影片
更多
2023-03-28
85 瀏覽
「醉胡爐」位於尖沙咀柯士甸路，係三角公廁前少少嘅位置。設計上都有比較多圍板間開唔同枱，兩邊仲間開左一間間房，私隱度較高。泰式無骨鳳爪 ($78): 口感爽脆，無骨啖啖肉，酸酸辣辣幾惹味。松茸合桃雜菌鍋 ($188): 湯底有大量松茸、蟲草花、雞脾菇、草菇、冬菇、粟米及紅棗等等，鮮甜美味，打邊爐前先飲兩碗再加湯最適合不過。手切頂級安格斯肥牛 ($298/細): 肉色鮮紅，油花分布均勻，肉味濃郁之餘，亦帶豐富油香，其肉質亦相當幼嫩。醉胡爐五寶丸: 分別有墨魚丸、黑松露墨魚丸、蝦丸、梅菜豬肉丸及手打香茜炸菜牛丸，手打丸同現成買嘅確有不同，味鮮而口感爽滑彈牙，每款都各有特色，幾好食。醉胡爐五寶餃 ($128): 分別有手工雲吞、手工魚皮、自家製韮菜餃、香茜豬肉餃及黑松露蟹肉餃。雲吞皮夠薄滑，味鮮，蝦肉夠大粒爽滑，另外黑松露蟹肉餃都幾鮮味，松露香突出。蔬菜拼盤 ($63/小): 分別有白菜仔、娃娃菜、油麥菜及唐生菜，份量適中。
泰式無骨鳳爪 ($78): 口感爽脆，無骨啖啖肉，酸酸辣辣幾惹味。
松茸合桃雜菌鍋 ($188): 湯底有大量松茸、蟲草花、雞脾菇、草菇、冬菇、粟米及紅棗等等，鮮甜美味，打邊爐前先飲兩碗再加湯最適合不過。
手切頂級安格斯肥牛 ($298/細): 肉色鮮紅，油花分布均勻，肉味濃郁之餘，亦帶豐富油香，其肉質亦相當幼嫩。
醉胡爐五寶丸: 分別有墨魚丸、黑松露墨魚丸、蝦丸、梅菜豬肉丸及手打香茜炸菜牛丸，手打丸同現成買嘅確有不同，味鮮而口感爽滑彈牙，每款都各有特色，幾好食。
醉胡爐五寶餃 ($128): 分別有手工雲吞、手工魚皮、自家製韮菜餃、香茜豬肉餃及黑松露蟹肉餃。雲吞皮夠薄滑，味鮮，蝦肉夠大粒爽滑，另外黑松露蟹肉餃都幾鮮味，松露香突出。
蔬菜拼盤 ($63/小): 分別有白菜仔、娃娃菜、油麥菜及唐生菜，份量適中。
張貼
