影片
更多
2024-02-25
908 瀏覽
以前去BC睇戲，夏銘記或者廟街牛雜又或者煲仔飯係開飯首選，過咗一排，唔同嘅舖頭質素都有左變化，幸好開飯有新選擇，竟然發現第一群係BC附近開左新分店。以前深水埗相對坐得冇咁好，呢到就完全唔同，夠大又方便，而且食物menu都一模一樣，價錢差唔多之餘，整個體驗都好咗好多。重點當然係喺蟹膏蕃茄湯檬，如果貪心嘅再加多個蟹膏，入邊仲有好多豆腐豬紅扎肉等等，全部都好好食，檬粉吸汁力很強，呢個係第一群嘅all time favorite ，不過對比1986，我好似鐘意1986多少少。米紙蝦卷有非常薄的米紙外層，包著好豐滿嘅餡料，又係必定點的作品。點了個烤豬肉湯河，佢加上香料嘅烤豬肉令人吃得特別開胃，而且味道好誘人，個人推介如果三心兩意又想食牛丸牛腩湯河嘅話就加牛丸，食到所有嘅名物。太耐冇食，有啲掛住佢嘅越式法包，幾飽都要食多個，呢到嘅法包絕對出色，外層好脆，又係令我諗起全盛時期嘅添記。飲品方面，當然要揀牛油果沙冰同埋滴漏咖啡，好飲足料之餘仲要價錢係佛心價。最尾當然要選擇一個斑蘭綠豆糕做甜品，呢個記得一定要提早叫，因為每日有限量出品。地點好，又唔算太難等位，好食又價錢相宜，如果你去電影中心睇戲，可以嚟開
以前去BC睇戲，夏銘記或者廟街牛雜又或者煲仔飯係開飯首選，過咗一排，唔同嘅舖頭質素都有左變化，幸好開飯有新選擇，竟然發現第一群係BC附近開左新分店。
以前深水埗相對坐得冇咁好，呢到就完全唔同，夠大又方便，而且食物menu都一模一樣，價錢差唔多之餘，整個體驗都好咗好多。
重點當然係喺蟹膏蕃茄湯檬，如果貪心嘅再加多個蟹膏，入邊仲有好多豆腐豬紅扎肉等等，全部都好好食，檬粉吸汁力很強，呢個係第一群嘅all time favorite ，不過對比1986，我好似鐘意1986多少少。
米紙蝦卷有非常薄的米紙外層，包著好豐滿嘅餡料，又係必定點的作品。
點了個烤豬肉湯河，佢加上香料嘅烤豬肉令人吃得特別開胃，而且味道好誘人，個人推介如果三心兩意又想食牛丸牛腩湯河嘅話就加牛丸，食到所有嘅名物。
太耐冇食，有啲掛住佢嘅越式法包，幾飽都要食多個，呢到嘅法包絕對出色，外層好脆，又係令我諗起全盛時期嘅添記。
飲品方面，當然要揀牛油果沙冰同埋滴漏咖啡，好飲足料之餘仲要價錢係佛心價。
最尾當然要選擇一個斑蘭綠豆糕做甜品，呢個記得一定要提早叫，因為每日有限量出品。
地點好，又唔算太難等位，好食又價錢相宜，如果你去電影中心睇戲，可以嚟開下飯。
張貼
