影片
更多
2024-12-13
836 瀏覽
Bochord呢間餐廳係👦🏻發掘，不過最後同咗姊妹嚟打卡😂～ Bochord裝修勁靚，室內打造成歐洲古典圖書館，氣派華麗，另一邊則係落地玻璃，坐擁一覽無遺嘅維多利亞港海景！每晚都有live band，氣氛浪漫，當晚幾乎每台都係慶祝，而且餐廳好有人氣，平日晚上都座無虛席，想要坐到窗邊位置，記得要早少少訂枱啦！Tasting menu($1388p.p)有8個courses，呢度驚喜嘅地方係除咗環境靚夠打卡之外，食物都好有水準，份量亦都唔少，同埋我發覺Menu會定期轉呢！🐙Seafood Trio 呢道course有3款海鮮入饌嘅前菜，由淡味食到濃。日本海膽超級鮮甜，海鮮湯泡沫增添口感，底層仲有海膽啫喱，鮮味十足！Spanish Octopus Carpaccio加咗三文魚子增添鹹香。我最鍾意Aged Daurenki Tsar Imperial Cavier & Smoked Eel Mousse呢一道，海鰻mousse充滿煙燻香，配搭aged 魚子醬，鮮味加倍！🦀Scottish King Razor Clam & King Crab 帝王蟹整成mousse狀，然後面頭放上新鮮爽彈嘅蟶
Bochord裝修勁靚，室內打造成歐洲古典圖書館，氣派華麗，另一邊則係落地玻璃，坐擁一覽無遺嘅維多利亞港海景！每晚都有live band，氣氛浪漫，當晚幾乎每台都係慶祝，而且餐廳好有人氣，平日晚上都座無虛席，想要坐到窗邊位置，記得要早少少訂枱啦！
Tasting menu($1388p.p)有8個courses，呢度驚喜嘅地方係除咗環境靚夠打卡之外，食物都好有水準，份量亦都唔少，同埋我發覺Menu會定期轉呢！
🐙Seafood Trio
呢道course有3款海鮮入饌嘅前菜，由淡味食到濃。日本海膽超級鮮甜，海鮮湯泡沫增添口感，底層仲有海膽啫喱，鮮味十足！Spanish Octopus Carpaccio加咗三文魚子增添鹹香。我最鍾意Aged Daurenki Tsar Imperial Cavier & Smoked Eel Mousse呢一道，海鰻mousse充滿煙燻香，配搭aged 魚子醬，鮮味加倍！
🦀Scottish King Razor Clam & King Crab
帝王蟹整成mousse狀，然後面頭放上新鮮爽彈嘅蟶子肉整成他他，配搭三文魚子，又係鮮味爆燈嘅組合，岀場時煙霧彌漫，效果夢幻！
🍠Italian Zucchini Flower & Iberico Ham
香脆嘅炸醬內係軟滑嘅芋頭及絲絲鴨肉，外脆內軟，底下鋪有法國鵝肝泡泡，脂香洋溢！伴菜都好矜貴，36個月Iberico Ham油甘香豐富！係非常有驚喜嘅一道菜。
🥘Bouillabaisee
唔係淨係龍蝦湯咁簡單！入面仲有新鮮蜆同蠔意大利雲吞，好豐富！鍾意海鮮嘅非常滿足！
🐟French Morel & Fish Maw
中菜常見嘅花膠輕輕炭燒，配搭新鮮刨成嘅黑松露同雞湯，中西合璧，味道有驚喜。
🐤Charcoal Grilled French Pigeon
乳鴿燒至皮脆肉嫩，帶有炭香，入口依然保留肉汁，熟度掌握恰到好處。
🥩Charcoal Grilled A5 Miyazakigyu Beef
食到呢度已經好飽！呢度份量冇將貨就價！用上日本宮崎縣A5和牛西冷，和牛油脂比例均勻密佈，入口即化。
🍊Japanese Yuzu Mousse Cake
甜品都好出色，Mousse cake嘅柚子酸度足，味道清新，紅茶cream茶香濃郁，加埋芒果gel，酸酸甜甜，恰好可以解去和牛嘅膩！
🍹 The Honey Thief （$128）
🍹Blueberry （$128）
呢度嘅Cocktail選擇勁多，而且每款都係以名畫為靈感，每款都超吸引！心大心細咗一輪揀咗呢兩杯都好鍾意！特別係Blueberry，好易入口，面頭嘅salted cheese foam鹹鹹地，更加帶岀果香，有啲似飲緊blueberry cheesecake咁！好飲！
張貼
