BKK

餐廳：BKK地點：中環PMQ元創方菜式：泰國菜餐牌：湯、沙律、小食、主食、甜品。飲品有雞尾酒、Mocktail、Smoothie、其他酒精飲品、咖啡茶等。炭燒封門柳沙律配米粉跟特色醬汁 $138 另加一炭烤澳洲牛肉一排切開六片，烤得外脆內嫩，入面有筋，口感一流，好味道！下底有米粉，伴有酸醃紅白蘿蔔絲、芽菜、青瓜粒、芫荽，竟然仲有酸菜，材料豐富！中間加上乾蔥碎同花生脆脆，另上透明特色醬汁，服務員介紹撈埋一齊食，味道酸酸甜甜，好醒胃。泰北咖哩全蛋麵 $128 另加一泰北咖哩全蛋麵大大碗，黃色彎曲全蛋麵條好掛汁，個黃咖喱汁好惹味，少少甜甜哋，唔辣，又香又滑！伴有好幾粒超腍牛面頰，另外仲有熟蛋半隻、紫洋蔥碎、脆脆條、蔥花、青檸、同一條辣椒，味道唔錯，食完唔覺口渴。泰式和牛炒粿條 $128 另加一泰式和牛炒粿條好快上枱，熱辣辣薄身粿條撈有蛋、粟米仔、辣椒同幾塊和牛一齊炒，好有鑊氣。粿條滑溜又帶煙韌口感，味道剛好，帶微微辣，唔太油或重口味。面頭加上脆脆、蔥花、伴有超嫩芥蘭苗，另配紅色辣醬更添風味。兩杯 smoothie 賣相一流。Coconut Smoothie $78 另加一Coconut Smoothie色水呈綠色，面頭加上新鮮梛肉段，飲落係香甜梛汁味，好滑溜。Mango & Passionfruit Smoothie $78 另加一Mango & Passionfruit Smoothie就係黃色帶黑色粒粒，面頭加上新鮮熱情果。口感好厚身，飲落係香甜香甜芒果味帶粒粒籽，味道少甜。芒果梛汁糯米飯 $98 另加一芒果梛汁糯米飯有新鮮香甜多汁芒果肉伴熱辣辣煙韌糯米飯，加上香滑梛汁。口感味道都係完美芒果椰汁糯米飯呢道甜品應有嘅水準！今餐食物飲品高質，餐廳環境裝修好靚，平日午市好多人，上菜速度快。…查看更多

這家泰菜餐廳食物水準穩定。大蝦柚子沙律 這道泰式沙律以鮮甜大蝦與清爽柚子為主角，配魚露、辣椒和檸檬汁調味，酸甜微辣中帶有柚子的果香。花生碎和香菜的點綴增添口感與香氣，開胃又解膩，是夏日必試的經典泰式前菜。 炭燒雞串沙嗲炭火烤製的雞肉串外焦內嫩，帶有微微煙燻的香氣。秘製花生醬香濃，亦可配搭清爽的黃瓜酸辣醬以平衡油膩感。 大頭蝦配秘製咖哩肥美的大頭蝦浸泡在香濃的泰式咖哩中，以香茅、泰芫荽和椰子醬熬煮，咖哩辛香中帶有椰奶的溫潤。蝦肉飽滿彈牙，吸滿醬汁的精華，配米飯或烤餅都令人滿足。 虎蝦金邊粉經典的泰式炒金邊粉，鑊氣十足，虎蝦鮮甜彈牙，搭配豆芽、花生碎和羅望子醬，酸甜鹹香平衡得恰到好處。麵條Q彈，每一口都充滿層次，是泰國街頭美食的代表之一。 芒果糯米飯泰國最受歡迎的傳統甜品。香甜多汁的芒果與溫熱軟糯的椰香糯米飯形成絕妙對比，淋上濃郁的椰漿，冷熱交融，特別喜歡超級香甜的芒果。Coconut Smoothie冰涼的椰子奶昔口感綿密滑順，椰香濃郁自然，甜度適中，是消暑的最佳選擇。 Calamansi Lemonade以泰國小青檸調製的檸檬水，酸爽清新，帶有獨特的柑橘香氣，加入少許糖漿平衡酸度，解渴又提神。…查看更多

