餃掂手工餃子雲吞專門店

今日收工喺屋企附近搵嘢食，同屋企人去咗商場嘅餃子舖，因為平時見好多人食，聽講佢嘅煎餃湯餃都好有水準，所以一於就試下啦😍座位係半圓一排，雙人并排坐 ，睇完餐牌，就搵姐姐落單。龍鳳松茸雙煎餃睇餐牌見到佢招牌係松茸煎餃，當然要試下，黑松露同白松露嘅煎餃都超重松露味，好濃郁好香。我個人更加鍾意白松露，唔單止會越咬越香，食完個香味仲會持續好耐，肉都好足料，夠飽滿。香煎軟心芝士餃作為芝士控嘅我點可以唔試下 ，一咬開滿滿嘅芝士流曬出嚟，入面仲有粟米粒增加口感，超級creamy超邪惡呀雙拼湯餃粟米芫茜食完煎餃就當然要試下佢嘅湯餃，湯底係狀元九鼎湯，原本以為會好似街外一啲味精湯咁樣， 但點知完全唔係。飲得出係住家湯嘅味道，清新好飲。 而湯餃都好出色，皮煮到好滑 ，特別係芫茜豬肉餃，芫茜真係好多好香。芫茜控必試！豆漿 自家製山楂雪梨水支裝 飲品叫左兩個，特別欣賞佢嘅山楂雪梨水，可以媲美其他涼茶舖煲嘅。山楂味好出，酸酸甜甜咁樣，超清新解暑