壽喜・關西

營業中

休息中

早排去過銅鑼灣分店，念念不忘！好開心最近佢地仲開埋分店去尖沙咀👍🏻今次試下其他款，叫左2款套餐，抵食得嚟價錢又好貼地，質素都相當唔錯，值得一試！尖沙咀店限定「牛板腱壽喜燒套餐」！大盛180g只係$258！牛肉嘅份量都幾多，每片雪花紋都好靚👍🏻油花分布均勻，燒到五成熟夠哂嫩，入口即化又夠肉味！蘸埋蘭王蛋漿，蛋香味好濃，和牛滑上加滑🥰仲叫咗個「精品赤身壽喜燒套餐」$168雖然油花相對少啲但肉味都唔錯，但勝在夠抵食，壽喜燒汁同牛肉真係完美配搭！食完肉再用返啲肉汁煮野菜、豆腐，索哂啲汁最正！甜品係蕨餅，食落好煙韌唔會太甜。