疊囍居

去過奧海城分店試過兩次，食物質素表現相當穩定，搞到都冇乜信心再食。但係今次屋企人揀咗呢一間分店就試吓會唔會好啲。叫咗個午市套餐再加幾款點心。個叉燒肥瘦適中，都幾淋唔會太乾。牛河雖然冇乜鑊氣，但係份量都夠我哋五個人食。個脆皮豆腐就食得幾好，一啲都冇過火，囗感外脆內嫩。鳳爪，土魷就正常發揮冇乜驚喜。如果講驚喜反而係個大漠羊肉餅，一啲都唔羶，雖然外邊炸過咁，但係食落去一啲都唔油膩。屋企嗌咗雞湯煲仔翅，個湯底係幾好，起碼飲完唔會口渴。蝦餃同燒賣啲蝦肉都比較爽口，亦都好大粒。甜品方面乳酪高就相當清新，反而對個茶粿有少少失望，因為實在太散，完全夾唔到。咁今次嚟講就好壞參半，不過都有驚喜同埋有進步嘅空間。…查看更多

一行10人去食晚飯，6:30一坐低餐牌未睇，主任已經問可以落單未？兩分鐘後又問飲唔飲湯，冬瓜盅得番一個。朋友推薦食片皮鴨，為咗食片皮鴨而去，事先預訂有$200折扣。可惜片得太細太碎，皮還皮肉還肉，風味大減。食物完片皮鴨，店員問可以上其他菜嗎？話可以，但麻煩唔好一次過上曬。佢話會同廚房講。點知，10分鐘內上曬其餘嘅8道菜，上菜叔叔自己都會覺得麻煩，根本張枱都一次過放唔曬8碟菜，係咁催我地每人快啲夾走啲餸。我話我地唔趕快時間，佢哋又立即黑面。結果，60分鐘內食完片皮鴨連8個餸飯。其實由入坐到我地埋單離開仲有大把吉位，係咁催我地走做乜？難怪香港飲食業經常俾人同國內比較。…查看更多

叫咗個滑蛋蝦仁炒河 ，承惠138元， 未食過咁難食， 芡汁打到一pat pat， 蝦仁是凍的， 茶餐廳水準都不如。 石榴黑松露餃子48元， 味道真係古靈精怪， 真係勉強吞下。 以上價錢還未計加一。 …查看更多

今天經過觀塘工廠區，見到位於觀塘源城中心‘’疊囍居‘’，入去味嘗這間星級食府，裝修舒服，全埸full 晒，呢到點心好食，小籠包皮薄內嫩～正呀。另外叉燒係必試推介，入口即溶，一試難忘。見到隔離枱的片皮鴨，由師傅親自全隻起件，好靚好嫩口，下次多d人再來時必定叫片皮鴨食😋👍🏻…查看更多

四個人叫了8碟點心，超過一半是不合格。千島醬脆皮蘿蔔糕， 只是普通煎蘿蔔糕，然後，淋了一些千島醬在外面， 但盛惠58元。鳳凰煎糯米雞， 比普通糯米雞更普通的糯米雞， 材料貧乏， 但價錢卻貴很多， 名字都是沽名釣譽。普通一個棉花雞， 不是雞扎，但裏面居然放了兩條大的芋頭，相信50間酒樓，沒有一間棉花雞內放芋頭。什麽糯米燒賣， 也是只有辣的味道，沒有什麼材料。鮮蝦腸粉和蝦餃，水準一般，只算合格。燒賣也是 僅僅合格。只此一次，沒回頭…查看更多

觀塘又開了一間新的酒樓「疊囍居」，聽聞是高質素酒樓。上一手是「龍皇酒樓」 ，也是走中高檔路線。中午11點才開門陳醋菊花海蜇頭 $78海蜇頭非常爽口，配上陳醋汁，口感不錯，而且海蜇頭非常少酒樓有。冰鎮八頭鮑魚 特價$9.8一隻雖然食得出是罐頭鮑魚，但鮑魚口感爽口彈牙。黑松露珍菌石榴棵 $48 其貌不揚，和餐牌上的樣子有所不同，味道麻麻，黑松露味道不濃郁。櫻花蝦銀蘿脆脆腸 $38腸粉包住脆脆的炸蘿蔔絲，加上櫻花蝦點綴，味道不錯。上海小籠包 $42 雖然湯汁不多，但肉汁鮮味。黑松露炸蝦角（2件） 特價$9.8雖然平，但炸蝦角蝦仁大隻，爽口，黑松露味不出。價錢還可以，但服務還需要改進，而且當日去的時候還在裝修，一邊飲茶，一邊聞到裝修的味道 和裝修的聲音，感覺不舒服，希望裝修好後會改善。…查看更多

