盈館

營業中

休息中

今日過嚟旺角盈館午飯，兩個人叫左四道菜，二款炸炸，一款蒸點心和一個廣東菜。菜的份量足又好味😋美味分數：👍👍👍👍👍芝士鮮蝦腐皮卷，鮮蝦腐皮卷本身已經好好味，入面仲要加左芝士，真係好味到不得＂芝＂了。芝士仲要係拉絲架！駛唔駛咁吸引呀😋腐皮炸到金黃香脆，鮮蝦爽口，芝士煙靭，一件有三種口感，一碟我自己都可以食曬呀！美味分數：💪💪💪💪💪銀湖百花釀魚肚，魚肚吸曬湯味，咬落去湯汁就爆出黎，軟綿綿又有口感極之好味。魚肚上面的是花枝滑，彈牙又鮮甜，絕讚！美味分數：👅👅👅👅👅冰鎮咕嚕肉，超大的碟裝有大量冰塊，入面收藏了大量咕嚕肉，再以三色甜椒作點綴，好有視覺效果。咕嚕肉外冰內熱，高冷🥶溫度令哈嚕肉外皮保持脆口鬆化，好有冰糖胡籚的風味，酸甜味道，而且無骨更是加分！美味分數：🤩🤩🤩🤩荔枝流心球，荔枝造型的炸流心球，入面係流心奶黃餡，咬落去流心就湧出黎，好有爆漿感。外皮仲加左米通粒，口感非常脆。