影片
更多
2013-05-18
2890 瀏覽
月頭男友反被舊同事S介紹引誘o係G字頭團購公司推出呢o度,以$588.00食到原價$916.00o既二人法式海鮮餐,呢張劵只可o係星期日-星期四晚,6:00pm-8:00pm同8:30pm-11:00pm用,由於太多局限同埋我同男友平日放工後過o黎,一定趕唔切6:00pm場,同8:30pm場又晏o左啲,於是都博吓book前晚(16-3-2013 Thur)7:00pm食得唔得,我打o黎時,個男職員解釋因為唔想客人食得咁趕,但幫我book住8:30pm,如果當晚情況許可,就畀7:00pm我o地,o係15/5或16/5再打畀我確定.好,謝謝!到15/5同16/5都冇人打畀我,而16/5晏晝一點幾重有雷雨添,唔知夜晚會唔會落大雨,我同男友都想cancel booking,不過都係唔好喇.但都要同我confirm時間o假?於是我打電話去問,接聽o個個話唔好意思,呢晚好full,唔可以提前.啊,咁好啦.但冇耐,有個男人打畀我,話可以畀7:00pm我,不過我問可唔可以7:30pm?佢答都可以.好,呢晚冇落雨,我都好順利,大約6:40pm到o左灣仔地鐵站,但要等男友,佢大約6:55pm都到,我o地即
到15/5同16/5都冇人打畀我,而16/5晏晝一點幾重有雷雨添,唔知夜晚會唔會落大雨,我同男友都想cancel booking,不過都係唔好喇.但都要同我confirm時間o假?於是我打電話去問,接聽o個個話唔好意思,呢晚好full,唔可以提前.啊,咁好啦.
但冇耐,有個男人打畀我,話可以畀7:00pm我,不過我問可唔可以7:30pm?佢答都可以.
好,呢晚冇落雨,我都好順利,大約6:40pm到o左灣仔地鐵站,但要等男友,佢大約6:55pm都到,我o地即刻行去喇.
去到後我話姓咩o野book o左位,其中一個男職員查o左後就即時收我張劵,冇問題.
我o地被安排坐o係中間o既一張二人枱,其中一個男職員幫我將把長遮收好,走時記得問佢攞返.OK.
枱上已放好o左幾種調味料,有三種好明顯係塗法包,另外三種就唔知喇.男職員問我o地要有氣定冇氣礦泉水同唔知咩o野,我答要有氣啦.
然後就揀埋團購餐單中要揀o既o野,咁佢o地就自自然然依次序上菜.不過都有問我o地飲咩o野酒,佢話有海鮮就推介我o地白酒.
亦都有介紹枱上o個六款調味料:
塗法包,相中深啡色o既鵝肝醬,順時針下方o既係香草三文魚,最後o個舊係海鹽牛油;另外o個三樣係蘸海鮮o既,右上深色o既係蘸麵包蟹o既醋,左邊係唔知咩o野香草,蘸翡翠螺,其他海鮮蘸右下o既蒜蓉醬.職員叫我o地先食晒所有海鮮,最後至食麵包蟹,因為佢o既味道最濃,應由淡味開始食.啊,OK.攪掂晒就開餐喇,先o黎
1.法包四片
佢仍暖暖地,我o地先塗鵝肝醬,塗o左上去,見到內裡仍有啲粉紅色,質感唔係好滑,而味道,有啲難食.之後塗香草三文魚同海鹽牛油,呢兩樣就正常冇問題.
2.青蘋果果凍伴煙肉焗生蠔
我先食煙肉焗生蠔,差唔多一叉就叉到成個出o黎,食落,我好似食唔到粒生蠔肉,真係細到我只食到煙肉,有冇攪錯?我後悔冇先撥開煙肉o黎睇同影,睇佢有幾大粒. 而青蘋果果凍呢?竟然係軟軟地,味道有青蘋果味外,亦有啲啲奇怪味道,不過問題唔大就算.
