第一郡

營業中

休息中

本打算食泰國菜 到達才知原來轉咗越南舖 見咁多人即管試下， 入座睇餐牌其間 覺得好大冷氣，風口吹著 。想轉位 ，剛好望到有人走 ，店員行去執枱身邊路過 問她一下：我們想調位 ！ 她回話說 「唔得 ，留咗枱」，人家預留枱無辦法 繼續點菜啦 ，個店員安排好這桌客人後，走過來叫我們 如果想轉位 。未點菜就行出去再排隊 等位 ，當有位可以再安排給你們。 這個安排很特別 食物 可以 法包新鮮脆感 滿滿 。味道濃郁 食完覺得需要飲多些餐廳環境 可以，水、調味放在自助位置 店舖中央都方便取 限時60分鐘 食物重要 服務也重要

第一次去呢間餐廳，上樓的，本來無咩期望，點知呢間越南餐廳都有幾多選擇， 味道唔錯，都可以叫是 “平、靚、正”。另外，侍應招呼都幾好，我本來落錯單，佢哋都肯俾我改番。今次叫咗蟹糕湯檬，檬雞翼同埋慢煮牛肉拼法包。

呢間小店N年前幫襯過深水埗店，印象已經好模糊。新店搬咗去油麻地，雖然係彌敦道，但並不是地舖，而是從酒店旁的大廈入口搭𨋢上二樓。牛油果沙冰（$35）同我認知中嘅沙冰唔同，唔係有碎冰嗰款，呢杯十分creamy，勁滑身，偏向似奶昔嘅口感。淡淡嘅牛油果味，味道不錯。蟹膏蕃茄湯檬（$70）湯底帶酸，十分清爽開胃。配料有蟹膏餅、扎肉、豆卜、豬紅、蕃茄、香菜、芽菜、生菜，蟹膏餅好大件兼厚身，口感紮實，食落有蟹膏味；本人唔多好扎肉，但呢度嘅扎肉幾好食，彈牙，中間有啲爽脆軟骨，口感似雞軟骨腸；豆卜豆味濃；其他配料味道正常。檬粉份量足，算滑身，唔易夾斷。越式法包（$60）落單時可要求開二/三/四，細心。法包微暖，外層脆裡面軟熟有𡁻頭。配料十分豐富，有腩肉、札肉、肉鬆、酸菜、青瓜、芫茜、蔥、肝醬，各款嘅調味都唔錯，尤其酸菜唔會勁酸，芫茜好新鮮好香，肝醬咸咸香香。班蘭糕（$15）底面兩層十分黏身，中間夾住滑身嘅綠豆蓉，雙重口感，而且味道濃厚，不錯。PS：自助斟清水外，仲有班蘭水，聞落有香味但飲落同清水分別不大。

由於沒有訂位服務，想要吃晚飯只能現場排隊等候，週末晚七點前來到大約等了8-10分鐘有位坐，比預期快。餐牌只有一張底面見曬。正想點餐時聽到旁邊的一枱食客點河粉，店員告知河粉賣晒，吓😳但餐牌上除了飯和法包，麵類只有河粉和檬粉，選擇立即少咗好多。本來想試米紙蝦卷、蔬菜燉牛腩，可惜這兩樣都賣晒🤯。 最後點了- 蟹膏蕃茄湯檬，足料惹味😋; 沙甸魚法包，外脆內軟的法包跟餡料很相配👍🏻; 越南香茅雞翼，細隻和瘦身，很一般👎🏻想試的甜品班斕綠豆糕一早沽清….😖其實旺角區人流多，尤其是星期六和星期日，唔明點解餐廳準備的食材這麽貧乏有限，晚上7點未夠已經有一半菜式賣完，如果真係有心想來吃特色越南菜，奉獻大家先打電話來問清楚是否供應充足。

睇到食評話呢間嘅越南包好好食，尋晚就去試下，可能早到，有一半座位係空嘅坐低咗，職員比咗個code我哋點菜食物黎到喇，但個托盤無餐具，於是我就問職員（著住黑衫黑褲，頭髮中長，有啲立立地）拎筷子啦我（中文）：唔該可唔可以比兩雙筷子我呀？職員（英文）：（帶點不禮貌）Sorry, I don’t speak any Chinese我（英文）：Can I please have two pair of chopsticks?職員（英文）：Box? Box?我（英文）： Chopsticks please職員（英文）：Box? How many box?糾纏咗一輪，最後終於拎到筷子個越南包嘅包係脆嘅，不過肝醬比較少，同埋酸蘿蔔太多（純粹個人口味）呢間餐廳個menu同其他越南餐廳有啲分別，平時見到嘅菜式，呢度未必有奇就奇怪在，喺成個進食嘅過程，我地都聽到呢位職員用流利嘅中文同其他食客講嘢，到到我埋單果陣，仲聽到有其他食客問佢拎筷子，而佢係用流利嘅中文問人地要幾多對。食物其實唔算好驚喜，不過呢個奇怪嘅職員令我唔會再幫襯第二次囉🙅🏻‍♂️

