影片
更多
2024-04-19
39 瀏覽
呢間粉制良品我本身見過人食，係做手工筲箕河粉，雖然我都住得近但係仲未黎過食，今日工人姐姐放假就黎買外賣番屋企食啦😆舖位唔算好大，旁邊有個堂食位既長枱可以即刻係度食，廚房係正收銀入面，店主見我係度周圍影相就邀請埋我入去睇佢既手工筲箕粉係點整啦🤩一盒筲箕粉就係用預先磨好既米漿，搽少少油，倒上筲箕，蒸熟後再搽少少油將佢倒出，再疊起切開，加上我地想食既口味餸菜，就成為一盒筲箕粉啦，有機會睇工呢門手藝真係大開眼界👏🏻👏🏻牛三寶筲箕河粉（$48）牛三寶分別係牛腩，牛肚，牛筋，牛炆得好入面，加上本身既腩汁撈埋爽滑既河粉，好好味🐮手撕雞筲箕河粉（$36）手撕雞肉質幾嫩滑，調味濃郁，仲落左芝麻醬上去，同個河粉撈埋幾夾，難怪餐牌打左粒星推介⭐️火鴨絲碗仔翅（$28）碗仔翅勁大碗，又足料，裡面好多火鴨絲同香菇，啖啖都好滿足😋呢間小店仲有其他小食，價錢唔貴，入過佢地廚房都覺得幾衛生，呢區一般比人既感覺都比較污糟，呢度既衛生程度絕對合格，個筲箕河粉都好食同有特色，值得支持既一間用心經營小店💪🏻
舖位唔算好大，旁邊有個堂食位既長枱可以即刻係度食，廚房係正收銀入面，店主見我係度周圍影相就邀請埋我入去睇佢既手工筲箕粉係點整啦🤩
一盒筲箕粉就係用預先磨好既米漿，搽少少油，倒上筲箕，蒸熟後再搽少少油將佢倒出，再疊起切開，加上我地想食既口味餸菜，就成為一盒筲箕粉啦，有機會睇工呢門手藝真係大開眼界👏🏻👏🏻
牛三寶筲箕河粉（$48）
牛三寶分別係牛腩，牛肚，牛筋，牛炆得好入面，加上本身既腩汁撈埋爽滑既河粉，好好味🐮
手撕雞筲箕河粉（$36）
手撕雞肉質幾嫩滑，調味濃郁，仲落左芝麻醬上去，同個河粉撈埋幾夾，難怪餐牌打左粒星推介⭐️
火鴨絲碗仔翅（$28）
碗仔翅勁大碗，又足料，裡面好多火鴨絲同香菇，啖啖都好滿足😋
呢間小店仲有其他小食，價錢唔貴，入過佢地廚房都覺得幾衛生，呢區一般比人既感覺都比較污糟，呢度既衛生程度絕對合格，個筲箕河粉都好食同有特色，值得支持既一間用心經營小店💪🏻
張貼
