影片
更多
2022-10-17
745 瀏覽
享樂烘焙 LY Bakery📍 新蒲崗大有街3號萬迪廣埸地下E舖呢日全家出動陪我阿妹去新蒲崗嘅工廠大廈整嘢，喺附近等佢嘅時候見到呢間好出名嘅享樂烘焙，前年有食過佢哋出嘅月餅，覺得味道都唔錯，而且好多人喺麵包店排隊，所以都想襯下墟。一眼望埋去，佢嘅麵包款式好多，而且有好多都好適合打卡，例如藍莓撻，吉士撻之類。不過因為新蒲崗返大西北好遠，所以就揀咗啲易又唔會咁易碎嘅款式嚟試。 💰$22玉桂卷 🍞呢款肉桂卷，上面嘅焦糖醬量多，唔會過甜，麵包絕對唔係空氣麵包，有咬口同有質感，比起一般美式肉桂卷嚟講無咁漏，感覺上冇咁邪惡比較健康。 💰$28/2個 ($16/1個)抹茶司康 🍵🧁寫明係用小山園嘅抹茶整嘅，抹茶味的確夠哂香濃，scone面亦焗得好靚，香香脆脆好好味！內面嘅口感就比較似KFC嘅蜜糖鬆餅，比想像中濕潤，唔夠乾身。咖啡朱古力司康 ☕️🍫🧁而咖啡朱古力味嘅scone就好啱鍾意咖啡同朱古力嘅朋友食啦，佢兩種味道都好平均，唔會有一種太搶味。每一啖食落都有好香嘅咖啡同朱古力味，仲會食到朱古力碎添，好正！不過同抹茶味一樣，內面唔夠乾，食落唔似scone嘅口感，反而似muffin。而且佢哋每個形狀都好不
📍 新蒲崗大有街3號萬迪廣埸地下E舖
呢日全家出動陪我阿妹去新蒲崗嘅工廠大廈整嘢，喺附近等佢嘅時候見到呢間好出名嘅享樂烘焙，前年有食過佢哋出嘅月餅，覺得味道都唔錯，而且好多人喺麵包店排隊，所以都想襯下墟。
一眼望埋去，佢嘅麵包款式好多，而且有好多都好適合打卡，例如藍莓撻，吉士撻之類。不過因為新蒲崗返大西北好遠，所以就揀咗啲易又唔會咁易碎嘅款式嚟試。
[價錢 Price]
💰$22
玉桂卷 🍞
呢款肉桂卷，上面嘅焦糖醬量多，唔會過甜，麵包絕對唔係空氣麵包，有咬口同有質感，比起一般美式肉桂卷嚟講無咁漏，感覺上冇咁邪惡比較健康。
[價錢 Price]
💰$28/2個 ($16/1個)
抹茶司康 🍵🧁
寫明係用小山園嘅抹茶整嘅，抹茶味的確夠哂香濃，scone面亦焗得好靚，香香脆脆好好味！內面嘅口感就比較似KFC嘅蜜糖鬆餅，比想像中濕潤，唔夠乾身。
咖啡朱古力司康 ☕️🍫🧁
而咖啡朱古力味嘅scone就好啱鍾意咖啡同朱古力嘅朋友食啦，佢兩種味道都好平均，唔會有一種太搶味。每一啖食落都有好香嘅咖啡同朱古力味，仲會食到朱古力碎添，好正！不過同抹茶味一樣，內面唔夠乾，食落唔似scone嘅口感，反而似muffin。而且佢哋每個形狀都好不一，有大有細，有方有園，所以大家買嘅時候不妨細心揀一下。
[價錢 Price]
💰$28
粒粒芝士合桃法國 🧀🥖
呢款芝士合桃包比想像中硬，咬落比較吃力，如唔係即日食，強烈建議大家翻譯一下先好食，用氣炸鍋或者焗爐加熱後，芝士同包身會變得軟熟，更加好味！
張貼
