影片
更多
2024-09-08
119 瀏覽
我們這一家真係超級鍾意食燒肉，之前食過其他分店嘅YAKINIKU KAKURA覺得超級好食，今日決定帶媽咪去元朗試下係元點果間分店嘅lunch set！我覺得每一間分店環境都非常之好，入面都唔會有好濃嘅燒烤味道，今次去到元朗呢一間，侍應姐姐仲帶我哋去坐窗邊卡位位置，正 XD。上次食完大判燒就已經念念不忘，今次嚟到點可以唔叫呢！同媽媽一人揀咗一個lunch set，而每個lunch set都有一份小食+白飯+麵豉湯：黑毛和牛大判燒盛盒一如以往，和牛大判燒嘅肉質真係超級好，雪花分明，唔敢用自己嘅技術去糟蹋呢嚿牛，所以拜託職員幫我燒，點埋個日本雞蛋，又滑又好味。另外我叫呢個set佢都仲有6嚿和牛肉，自己燒係冇問題嘅，咬落去真係啲入口即溶嘅感覺，好彩有六嚿，唔使同媽咪打架搶食！！！！牛舌盛盒呢個盛盒有兩款唔同嘅牛舌，一款用簡單嘅鹽同胡椒調味，另一款係蔥鹽味，同媽咪一致認為因為啲肉質太新鮮，所以簡單嘅鹽調味就已經非常之足夠！！ 兩款調味嘅牛舌都非常有口感+爽口，太美味了。另外我哋追加左黑毛豚無骨小排，平時覺得燒豬肉麻麻哋嘅我，都覺得呢塊黑毛豬好好食，佢仲要只係用左簡單嘅鹽調味，新鮮唔韌！食完嘢之
我覺得每一間分店環境都非常之好，入面都唔會有好濃嘅燒烤味道，今次去到元朗呢一間，侍應姐姐仲帶我哋去坐窗邊卡位位置，正 XD。
上次食完大判燒就已經念念不忘，今次嚟到點可以唔叫呢！同媽媽一人揀咗一個lunch set，而每個lunch set都有一份小食+白飯+麵豉湯：
黑毛和牛大判燒盛盒
一如以往，和牛大判燒嘅肉質真係超級好，雪花分明，唔敢用自己嘅技術去糟蹋呢嚿牛，所以拜託職員幫我燒，點埋個日本雞蛋，又滑又好味。
另外我叫呢個set佢都仲有6嚿和牛肉，自己燒係冇問題嘅，咬落去真係啲入口即溶嘅感覺，好彩有六嚿，唔使同媽咪打架搶食！！！！
牛舌盛盒
呢個盛盒有兩款唔同嘅牛舌，一款用簡單嘅鹽同胡椒調味，另一款係蔥鹽味，同媽咪一致認為因為啲肉質太新鮮，所以簡單嘅鹽調味就已經非常之足夠！！ 兩款調味嘅牛舌都非常有口感+爽口，太美味了。
另外我哋追加左黑毛豚無骨小排，平時覺得燒豬肉麻麻哋嘅我，都覺得呢塊黑毛豬好好食，佢仲要只係用左簡單嘅鹽調味，新鮮唔韌！
食完嘢之後最後上埋精緻嘅甜品，唔甜唔膩，中和咗滿口燒肉嘅味道，呢間餐廳真係要再黎食！！！
張貼
