第一郡

今日二零二五年十一月十三日，同三五知己去完附近商場，又係時候食個靚飯，本身諗住食日本野，但凍凍哋就梗係想食返啲暖嘅嘢，朋友介紹呢間唔錯就上去試試佢，今晚客人都算多，未有機會坐到窗邊位䏲下風景，但整體環境都算舒服。叫左個蟹膏蕃茄湯檬粉，整體偏甜口，個人嚟講唔算特別好甜口，但個蟹膏餅幾特別，同個湯頭mix埋都幾鮮甜。食完同朋友都叫咗幾個紫米糕同榴槤糕試吓，份量就係一口過，$10$8嚟講都有性價比，可惜本身想試嘅其他甜品都sold out，下次希望有機會試到…查看更多

喱間越南餐廳好似係擴大咗鋪面 新鋪位於油麻地 要搭𨋢上二樓 環境闊落 好光猛 不過始終都係枱貼枱格局 體現返香港地窄嘅特色 揀咗烤豬肉撈懞 個燒豬肉好稔好焦香 表面乾身 但咬落又唔係hi口 都幾入味 肉量亦夠多 撈懞汁酸甜味適中 清新可口 而且勁多香草味 每啖咬落都香氣四溢 係喱度嘅招牌特色 唔似平時啲越式餐廳咁普通 香草味為佢加添特色牛油果軟包 個軟包好鬆軟 配埋入面的脆口 生菜 酸菜 青瓜 芫荽 蔥 仲有啱啱熟成嘅牛油果 成個口感都好豐富清新 個份量都符合返個價錢嘅 夠飽嘅榴蓮糕 喱個糕雖然質感唔差 但榴槤味就實在太弱無咩味 輕輕散發嘅榴槤味亦有啲假 唔好味班蘭綠豆糕 喱個就好味好多 亦係必食推介 陣陣濃郁班爛味滲出 質地好煙韌 又有輕輕嘅綠豆糕味 兩個味幾夾 出色 喱個一定要試整體嚟講 喱間越式餐廳質素都唔差 價錢中規中矩 食物都算符合返個價 但係咪叫必食之選又未至於 係斑蘭綠豆糕較為出色外 個充滿香草味嘅撈懞又未至於令我一食想再食 雖然的確同其他嘅餐廳嘅有啲啲唔同 平時都幾多人等位 要等位我就唔會特登再食 …查看更多

以前朋友介紹嚟食，好味，但今日再嚟就唔好食。牛腱河，牛腱唔淋，牛根一般，湯淡無味，湯又少，嚟到放低係無咩湯。烤豬肉河，個烤豬好油，最正常係雞翼，但都係正常，唔係特別好味，價錢同食物味道唔成正比。…查看更多

第一次幫襯，見大家推薦蕃茄湯蟹餅粉🌸，真的好好味，湯夠熱又甜！牛油果沙冰好濃好飲，跟個熱辣辣湯粉好夾，好滿意！估唔到油麻地區有樓上店越南菜，地址都易搵，平日晚上食都多人，小店服務細心，推薦！…查看更多

位於越南油麻地的一間越南小店，有驚喜✨地方雖然不大，但環境乾淨，而且裝修亦充滿越南風情，十分地道🩷在幾款食物當中，最欣賞的是斑蘭糕，口感軟糯又不會太黏牙，甜度適中，不會覺得膩，真令人一試難忘🥰另外，牛油果沙冰好creamy，很滑身，有點像奶昔的口感，不是有碎冰的那款。淡淡香甜的牛油果味，令人一口接着一口。😝-What we ordered1. 蟹膏蕃茄湯檬＄722.米紙蝦卷（兩卷）$503.斑蘭糕＄15-Drinks1.牛油果沙冰$35…查看更多

