霸王川莊 (iSQUARE國際廣場)

營業中

休息中

午市都食得好高檔😉午餐中式五道菜。餐廳座位好闊落，而且位於高層，所以會見到海景，中午時段非常寫意。前菜方面，鮮蘆筍拌牛舌心，食落先知原來係冷盤。蘆筍非常之嫩口，但係大大條都咬落去冇渣。牛舌心切得勁薄，但薄薄一片已經牛味香濃。主食方面，有2款，可以揀水煮魚或者酸菜魚🌶唔食辣嘅朋友仔都唔使驚，可以揀酸菜魚🤣🤣🤣酸酸地幾過癮，魚質非常嫩滑，魚嘅份量好多，非常之大片而且好入味，配菜有薯粉，所以唔使擔心唔夠飽。湯感覺唔算太肥膩，可以飲少少。乾扁四季豆，唔會炒得過林，而且甜甜地，有啲肉碎，用嚟撈飯好好食。甜品有重慶黑糖糍粑😃呢個真心正，熱辣辣即時查出嚟，外層脆內裏軟熟好好味。