉都好好味，肥瘦均勻，得一碟真係唔係好夠喉🙊 不得不提梅吉連自家製飲品都出咗4款：米水紅豆爆珠、鮮蔗茅根馬蹄爆珠、珊瑚抹茶爆珠、洛神花芒果爆珠🌺 相信你地同我一樣，之前係其他地方都唔會見過有呢啲特色罐裝飲品🍶 當中鮮蔗茅根馬蹄爆珠係最得我心，甜度唔高，解渴又消暑🥰👍🏻

淨睇個餐廳個名…相信大家都可以想像到呢個會系一間專食蛋糕、充滿熊啤啤、非常少女心嘅餐廳🧸💓🍰 不過～ 其實除咗甜品，連main course、小食質素都好高🤤 每逢超過$300就可以獲得一個印仔，儲到相應嘅印仔數量，仲可以玩到店內所見到的可愛熊仔！ ▪️ 明太子忌廉大蜆意大利粉 （$112） 碟意粉一上枱，連坐隔離枱嘅食客都嘩咗一聲😝 啲大蜆圍住碟邊放到好似一朵盛開緊嘅花咁樣🌺 而意粉中心位置相信因為明太子嘅原故，忌廉被染上咗淡粉紅色💕 整體擺盤設計超有心思，蜆肉作用主要嘅咸味來源調味掌握得好好，意粉拌勻忌廉後黏稠度適中，系一碟回頭率超高嘅打卡菜式🤳📸 ▫️ 他他醬吉列魷魚圈（$62） 魷魚圈整體炸得金黃、外焦內嫩，魷魚鮮美彈牙🦑 他他醬尤其出色，個種清爽酸甜嘅味道，成為呢類炸物料理不可或缺嘅經典醬料🔥 ▪️ 自家制唐揚南蠻炸雞 （$65） 呢籃炸物絕對令我大失預算🥹 炸雞一黎本身已經好大一塊，二黎數量系認真唔少😧 炸粉只系薄薄一層，輕輕咬開經已食到嫩滑嘅雞肉🍗 假如唔鐘意他他醬，餐廳仲另外配咗一小碟秘制醬油任君選擇😈 ▫️ 伯爵茶Mousse（$60） 整個訓着啤啤全身都係伯爵茶慕絲，蛋糕嘅部分較少，軟綿綿口感令人食完一啖又一啖，相信餐廳採用咗低糖配方，所以先可以令伯爵茶嘅幽香如此突出🫶🏻 ▪️ 士多啤梨熊仔芭菲（$40） 講到最最吸引嘅限定甜品之一，莫過於「士多啤梨仔熊芭菲」，雲呢拿雪糕芭菲淋上士多啤梨果醬、配以甜甜地嘅早餐脆片、朱古力棒棒餅乾等配料外，更放上樣子可愛嘅士多啤梨熊仔冰作點綴，令芭菲嘅顏值變得超IGable🥰 ▫️茉莉花茶（跟餐） 茉莉花茶飲落有淡淡嘅綠茶香，因為含有豐富嘅維生素C及E，可以減慢皮膚細胞老化，有美顏作用，同時帶有清新香氣，所以飯後用茉莉花茶漱口，除了可以去除油膩之外，亦可以消除口腔中難聞嘅氣味🌼

晏晝喺尖沙咀上完堂，夜晚上輕食😌 搵搵下見到有間係尖沙咀新開、過千呎全白歐陸式設計嘅cafe，門口全窗口180度設計🪟 除咗主打精緻歐陸菜式，e.g. 法式多士、意大利雲吞、All Day Breakfast之外，仲設有自家咖啡豆烘焙廠房，提供多款手沖咖啡 & 精品咖啡☕️ ▪️榖物碗（$88） 為咗可以食多幾款甜品，就order咗個相對無咁Heavy嘅主食😆 齋睇圖都已經可以見到擺盤落足心機，配色好靚！有紅色嘅士多啤梨🍓、綠色嘅奇異果🥝、黃色嘅香蕉🍌、藍色嘅藍莓🫐，仲襯咗一朵紫色嘅小花💜 除咗面頭有nuts，底下就有一層乳酪 & 提子乾～ 無論係味道定係營養都照顧周到🥰 ▫️檸檬雪芭+雜莓雪糕 （$68） 唔知侍應姐姐係咪見到我行到身水身汗呢？第一碟想上枱嘅食物就係呢款雪糕🍦🤣 而家好少餐廳有雪芭提供，夏天食佢真係超級解渴消暑🌞 好欣賞鍾意佢哋檸檬雪芭酸味、甜味balance得好好🍋 ▪️伯爵茶焦糖日式厚乳卷蛋（$48） 第一印象就係塊卷蛋質感好似朵雲咁非常鬆厚☁️ 伯爵茶味香濃而唔會有一陣鬱澀嘅味道😎 卷蛋有一定濕潤度，中心包裹住嘅伯爵茶吉士比忌廉更黏稠🌱 ▫️美式軟曲奇（$40） 食完上面咁多款凍點，都要有返啲熱嘢落肚嘅🙈 美式軟曲奇一共有兩種味道，分別係燕麥 & 朱古力，入口外酥脆而內裡既熱辣辣又鬆軟，擔心食完一啖朱古力覺得太甜？可以搣返一啖燕麥中和翻😌 ▪️冰·抹茶拿鐵（$49） 獨特嘅綠色漸層外表打卡一流💚 飲落口一絲絲微澀嘅苦味令我可以一解以上4款甜品們嘅油膩感😳