今次去油麻地第一郡，位於商業大廈1樓，靜靜地以為冇乜人，原來都好多食客，試咗幾款越式fusion小食，真係有驚喜！🦀🍅We dropped by District One in Yau Ma Tei for a Vietnamese-inspired feast that totally hit the spot.🥣 蟹膏番茄湯矇 Crab Roe Tomato Soup Vermicelli湯底濃郁得嚟唔膩，蟹膏香氣撲鼻，番茄酸甜平衡得啱啱好，矇粉滑溜吸湯力強，一啖接一啖！Rich, tangy broth with a punch of crab roe umami — the vermicelli soaked up all that goodness. Comfort in a bowl.🥖 越式軟包 Vietnamese Soft Bun外皮微脆，內裡鬆軟，夾住香料醃製肉同酸甜醬汁，好有層次感，食完仲想encore！Fluffy yet crisp bun stuffed with marinated meat and zesty sauce — a bite full of texture and flavor.🥑 牛油果冰沙 Avocado SmoothieCreamy到不得了，牛油果香滑得嚟唔會太heavy，飲完超滿足，仲有少少解膩效果！Smooth, velvety and refreshing — the avocado smoothie was the perfect chill finish to our meal.🏰第一郡📍 油麻地彌敦道483-485A號2樓——————————————————————— #tastyspell #foodiehk #hkfoodbloggers #globaleats #foodporn #foorlover #foodholic #foodiehk #hkfoodie #hongkongfoodie #hongkongfoodblogger #香港美食 #YauMaTeiEats #蟹膏控 #越南fusion #Foodie探店…查看更多

❤️呢個係我暫時食過最好味既越南法包！🥖越式法包 👍🏻👍🏻👍🏻👍🏻👍🏻👑🌯 米紙蝦卷 👍🏻👍🏻👍🏻😋已經唔止一個朋友推薦呢間越南餐廳！佢哋都一致好評表示越式法包好好食！🥖法包有加熱過上枱嘅時候暖暖嘅，而且表皮香脆，材料好簡單有扎肉、肉鬆、酸蘿蔔同菜，我最鍾意係佢既酸蘿係蔔😍食完咁大個麵包都唔會覺得滯！ 🌯 米紙蝦卷本來我哋諗住當小食，但係發現上到台佢超級紮實！材料超多，除咗蝦之外，仲有豬肉同埋檬粉！食完超級飽！呢個價錢嚟講超級抵食😋…查看更多

自Q1第一郡還在深水埗的時候已聽過她們的名字，還記得客人都說店舖細細門外排長龍；直至她們搬舖至油麻地一度時間後，我終於來一嚐她們的出品，久仰大名。週末未夠晚上七點時到達，餐廳已差不多滿座，幸好還有兩三張吉檯就順利入座了。用餐桌上沒有餐牌提供，有需要的可以拿一張宣傳單張細閱，或直接使用QR code落單。一般我們會點越式法包，見到她們有一款越式軟包($52)就點來試試；其實就是以比較軟的麵包取代較硬的法包。裡面的餡料種類多，例如有豬腩肉、扎肉、酸蘿蔔絲、生菜絲、肝醬等等，無論是味道或者口感也十分豐富，唯獨份量是細了一點；覺得法包太硬太難咬的朋友可以考慮轉點這款軟包。夏日炎炎吃烤豬肉撈檬($70)都幾消暑。未開動之前感覺奇怪為甚麼沒有提供撈檬的醬汁呢，詢問店員後說原來醬汁已加進撈檬裡面，也就是說這裡的撈檬本身已經有固定的底味。菜式的溫度是室溫，醬汁偏淡所以不算酸，配料有酸蘿蔔、生菜絲、香蔥、香葉等，配合著調味較濃的烤豬肉形成了不同層次的味道，清爽開胃。除了冷的麵食，我們也點了熱的順化牛腱河粉($85)。湯底牛味不算很濃，調味過甜，配菜有牛𦟌、牛筋和扎肉，牛類都燜得夠淋容易入口，是琳瑯滿目的一碗麵。越南香茅雞翼($38)是五隻BB雞翼，細得有點誇張，沒有甚麼香茅味，只能當作是普通炸雞翼吃。餐廳本身的裝潢簡單，大部份裝修、傢俬都使用上手餐廳留下的東西，再因應現在自己的需要加減傢俬，例如有些檯就如在社區會堂裡可以見到的置物檯，就是一個很簡潔的用餐環境，亦是光猛乾淨的。除了有人送餐，餐廳營運模式就如food court，在沒收取加一服務費下也是可理解的，不過感覺店員和餐廳的態度有點愛理不理；特別深刻的是有一台客人整頓飯的時間裡面均極度興奮，高談闊論、大笑、大叫，嘈得我們這檯對著坐也聽不到對方在說甚麼，在嚴重影響其他客人的情況下店員也從未出聲提醒，多次送餐到那檯也忽視問題，實在令人失望。食物來說個人認為可以一試，特別是法包、撈檬的味道幾深刻，價錢經濟，不過食完有一點口渴。如餐廳推出一些套餐，還有引入更多菜式選擇，相信客人來光顧的吸引力會更大…查看更多