由深水埗食到佢搬來油麻地呢間同土瓜灣嗰間都係我嘅至愛如果想食蟹膏湯檬自己覺得呢間暫時係食過最好食蟹膏蕃茄湯檬 $72有蟹餅一塊，兩粒豆卜，兩粒豬紅，兩塊扎肉，蕃茄半個同生菜蟹餅有蟹肉碎，少少蛋扎肉就正常湯底係精華之前睇訪問話老闆係自己熬製濃濃蕃茄味每次食完都唔會覺得口渴相信係真材實料，冇加味精佢嘅牛油果奶昔都係濃濃牛油果味值得一試🌸🌸🌸🌸🌸新場環境大左枱多左有自助吧，可以斟水或者斑斕水呢間水準穩定每次諗唔到食乜就會去

足料，夠香，但味精較多，食飽飽之後，有些口渴！不過整體，環境衛生舒服！用手機落單，之後碗麵上桌又快又熱、又大碗！好多雞絲！碗麵份量都算足，係多咗少少味精！食完之後就好想搵嘢飲！一入到去就已經當你係熟客一樣，夥計仔會走埋嚟指你去坐低，然後火速放低一張有QR code嘅手機落單紙，跟住你就自便啦！又唔可以話冇Service嘅，係隨便少少，自如少少啦！我坐窗口位，可以欣賞吓𥦬外油麻油街境，一個人靜靜享受咗一碗雞絲湯河，都算唔錯！睇餐牌，有多款甜品選擇，又有越式麵包，越式沙律，越式飲品，雖然唔算選擇好多，但係就款款都幾有特色。如果你喺旺角行街，行多兩步上嚟幫襯下，都算係一個好地方！

以前在深水埗食很好食，可是搬咗舖之後，第一次幫襯，但食畢後深感有食安問題，今日專程來到，叫了蟹膏番茄湯檬+凍啡；食到中段，咬到一口沙，吐出來，見到一些有絲沙布粒，細緻看，竟然我食到清潔用的百潔布碎🧽，有冇搞錯？！湯底番梘水味，帶酸；湯底很多沙和肉碎，懷疑是環保湯底？？扎肉有耳仔毛，明顯是很低劣的食材。然後跟侍應反映，他說換過一碗給我，我說不用了，反正都是同一批食材！我都食不下去了，直接付款離開，永不回來！

第一郡係油麻地嘅一間越南小店，真係好有驚喜！一入去就覺得好舒服，雖然地方唔大，但係好乾淨，仲有啲越南風情嘅裝飾，感覺好地道。我試咗佢哋嘅「扎肉法包」，真係好正！個包外脆內軟，扎肉鹹香得嚟唔會太膩，加埋新鮮蔬菜，食落好清爽，完全唔會覺得滯。再試咗「順化牛腱米線」，湯底好濃郁，帶少少辣，牛腱煮得好腍，米線滑溜溜，真係好似去咗越南咁！斑斕糕真係第一郡嘅一大亮點！個樣仲好靚，綠油油咁，睇落已經心動。咬落去，口感軟糯得嚟又唔會太黏牙，甜度剛剛好，唔會太膩，食完之後仲有種清新嘅回甘，真係令人一試難忘！佢哋嘅斑斕糕應該係自家製，食得出用咗心思，唔似出面啲現成貨咁死甜。每一啖都充滿斑斕葉嘅天然香氣，好食呀！

假日下午時間經過油麻地上網搵到呢間 第一郡幾高評價退即刻上樓試試佢👉🏻米紙蝦卷🍤個樣用咗葉包住入面應該有嘅材料都有齊（粉，蝦，豬肉，菜......）係隻蝦細咗啲但個醬汁先係重點🤌🏻花生味超濃 個醬入面仲有脆脆蘿蔔絲同炸蒜花生粒粒，加埋米紙卷一齊食，真係好夾😆😆👉🏻越式法包上台時仲暖暖哋，外脆內軟包住好多食材最出色係酸酸脆脆嘅紅蘿蔔令到個包口感多咗好多👉🏻蟹茄膏蕃茄湯檬個樣好似車仔麵😂可能因為有豬紅豆卜湯有半隻蕃茄，偏咸咗DD上面個蟹膏餅幾好食似係雞蛋豆腐混合物索晒啲汁😋👉🏻斑斕綠豆糕外表煙靭，好香斑斕味。中間綠豆蓉唔係特別甜，夾埋一齊口感唔錯👍🏻呢個一定要試

