莆田 (荷里活廣場)

營業中

休息中

屯馬綫開通之後，就多咗去鑽石山荷里活廣場搵嘢食，今日更加去咗志蓮淨苑行過圈靜吓心，最後更加揀咗喺呢一間有米芝蓮殊榮嘅莆田餐廳食埋個晚餐。首先當然要有一個湯品暖吓胃，咁啱嚟到食聖子嘅時節，就二話不說揀咗農家蟶溜湯。用瓦鍋而上，裏面全部都係肥大嘅聖子肉，飲落去好濃郁嘅海鮮味！另外亦都叫咗蔥姜炒海蟶、閩南姜母鴨、脆皮蒜香雞，碟碟都好夠份量，做到色香味俱全。用上薑蔥去炒海蟶非常之有鑊氣，唔會太過油膩之餘更加係非常惹味，海蟶吐沙功夫做得非常好，口感鮮甜彈牙。脆皮蒜皮雞有勁多炸灑蒜係面，一上枱就超香，雞皮脆薄雞肉嫩滑，加碗白飯就最好不過！閩南姜母鴨做得非常正宗，姜母的辛香同鴨肉的鮮香融合一齊，香而不膩！鴨肉有嚼勁，帶有濃烈嘅醬汁香氣。黃金荷葉包開頭以為真係有片，荷葉，誰不知係兩塊芝麻包，伴起側邊嘅係炒得香噴噴嘅肉絲同洋蔥，兩者夾埋一齊別有一番農家風味！