疊囍居

營業中

休息中

觀塘酒樓特別多,通常都會係APM或者鱷魚恤中心揀一間,今次兩邊都唔揀,揀咗源成中心的疊囍居。星期六下晝都有啲抵食點心，🤗冰鎮醉香鮮鮑魚和黑松露炸蝦角都超抵食！兩款點心都係$9.8。🔸冰鎮醉香鮮鮑魚鮑魚真材實料,份量足,鮑魚肉質細嫩有咬口,味道帶酒香。🔸黑松露炸蝦角外皮炸得香脆微韌,蝦肉彈牙,黑松露的味道很突出。🔸砂鍋鮑汁炆鳳爪鳳爪炆得很腍滑,而且入味,勁重膠質,食完個唇有黏笠,鮑汁濃郁鮮味,而且很夠熱。🔸原隻鮑魚灌湯餃湯底清,但味道濃郁唔會死鹹,味道鮮甜,餡料豐富,鮑魚質地彈牙腍滑。🔸黑松露珍菌石榴粿外皮軟腍易散,裏面有幾種菇菌,口感爽口,黑松露味較淡。🔸冰花紅蓮燉桃膠呢款甜品有桃膠、紅棗、蓮子,龍眼肉,味道唔會太甜,又夠熱,食完仲好滋潤,啱曬秋冬季節食用。點心款式多，味道唔錯，坐得亦都舒服。