OOULI

韓式fine dining我真係未食過🙈今日多得朋友帶我嚟試吓lunch fine dine，首先環境好靚，仲可以望到維園🥳雖然係lunch，但每一道菜都會講解同埋都好精緻🌸*4 course lunch set $538pp**Deul Kkae - Juk*韓國當造特色蔬菜、韓牛、新鮮蜆肉及自家大米烹調15小時以上的傳統韓式粥。粥底綿滑濃郁，啖啖都係菜或者肉碎，非常足料食完之後亦都好暖胃。*Jili - Tang*海鮮清湯配烤釜山鮑魚，高湯打起泡泡，面頭加咗少少辣椒粉，鮑魚彈牙，下面有蘿蔔超級清甜冇渣。*Jan Chi*澳洲和牛淋上肉汁再配上甘筍汁解膩。略嫌少少過熟，但係肉質依然保持唔靭有牛味。36小時慢煮濟州黑毛豬五花，有蘿蔔同埋紫蘇葉加埋辣醬一齊食，啱啱好平衡油膩感。如果就咁食黑毛豬就會食到豬油香味。*JinSu - Sung Chen*用壓力煲煮成嘅釜山自家農田珍珠米飯將飯入面嘅甜味逼出，加5種時令特色伴菜非常開胃。最後飲埋48小時熬製嘅鮮甜鰻魚湯非常滿足。最後會有茶同埋韓式餅乾做一個完美嘅句號。