最近我品嚐了一系列精緻的泰式菜餚，讓我驚喜不已。#### 燒烤和牛串配南醬這道菜的和牛串外焦內嫩，肉質豐富多汁，搭配的南醬香辣適中，增添了層次感，讓人一口接一口。#### 泰式大蝦咖哩這道咖哩的香氣撲鼻，蝦肉鮮嫩，咖哩醬汁濃郁，帶有淡淡的椰奶香味，配上白米飯，簡直是絕配。#### 蟹肉煎蛋卷蟹肉煎蛋卷的蟹肉新鮮，蛋皮輕盈，口感滑順，讓人感受到海鮮的鮮美，十分誘人。#### 鮮蝦柚子沙拉這道沙拉清爽可口，鮮蝦與柚子的搭配，酸甜中帶有一絲咸味，讓整道菜品更加清新，適合夏季享用。#### 椰子冰淇淋甜品的椰子冰淇淋口感絲滑，椰香濃郁，為這頓美餐劃下了完美的句點，讓人回味無窮。加上兩杯特飲 - Tuk-Tuk Journey，Coconut Smoothie， 清爽又好味。這一系列泰式菜餚不僅色香味俱全，還帶來了豐富的口感體驗，值得一試！可以去元創方觀賞展覽嘅同時又試到美味的泰國菜，一舉兩得。…查看更多

同friend去PMQ行街，肚餓之際發現呢間超有泰國風情嘅BKK Thai！一入門口就聞到陣陣香茅同椰香，仲有泰籍店員用泰文打招呼，真係好似去咗曼谷咁～ 炭燒和牛串配東北酸辣汁- 用日本A4和牛粒，炭燒到外脆內嫩 - 特調東北酸辣汁用魚露+青檸+指天椒調製 - 建議點少許薄荷葉一齊食，清新得嚟又解膩 冬陰功 (原隻虎蝦版)- 湯底用足8小時熬製，加入新鮮香茅、南薑 - 虎蝦足足有手掌咁大，蝦頭爆膏 - 可自選辣度，小編覺得中辣最過癮 虎蝦金邊粉- 選用泰國空運金邊粉，炒得乾身唔油膩 - 虎蝦開邊煎香，蝦膏多到漏出嚟 - 伴碟有花生碎、青檸、芽菜，自己撈勻最正 香辣炒手切和牛碎- 手切和牛碎保留肉質口感 - 用泰國鳥眼椒爆炒，辣度十足 - 配埋炸脆嘅泰國香葉，口感層次豐富 芒果椰汁糯米飯- 芒果每日新鮮到貨，清甜冇渣 - 糯米飯用泰國進口糯米，淋上熱椰漿 - 仲有脆米增加口感，凍食熱食都得 個冬陰功真係飲到停唔到口，酸辣度平衡得啱啱好～ 金邊粉嘅鑊氣令我諗起曼谷街頭小攤！…查看更多

[ BKK ]BKK主打泰式街頭小吃，裝修走型格路線，非常有格調。✿ 蝦餅配蝦沙律🍤🍤蝦餅外皮酥脆，內裡蝦肉彈牙鮮甜，蘸上泰式甜辣醬更顯風味，另一醬汁酸辣開胃🤤。✿ 泰式辣椒糕炒沙白配免治雞肉粉絲湯🥘辣椒糕炒沙白鑊氣十足，沙白肉飽滿無沙，醬汁香辣濃郁🌶️，帶微微甜味，免治雞肉粉絲湯頭清甜，雞肉碎與粉絲口感搭。✿ 泰式大蝦炒飯🍚炒飯粒粒分明，鑊香十足，大蝦🦐新鮮彈牙，搭配泰式香料與魚露調味，鹹香中帶點微辣。份量充足。✿ 芒果椰汁糯米飯🥭經典泰式甜品，芒果香甜多汁，糯米飯軟糯帶椰香，淋上濃郁椰漿後甜而不膩。溫度適中，糯米黏度剛好，作為結尾非常滿足😌。✿ Linchee LemonadeLinchee Lemonade 清新酸甜，荔枝香氣突出❤️。✿ Thai CollinsThai Collins帶香茅與檸檬草清爽，兩款飲品均解膩又適合配餐🍹。總結🫦BKK菜式地道，環境充滿泰式風情，服務親切。每道菜份量足，調味平衡，整體體驗值得回訪！✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿ BKK地址：香港中環鴨巴甸街35號PMQ元創方A座Staunton地下SG09-SG14號舖電話：2330 0306✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿…查看更多