又托好友的提議，去左呢間不一樣的越菜餐廳，今次本來無諗過有咩驚喜，反而覺得佢嘅湯底同埋特飲都大大超出我想像。首先，我叫左烤豬肉河粉，而我朋友就叫法包，再叫多個雞翼開心share。而且，好友亦推薦左牛油果特飲，一試難忘！簡單而言，湯底好有越式風味，應該落左唔少洋蔥去煲，而豬肉有少少甜味，肉質一般，但味道係出面未試過的清新。而雞翼都好抵，簡單蜜糖燒雞翼，肉質幾好，唔似打針雞。最出色係牛油果特飲，佢真係有牛油果傢，都算濃郁。加埋兩位都係200多啲，覺得性價比幾好。…查看更多

呢間鋪以前喺深水埗，我去開深水埗都會去幫襯佢，舊鋪好細印象中得6、7張枱，星期六日去都要喺門口等半個鐘😅而家佢搬咗去油麻地，地方大咗企理咗，水準仲係keep 得好好😆👍🏻👉🏻 蟹膏蕃茄湯檬🦀💰70一定一定一定要試！喺我每次去嘅必點item ！入面有豬紅，豆卜、扎肉、香菜、芽菜、生菜、蕃茄 ，配料豐富👍🏻當中最好食嘅就喺個塊蟹膏餅 ❤️ 入面有滿滿嘅蟹肉同蟹膏，質感好似百頁豆腐～索哂濃香嘅湯汁，咬落去好滿足😋而佢自家熬製嘅蕃茄湯酸酸甜甜，加埋香菜清新嘅味道，好開胃嘅呢～～👉🏻 越式法包💰60可以揀全個/開2/開4咁上，方便同朋友share ～個包外脆內軟，入面有扎肉、腩肉、青瓜、肉鬆同酸蘿蔔，餡料豐富，口感十足！佢嘅人氣食品仲有班蘭糕（以前每次幫襯都會買一件拎走番屋企食）同米紙蝦卷，可惜每日供應數量有限，我收工夜晚7點去已經賣哂🥲💔想食就要早啲去了～～～…查看更多

本打算食泰國菜 到達才知原來轉咗越南舖 見咁多人即管試下， 入座睇餐牌其間 覺得好大冷氣，風口吹著 。想轉位 ，剛好望到有人走 ，店員行去執枱身邊路過 問她一下：我們想調位 ！ 她回話說 「唔得 ，留咗枱」，人家預留枱無辦法 繼續點菜啦 ，個店員安排好這桌客人後，走過來叫我們 如果想轉位 。未點菜就行出去再排隊 等位 ，當有位可以再安排給你們。 這個安排很特別 食物 可以 法包新鮮脆感 滿滿 。味道濃郁 食完覺得需要飲多些餐廳環境 可以，水、調味放在自助位置 店舖中央都方便取 限時60分鐘 食物重要 服務也重要…查看更多

第一次去呢間餐廳，上樓的，本來無咩期望，點知呢間越南餐廳都有幾多選擇， 味道唔錯，都可以叫是 “平、靚、正”。另外，侍應招呼都幾好，我本來落錯單，佢哋都肯俾我改番。今次叫咗蟹糕湯檬，檬雞翼同埋慢煮牛肉拼法包。…查看更多

