影片
更多
2021-01-01
90 瀏覽
最近天氣轉涼，最啱就係去打邊爐啦！聽朋友講元朗形點嗰邊開咗一間新嘅台式火鍋店，咁就當然要去試一試啦。去到門口就已經見到好多人排緊隊，可能大家都想試新嘅舖頭，不過等咗唔算太耐都入到去。火鍋嘅形式係一人一鍋，我同朋友就分別揀咗麻辣蕃茄湯同埋藥膳清雞湯湯底。我哋揀嘅係308套餐，有得食美國和牛同埋高級黑毛豬，美國和牛同日本和牛最大嘅分別係，美國和牛嘅牛味會重少少，不過口感就始終及唔上日本和牛嘅入口即化，算係各有特色，今次呢間餐廳嘅和牛牛味都算幾重，比起其他日式火鍋店用料更加優質。黑毛豬亦都有種獨特嘅豬肉香味，口感亦都幾嫩滑，火鍋嚟講算係一流嘅水準。湯底方面，番茄麻辣湯相當濃郁，而因為加咗少少藥膳同埋蕃茄落去個湯底度，所以麻辣得嚟亦都唔會食到太辛苦，即時拎嚟煮菜都唔會辣都食唔到，比起普通火鍋店亦都算足料，起碼都見到唔少材料喺個湯底入面。自助區食品選擇唔算好多，但應有盡有，亦都有貼合主題嘅台灣腸，水準相當唔錯。追求高質素而唔係種類嘅人應該會感覺幾滿意。飲品方面，一般主流會見到嘅飲品都會喺度搵到，而且仲有唔少比較健康嘅飲品選擇，算係不過不失。而最突出嘅就係喺甜品，竟然有貴價雪糕品牌無限任食，真係食
去到門口就已經見到好多人排緊隊，可能大家都想試新嘅舖頭，不過等咗唔算太耐都入到去。火鍋嘅形式係一人一鍋，我同朋友就分別揀咗麻辣蕃茄湯同埋藥膳清雞湯湯底。
我哋揀嘅係308套餐，有得食美國和牛同埋高級黑毛豬，美國和牛同日本和牛最大嘅分別係，美國和牛嘅牛味會重少少，不過口感就始終及唔上日本和牛嘅入口即化，算係各有特色，今次呢間餐廳嘅和牛牛味都算幾重，比起其他日式火鍋店用料更加優質。黑毛豬亦都有種獨特嘅豬肉香味，口感亦都幾嫩滑，火鍋嚟講算係一流嘅水準。
湯底方面，番茄麻辣湯相當濃郁，而因為加咗少少藥膳同埋蕃茄落去個湯底度，所以麻辣得嚟亦都唔會食到太辛苦，即時拎嚟煮菜都唔會辣都食唔到，比起普通火鍋店亦都算足料，起碼都見到唔少材料喺個湯底入面。
自助區食品選擇唔算好多，但應有盡有，亦都有貼合主題嘅台灣腸，水準相當唔錯。追求高質素而唔係種類嘅人應該會感覺幾滿意。
飲品方面，一般主流會見到嘅飲品都會喺度搵到，而且仲有唔少比較健康嘅飲品選擇，算係不過不失。而最突出嘅就係喺甜品，竟然有貴價雪糕品牌無限任食，真係食番幾杯都可以食到回本，總括嚟講係相當推介。
張貼