疊囍居，位於觀塘開源道64號源成中心2樓。 觀塘區中午時段放飯時間超多人，午餐 ～ 蟹子鮮蝦燒賣皇$42、 潮州大漢蒸粉果$25、 啤梨鹹水角$42、 上海生煎菜肉包$42。 🔸蟹子鮮蝦燒賣皇$42 ～ 肉汁豐盈，啖啖鮮味。 🔸潮州大漢蒸粉果$25 ～ 粉果偏細粒，賣相晶瑩透明，但味道一般。 🔸上海生煎菜肉包$42 ～ 肉餡少，煎得不夠脆。 🔸啤梨鹹水角$42 ～ 啤梨型幾可愛，外脆內軟。 下次有機會會試下晚市。 🏷️溫馨提示～ 整個用餐體驗均屬個人分享意見， 只作參考😊。 …查看更多

觀塘不止是工廠美食森林，其實都有不少好吃地方。中菜就像在家能吃的菜式，就會給人有種外出都不會考慮既地方，但其實都有不少美味菜式值得一食。******************************從地鐵前來都很方便，走進商場扶手電梯直達。疊囍居地方都不細，還有房間，方便宴會或飯聚之選。晚飯時間都以海鮮小菜為主，食物份量同賣相都吸引。最近還有推廣優惠，細心一看菜式有點不同，都會有點期待。入座必有茶價 HKD18/人，生花小食 HKD18，今晚小菜非常惹味，所以一客白飯，好好享受。宮庭濃雞湯煲仔翅 HKD88，送上枱時湯還在滾動，雞湯清甜，還喝到雞湯膠質不少，湯中有一大片翅，加入飯中還能魚翅拌飯。香辣湘西小炒肉 HKD138，青尖椒炒豬肉，豬肉爽口又香蒜香味，青尖椒辣度十足，十分惹味。柚子醬脆皮蝦球 HKD148， 送上枱時被那賣相吸引，擺設非常有心思。每一粒蝦球都非常大粒，脆皮滿滿柚子醬和青瓜片，口感非常爽脆，又有柚子香味，十分驚喜。…查看更多

極品鮑魚灌湯餃整盅灌湯餃也熱辣辣，鮑魚超大隻，下面的灌湯餃也餡料豐富，超抵食，疊囍居蝦餃皇皮薄餡靚，不愧為蝦餃皇，裏面隻蝦超大隻彈牙，蝦餃皮不會過厚，每一粒也很飽滿，超滿足，七味骰子豆腐金黃的豆腐外皮脆口，內裏白滑軟嫩，明爐燒鵝湯粉燒鵝勁靚，份量不少，啖啖肉，正宗皮脆肉嫩，調味剛剛好，不會過鹹，宮廷濃雞湯煲仔翅抵食之最，有很多翅，足料老實，食到一梳梳翅，雞湯的味道亦不會過鹹，恰到好處，物超所值，菲林筒芝麻卷充滿光澤，飄來淡淡的芝麻香，上面灑上了金黃的芝麻更添吸引，味道不會過甜，手磨蛋白杏仁茶一開蓋已經飄來杏仁茶的香味，口感滑溜，蛋白滑嫩，沒想到酒樓也有甜品專門店的水準，酒樓裝修非常新淨，感覺開揚，餐具和枱布均乾淨整齊，侍應招呼亦親切有禮。…查看更多

喺觀塘飲茶多年，終於有間稱得上最高質，食完讚不絕口嘅酒樓，一定要推介俾大家🫶🏻喺開源道馬會對面嘅源成中心，好易搵好方便📍下午茶竟然有超抵灌湯餃，平時食親都$40左右，呢到性價比極高都只係$19.8，必需人頭一人一盅😍🥢極品鮑魚灌湯餃 $19.8超抵，真材實料，鮑魚彈牙爽口，灌湯餃內餡有蝦有肉，足料好食🤤🥢明爐燒鵝湯粉（碗）$36.8🥢蜜餞叉燒（碗）$26.8又係好抵好好食，呢到出名燒味，燒鵝同叉燒都好正，叉燒好腍入晒味，燒鵝油份多夠香口🥢鮮蝦菜苗餃$31.8皮夠薄，餡料多，蝦肉爽口彈牙，好多菜苗🥢叉燒餐包 $36外面甜甜地，麵包軟熟，叉燒餡係蜜汁甜甜地，好食🥢原隻鮮蝦腸粉 $49大大粒先啦，腸粉夠滑夠薄，好好食🥄生磨蛋白杏仁茶 $38估唔到呢到甜品一樣咁好食，蛋白同杏仁茶都夠滑，好香杏仁味，好鐘意🚩疊囍居 (觀塘) 📍觀塘開源道64號源成中心2樓…查看更多

觀塘酒樓特別多,通常都會係APM或者鱷魚恤中心揀一間,今次兩邊都唔揀,揀咗源成中心的疊囍居。星期六下晝都有啲抵食點心，🤗冰鎮醉香鮮鮑魚和黑松露炸蝦角都超抵食！兩款點心都係$9.8。🔸冰鎮醉香鮮鮑魚鮑魚真材實料,份量足,鮑魚肉質細嫩有咬口,味道帶酒香。🔸黑松露炸蝦角外皮炸得香脆微韌,蝦肉彈牙,黑松露的味道很突出。🔸砂鍋鮑汁炆鳳爪鳳爪炆得很腍滑,而且入味,勁重膠質,食完個唇有黏笠,鮑汁濃郁鮮味,而且很夠熱。🔸原隻鮑魚灌湯餃湯底清,但味道濃郁唔會死鹹,味道鮮甜,餡料豐富,鮑魚質地彈牙腍滑。🔸黑松露珍菌石榴粿外皮軟腍易散,裏面有幾種菇菌,口感爽口,黑松露味較淡。🔸冰花紅蓮燉桃膠呢款甜品有桃膠、紅棗、蓮子,龍眼肉,味道唔會太甜,又夠熱,食完仲好滋潤,啱曬秋冬季節食用。點心款式多，味道唔錯，坐得亦都舒服。…查看更多

