BKK

一路以為元創坊係文青集中地，原來裡面都有唔少餐廳，今次行完展覽搵食見到間行復古風嘅泰菜，就入去試下。熱辣辣，一嚟我地就叫左杯龍眼特飲先至再慢慢叫餐🍹炒和牛粿條呢個河粉我見每一枱都叫，所以都叫嚟試下。份量算幾多（原本諗住係輕食），河粉有鑊氣，好難得牛肉有味，而唔係茶記無哂牛味嘅牛肉，幾有驚喜，唔怪得每枱都叫。薄餅配泰式咖喱薄餅唔似係來貨，煙韌，可以撕開一絲絲，幾好。泰式咖喱酸中帶少少甜，同冬蔭公咪類似，同薄餅幾夾。有兩塊，不過如果有四塊就好😚唔夠喉。咖喱和牛肋條呢個又係有幾驚喜，平時咖喱牛腩煮好耐都會好鞋，估唔到佢地嘅牛肋條好琳，可能用料真係唔同🥰，更難得係個薯仔都入哂味，中間仲軟綿綿🤩因為食牛河已經夠，所以我地無加飯，咖喱連埋飯食一定好正😎呢間餐廳係元創坊裡面，食物質素有誠意，份量正常，唔係專做遊客生意，見有唔少放工嚟食飯嘅。能夠做到附近工作嘅人嚟幫襯，就有值得欣賞嘅地方，推介畀大家。