影片
更多
2021-06-20
360 瀏覽
我喱個老粗平時鍾意踎茶記，對於去高級餐廳食fine dining係有啲抗拒，不過我又鍾意食好嘢老婆大人就諗頭多多，今次揀咗去十里洋場食輕鬆得嚟又高貴嘅花都鬢影江南宴。一坐低侍應放下小食最like中間個麻香窩筍，食落爽口仲有一陣陣麻香味好正。喱個花都鬢影江南宴用咗法國材料加落淮揚入面，好多好似熟口熟面嘅菜式但食落又有新口味好特別，第一味係羊肚菌響螺燉竹絲雞個湯多料到不得了仲有法國羊肚菌喺入面，飲落有香又甜好真係好*豬*潤呀！之後係一份四味嘅前菜法色品味四小碟，入面有四樣淮揚出名嘅前菜通通加咗法國嘅元素。首先食喱個香糟醉豬手用咗法國豬手同酒糟嚟浸，食落佢個皮索索聲好鬼脆而且又冇骨，個酒味香得嚟好醇正喎！之後喱粒有法國魚子醬嘅煙燻溏心蛋又係引C人咁好味，濃稠嘅蛋黃勁香口加埋少少煙燻味真係好夾。椒鹽法國田雞腿好好肉地而且仲好嫩，田雞腿炸到金黃色好靚仔食落香口惹味呀！紅棗心太軟聽老婆大人講原來係上海著名嘅甜品，而家加埋法國火腿加埋桂花冰糖漿食，咸咸甜甜咁味道都幾得意架！食完頭盤之後就到喱個我勁鍾意嘅紅燜牛面頰肉海參伴法國長邊豆，嗰件牛面頰炆到好鬆化仲牛味濃郁我仲可以食埋老婆大人嗰份正呀！另外件海
一坐低侍應放下小食最like中間個麻香窩筍，食落爽口仲有一陣陣麻香味好正。
喱個花都鬢影江南宴用咗法國材料加落淮揚入面，好多好似熟口熟面嘅菜式但食落又有新口味好特別，第一味係羊肚菌響螺燉竹絲雞個湯多料到不得了仲有法國羊肚菌喺入面，飲落有香又甜好真係好*豬*潤呀！
之後係一份四味嘅前菜法色品味四小碟，入面有四樣淮揚出名嘅前菜通通加咗法國嘅元素。
首先食喱個香糟醉豬手用咗法國豬手同酒糟嚟浸，食落佢個皮索索聲好鬼脆而且又冇骨，個酒味香得嚟好醇正喎！
之後喱粒有法國魚子醬嘅煙燻溏心蛋又係引C人咁好味，濃稠嘅蛋黃勁香口加埋少少煙燻味真係好夾。
椒鹽法國田雞腿好好肉地而且仲好嫩，田雞腿炸到金黃色好靚仔食落香口惹味呀！
紅棗心太軟聽老婆大人講原來係上海著名嘅甜品，而家加埋法國火腿加埋桂花冰糖漿食，咸咸甜甜咁味道都幾得意架！
食完頭盤之後就到喱個我勁鍾意嘅紅燜牛面頰肉海參伴法國長邊豆，嗰件牛面頰炆到好鬆化仲牛味濃郁我仲可以食埋老婆大人嗰份正呀！另外件海參好爽彈滑口加埋個汁都食係好味嘅。
跟住喱碟係酒糟法國小龍蝦蒸馬友，中西合璧嘅樣又幾抵死喎！法國小龍蝦肉地實淨蝦頭仲有加添，酒糟嘅香味令佢更加鮮甜，但嗰件馬友魚柳仲正斗一梳梳嘅魚肉入面除咗酒味仲有濃郁嘅魚香，食落去越㗳越好味撞鬼佢吖！
食咗咁多又鮮又濃嘅菜而家上喱碟黃金白蘆筍炒火丁甜豆就最啱時候，好似年糕嘅原來係切咕片白蘆筍，加咗雲腿粒同甜豆配個鹹蛋黃醬，食落清清甜又香口喱個配搭好嘢喎！
然後要食喱個係脆皮煙燻鵪鶉，侍應介紹係用蘋果木煙燻隻鵪鶉，所以上枱嗰陣聞到朕朕煙燻味好香架！大家除咗見到鵪鶉之外仲有甜面醬、京蔥、青瓜絲同埋層餅，應該都估到係用嚟當片皮鴨咁食，一鵪鶉兩食多樣嘢揀又真係幾盞喎！！
尾尾仲有個炒得鬼咁好味嘅鵝肝十景炒飯，咬口煙韌嘅飯粒好好𡁻頭，加咗香噴噴嘅鵝肝就食得更加開心。
最後仲有法式甜品拼盤入面有橙酒桂花拉糕、奶皇核桃酥同埋流心朱古力煎堆，三款入面我就最鍾意熱辣辣炸起嘅流心朱古力煎堆，外面煙煙韌韌咬開入面有溶咗嘅法國朱古力醬，就算平時唔太愛食甜嘅我都話正。
快啲去1957 & Co. Loyalty Program免費成為會員，或是攞張匯豐信用卡去幫襯，咁喱個原價＄980法色五月花都鬢影江南宴，就可以用＄980兩個人嘆即係買一送一呀喂！
十里洋場
地址：銅鑼灣恩平道28號利園二期1樓101號舖
電話號碼：23385500
張貼