終於抽到時間去食呢間越南嘢17:30去到都已經好full叫咗佢嘅米紙卷好好食，佢地自制醬👍🏻👍🏻越南法包個包好軟好脆，出色香茅雞翼扎肉雞絲豬肉撈檬一般般斑斕糕好好味特別👍🏻仲叫埋個蟹麵外賣蟹麵一定會要叫

呢間俾人推薦咗咁多年，由細舖搬大舖都仲係第一次試😜蟹膏蕃茄湯檬係一定要試，蕃茄湯底濃鮮酸甜🍅🍅🍅~仲要係勁多料：一碗有齊蟹膏餅、蕃茄、豬紅、豆卜、扎肉、生菜，香草味勁出，咁平都咁足料真係好癲呀！蔬菜燉牛腩（原本係配法包，我哋改咗配檬粉）~勁多大大舊嘅牛腩仲要好軟腍，湯汁滿滿蔬菜嘅精華，同蕃茄蟹嘅湯比起上嚟唔濃烈反而係小清新含蓄嘅甜香~入面有紅蘿蔔同薯仔... 又係超足料份量十足。一人一個麵點知個份量比想想中大份好多，好彩無叫到米紙卷同 Banh Mi，下次真係要叫扣底先可以試多幾款~遺憾係嗰日冇晒牛油果沙冰😢 哭哭。唯有要個斑斕綠豆糕補數。個糕好軟糯，粘性略嫌太勁有啲難分~清香嘅班蘭味，中間有綠豆蓉口感更加豐富~

自從喺越南食過蕃茄蟹膏湯檬，念念不忘，係香港嘗試搵啲正宗口味越南菜。呢間餐廳已經bookmark左好耐，因為位置唔就腳，遲遲都未試。 黎到既時候係滿坐，仲有幾個人等緊位，因為一個人都唔駛等好耐，不過細細既二人枱係要搭枱既。叫左蕃茄蟹膏湯檬，湯係偏少少甜，但整體味都算正宗，蟹膏餅好香，配料都好齊好足，份量都唔少👍🏻另外佢有一個位放左唔同既醬料、調味料，有需要嘅可以自己去拎。總括嚟講，勝價比都高😁

本來諗住OpenRice評分好高去試吓。點知入到去完全冇系統俾人係咁打尖亂咁排隊，同阿姐講完之後仲話啲人過嚟叫我哋轉頭等吓。但係根本就係有位。 好離譜。完全唔係做生意。 唔怪香港飲食業玩完其實我都唔想自評佢，但係實在太差。完全倒米。啲人係咁出入兩個三個都照坐落去，明明就係有位就叫人等。 但係又冇系統又冇攞飛後面啲人坐咗落嚟之後我哋問阿姐，或者話佢哋嚟先。但係明明就係喺我哋嚟咗之後10幾分鐘先至嚟。家姐仲要狡辯埋佢哋先問有冇飛佢又話冇。 有晒錄影CCTV仲要死拗。啲嘢幾好食，以後都唔會返嚟。咁嘅態度其實食嘢係成個Experience，你煮九大簋俾我，但係喺度咁樣嘅話，搵鬼去食。

呢間越式小店係深水埗舊舖時期食過一次，印象不錯，搬到嚟大舖之後地點更加方便，呢日經過油麻地，心血來潮上去食～雖然唔洗排隊，幾乎滿座，坐返同一位置😆蟹膏蕃茄湯檬🍅🍜湯底係帶甜嘅蕃茄湯，大半個蕃茄🍅配料好豐富，有豬紅x2扎肉x2豆卜x2重點係又大又厚嘅蟹膏餅，蟹餅吸曬啲湯，yummy🫶🏻烤豬肉撈檬🐷🍜烤豬肉份量好多，好淋好惹味，仲有生菜絲，青瓜絲，花生碎～個汁係個底度，撈埋一齊食酸酸甜甜好開胃～班蘭糕💚呢個班蘭糕真係必食，好好味～上下兩層糕中間係綠豆蓉，質感煙韌Q彈唔太甜，真係超愛🫶🏻