3. 法式高級海鮮盤
我o係半隻龍蝦同半隻麵包蟹中揀o左後者,其他o既有翡翠螺,海蝦,皇帝蜆同帶子. 翠螺同皇帝蜆每人一隻,我先食皇帝蜆,翡翠螺,帶子同海蝦,亦跟職員講蘸咩o野醬食,但…我食到o既就只係蒜頭味,其他咩o野海鮮鮮味都食唔出,只覺得凍,係因為太凍鮮味揮發唔到出o黎?最後食麵包蟹,味道好濃?唔覺喎,我都唔蘸醋食o架啦,男友話肉質同其他蟹唔同,係實啲咁囉.
4. 洋蔥牛肉清湯同栗子忌廉湯
食完後到餐湯,有兩款揀,我o地就一人要一款咪得囉,費事煩.兩個湯o既份量都好少.
洋蔥牛肉清湯正如其名,
只有好多洋蔥,顏色係深黑色,洋蔥係腍晒o既,亦食到有啲牛肉,湯味唔太濃.而栗子忌廉湯呢?
只覺得佢杰杰地,男友以為係磨菇忌廉湯添.5. 雪葩
份量又好少,最多兩茶匙,而味道呢,係荔枝味,又係清清地o既,唔太甜,都幾好食.6. 食完後到三選二o既主菜,有墨魚鮮蝦墨汁麵,黑松露菌意大利飯同白酒奶油燒鱸魚.我o地揀o左最後兩個.
黑松露菌意大利飯,
賣相都係濕濕潤潤,飯裡面有黑松露菌,飯都係正宗意大利煮法,外軟內硬,菌味都食到啲但唔係濃.而白酒奶油燒鱸魚,
食到微微香脆,肉質唔算好滑.7. 最後係自家製甜品朱古力慕絲
上枱已開始熔熔地,賣相有少少似便便.
食落,唔太甜但唔算好滑,唔夠挺身,似忌廉多啲.食完都差8:15pm,可以o係8:30pm前還到枱啦.
服務:
開頭係好殷勤,枱上冇乾紙巾佢o地會拎盒紙巾o黎問我o地要唔要.
然後見我同男友o既手提袋都幾大個,要攬住o黎食,佢o地就主動將隔離o既二人枱拉埋啲,叫我o地將兩個袋放o左凳上,因為呢張枱o既客人係book o左8:30pm,好體貼呢.
不過我o地行到出門口,男友記得我把遮就問其中一個男職員但佢竟然搵唔到,冇印象.@.@”我話佢知咩o野色,佢都係唔記得擺o係邊.我望吓,唔係擺o係我覺得係遮桶o既o野o度,又望吓廚房,有兩把掛o係矮門,望入啲,見到喇,掛o左o係應該係一個高櫃o度.
其他:
睇返menu,原來杯有氣礦泉水係餐前特飲. 同團購裡面o既相係唔同,
唔通佢講o既第三樣o野就係相中o個杯?不過佢o地會畀晒成支有氣礦泉水我o地.環境:
根據團購公司介紹,La Maison o係法文係指’家’o既意思,呢o度以溫暖木色為主調,好貼題.
價錢:
當我o地食完坐多陣時,一個男職員遞張單畀我,話要收$42.00,我覺得奇怪,團購冇話要我o地o黎食o時候再畀$42.00喎,如果有,佢o地係會寫明,因為我有次見到係有.但我都照畀先,今朝上網check返呢個優惠o既詳情,見唔到有寫要再畀$42.00,就打電話去o個間團購公司,團購公司職員睇都話冇,佢話佢會跟進了解,然後畀答覆我.
都係o個句,如果以正價$916.00食呢個餐,絕對唔值,而以$588.00食,同樣唔太值,事後重無端端畀多$42.00就更加唔值.
呢次畀分先以$588.00計算.
張貼