呢間小店N年前幫襯過深水埗店，印象已經好模糊。新店搬咗去油麻地，雖然係彌敦道，但並不是地舖，而是從酒店旁的大廈入口搭𨋢上二樓。牛油果沙冰（$35）同我認知中嘅沙冰唔同，唔係有碎冰嗰款，呢杯十分creamy，勁滑身，偏向似奶昔嘅口感。淡淡嘅牛油果味，味道不錯。蟹膏蕃茄湯檬（$70）湯底帶酸，十分清爽開胃。配料有蟹膏餅、扎肉、豆卜、豬紅、蕃茄、香菜、芽菜、生菜，蟹膏餅好大件兼厚身，口感紮實，食落有蟹膏味；本人唔多好扎肉，但呢度嘅扎肉幾好食，彈牙，中間有啲爽脆軟骨，口感似雞軟骨腸；豆卜豆味濃；其他配料味道正常。檬粉份量足，算滑身，唔易夾斷。越式法包（$60）落單時可要求開二/三/四，細心。法包微暖，外層脆裡面軟熟有𡁻頭。配料十分豐富，有腩肉、札肉、肉鬆、酸菜、青瓜、芫茜、蔥、肝醬，各款嘅調味都唔錯，尤其酸菜唔會勁酸，芫茜好新鮮好香，肝醬咸咸香香。班蘭糕（$15）底面兩層十分黏身，中間夾住滑身嘅綠豆蓉，雙重口感，而且味道濃厚，不錯。PS：自助斟清水外，仲有班蘭水，聞落有香味但飲落同清水分別不大。…查看更多

由於沒有訂位服務，想要吃晚飯只能現場排隊等候，週末晚七點前來到大約等了8-10分鐘有位坐，比預期快。餐牌只有一張底面見曬。正想點餐時聽到旁邊的一枱食客點河粉，店員告知河粉賣晒，吓😳但餐牌上除了飯和法包，麵類只有河粉和檬粉，選擇立即少咗好多。本來想試米紙蝦卷、蔬菜燉牛腩，可惜這兩樣都賣晒🤯。 最後點了- 蟹膏蕃茄湯檬，足料惹味😋; 沙甸魚法包，外脆內軟的法包跟餡料很相配👍🏻; 越南香茅雞翼，細隻和瘦身，很一般👎🏻想試的甜品班斕綠豆糕一早沽清….😖其實旺角區人流多，尤其是星期六和星期日，唔明點解餐廳準備的食材這麽貧乏有限，晚上7點未夠已經有一半菜式賣完，如果真係有心想來吃特色越南菜，奉獻大家先打電話來問清楚是否供應充足。…查看更多

睇到食評話呢間嘅越南包好好食，尋晚就去試下，可能早到，有一半座位係空嘅坐低咗，職員比咗個code我哋點菜食物黎到喇，但個托盤無餐具，於是我就問職員（著住黑衫黑褲，頭髮中長，有啲立立地）拎筷子啦我（中文）：唔該可唔可以比兩雙筷子我呀？職員（英文）：（帶點不禮貌）Sorry, I don’t speak any Chinese我（英文）：Can I please have two pair of chopsticks?職員（英文）：Box? Box?我（英文）： Chopsticks please職員（英文）：Box? How many box?糾纏咗一輪，最後終於拎到筷子個越南包嘅包係脆嘅，不過肝醬比較少，同埋酸蘿蔔太多（純粹個人口味）呢間餐廳個menu同其他越南餐廳有啲分別，平時見到嘅菜式，呢度未必有奇就奇怪在，喺成個進食嘅過程，我地都聽到呢位職員用流利嘅中文同其他食客講嘢，到到我埋單果陣，仲聽到有其他食客問佢拎筷子，而佢係用流利嘅中文問人地要幾多對。食物其實唔算好驚喜，不過呢個奇怪嘅職員令我唔會再幫襯第二次囉🙅🏻‍♂️…查看更多