呢間酒樓乾淨企理，服務又好。午市點心選擇都幾多，仲有特價食品。當中必食推介係$9.8一隻嘅冰鎮醉香鮮鮑魚，真係超抵食！鮑魚彈牙，有酒香，冰鎮後更顯鮮甜，絕對係必食😋點心我哋叫咗蝦餃皇，蝦肉爽口，餃皮夠薄。而上海小籠包新鮮熱辣辣蒸起，湯汁鮮甜，皮薄餡靚～～另外，原隻鮑魚灌湯餃，有大大隻鮑魚，用料十足。手打陳皮牛肉球，牛肉大粒，陳皮味香濃～～至於香煎瑤柱蘿蔔糕，一入4件，蘿蔔糕厚身結實，煎得金黃～～…查看更多

今晚選擇新店舖「疊囍居」吃晚飯，除了位置處於交通的觀塘區，更重要是要一嘗地道的廣東風味佳餚，新店舖裝潢亮麗整潔，空間感寬敞，座位舒適，服務殷勤。百里香雪花牛肋條~賣相有大將之風，出得廳堂又美味，齊條雪花牛肋排拆骨，配以百里香的清香，肉排腍滑鮮嫩，肉味香濃可口。椒鹽原隻吊桶仔~薄漿酥香脆口，吊桶仔肉質嫩滑鮮美，相對椒鹽鮮魷就更加吸引了。 鮑汁真菌炆伊麵~甘香的伊麵吸收鮑汁，吃到簡單的美味，實而不華。蓮子雪耳桃膠糖水~金秋時分，免費奉送此養顏潤燥糖水，真的幾窩心架。菜餚整體表現以鮮取勝，沒有味精口感，可以再來飯聚。…查看更多

位於觀塘源城中心❣︎疊囍居❣︎係一間食粵菜同點心海鮮酒家，裝修高貴舒服，呢到嘅點心超好食超推薦比大家，我今日去到全場full晒，仲好多人等位添，侍應推介我食燒鵝，佢話整燒鵝嘅師傅係由北京請來👍🏻 而且係現場即烤，不過我今日來嘆茶，下次一定要同家人來晚飯試下佢地嘅燒鵝先😋👍🏻❣︎醬燒妙齡鴿❣︎$68🌟必食推薦🌟乳鴿燒得皮脆肉嫩，馥郁香氣，食完包你唇齒留香😋👌🏻❣︎魚肚棉花雞❣︎$39魚肚軟腍入味，雞肉大件嫩滑，仲有冬菇同蟹柳，相當足料。❣︎南乳花生豬手❣︎$29🌟必食推薦🌟豬手炆得軟淋入味，佢個醬汁教得非常出色😋👍🏻加左啲黑椒粒落去，有少少辣更加惹味。❣︎啤梨鹹水角❣︎$39🌟必食推薦🌟整成啤梨形狀相當可愛👍🏻外皮煙靭酥脆，餡料鹹香軟糯。❣︎原隻鮑魚灌湯餃❣︎$58灌湯餃超大隻飽滿，湯汁濃郁夠味，內有原隻鮑魚。…查看更多

中菜在任何時候都是我和家人的Comfort Food 😋 中菜多變化，百吃不厭！ 今晚到訪位於觀塘的疊囍居酒樓食中菜😋 餐廳環境幾寬廣舒適，高質菜肴吸引了不少食客。我們點了三道特別推薦的小菜，每一道都很回味-🔸柚子醬脆皮蝦球 $148這道菜讓人一試難忘。蝦球外皮超薄酥脆，蝦肉超大粒鮮甜多汁。柚子醬的微酸微甜與蝦球的香脆完美結合，為整道菜增添了一層清新的味道-🔸正宗文昌雞半隻 $168 文昌雞肉質鮮嫩，皮薄肉滑，每一口都充滿了香氣。配上特製的薑蓉，讓雞肉的鮮美更上一層樓，絕對是雞肉愛好者的最愛-🔸龍蝦湯西施泡飯 $168這道泡飯以濃郁的龍蝦湯為基底，飯粒吸滿了鮮美的湯汁，還加了蕃茄粒、香菇及勝瓜。每一口都能感受到龍蝦的鮮甜和米飯的柔軟，簡直是天作之合，令人回味無窮-疊囍居的精緻料理和優雅環境，讓人流連忘返。 下次再同家人中午來飲茶食點心😋…查看更多