呢間位於元創方嘅泰國餐廳，有室外同室內座位，環境好舒服，座位闊落，啲staff都好nice🤩✨泰式和牛炒粿條 Pad See Ew推薦度：9.6/10和牛份量好足，牛味香濃，粿條炒得好香，配埋蛋同芥蘭苗好惹味🤤✨蟹肉炒飯 Crabmeat Fried Rice推薦度：9.2/10熱辣辣嘅炒飯，蟹肉份量好多，每粒都好飽滿，好滿足🥹✨炭燒雞串沙爹 Chargrilled Chicken Satay推薦度：9.1/10雞串啖啖肉，點上秘制花生醬，花生味好重，仲有配上醃青瓜可以解膩(*ˊᗜˋ* )✨蝦餅配酸瓜bb蝦 Shrimp Cake With Shrimp Herb Salad推薦度：9.3/10自家製大大舊蝦餅🥰啲肉好厚實，炸得好香脆！✨芒果椰汁糯米飯 推薦度：9.3/10熱辣辣嘅糯米飯，椰奶好香，配上凍冰冰嘅芒果，芒果好甜又多汁😚✨Mango & Passionfruit Smoothie推薦度：9.2/10芒果同熱情果沙冰好fresh，甜度適中，係新鮮水果嘅味道( ˊᵕˋ*)✨Coconut Smoothie推薦度：9.2/10椰子沙冰好清爽解膩，飲到少少斑斕味🤏🏻男小編👦🏽：味道：9.4/10環境：9.5/10服務：9.5/10性價比：9.1/10📍 BKK (中環)中環鴨巴甸街35號PMQ元創方A座Staunton地下SG09-SG14號舖‧₊˚ ୨୧ ˚₊‧ ⋆𐙚₊˚⊹ ྀི ⋆౨ৎ˚⟡˖ ࣪ 𓈒 ˖ ࣪ 𝜗𝜚‧₊˚ ୨୧ ˚₊‧ ⋆𐙚₊˚⊹ ྀི ⋆౨ৎ˚…查看更多

今日雖然有啲雨但係都想文青一番， 所以都嚟左PMQ逛一逛同埋食午餐， 其實我都幾鍾意中環嘅活化地方同埋嗰度嘅餐廳， 例如中環街市，大館同元創方， 黎到PMQ我就揀咗喺地下嗰層嘅＜BKK Thai Street food>🥰餐廳裝修好靚，有幾個打卡位幾有氣氛， 包括門口附近一個大嘅卡位，同埋對住原創方中庭表演區 嘅吧台位！叫咗幾款菜式，每樣都唔錯👍 推薦大家試吓泰式生蝦、蟹肉炒飯同大頭蝦秘制咖哩🍛咖喱有少少甜味同椰漿味，我幾鍾意😎 但係主角一定係兩隻巨型嘅大蝦😍 個蝦頭好脆，好好味， 蝦肉都彈牙 呢個配搭同份量真係啱啱好🫶🏻…查看更多

隱藏在中環元創坊（PMQ）的創意中心BKK 彷彿將你瞬間傳送至曼谷的熱鬧街頭以充滿活力的正宗泰式風味和悠閒氛圍征服味蕾🦐泰式蝦生 超新鮮豐滿的蝦 生食搭配酸辣柑橘醃汁 海鮮的細膩甜美盡顯無遺 以青檸的酸爽和微微蒜加辣度 好開胃🍢烤和牛牛肉串 入口即化的嫩滑和牛 烤至煙燻完美 串上竹籤並點綴泰式香草 多汁豐盈 是多數人喜愛的首選🥘泰式大蝦咖哩 搶盡風頭 絲滑椰奶融入香茅和青檸葉 包裹大蝦大蝦鮮甜帶膏 口感彈牙 在微辣 風味深厚的湯汁中 層層奶香與芳香深度令人回味🐮和牛炒寬米粉以鑊氣炒香 拌入嫩綠蔬菜 雞蛋和鹹香醬油Q彈米粉吸收每絲煙燻風味 帶來甜 鹹 每一口都讓人欲罷不能🥭芒果糯米飯 熟透多汁的芒果片 配上溫熱糯米飯 淋上奶油椰醬並灑上芝麻 帶濃椰香味 煙靭 為整頓飯畫上完美的句號Berry refresher 混合漿果 氣泡蘇打和薄荷的果味爆發 輕盈振奮 完美適合香港潮濕天氣Lychee lemon 荔枝檸檬水 將花香荔枝與酸澀檸檬融合 既甜酸又讓人上癮…查看更多

八爪魚串燒串燒賣相好靚，打卡一流，配埋參巴醬食勁惹果。大頭蝦冬陰功冬陰功湯嘅香料味唔算好出，入面有大頭蝦同埋好多秀珍菇。芒果糯米飯暖笠笠嘅糯米飯，配上有濃厚嘅椰汁，唔會太甜，芒果大大粒，又甜又有汁。秘製咖喱配大頭蝦有兩大隻開邊嘅有膏大頭蝦配埋秘製咖喱配飯一流蟹肉炒飯呢個炒飯真心要試吓，超級有鑊氣，熱辣辣上碟，仲有粒粒嘅蟹肉。一杯好清新嘅感覺，有椰子水同埋班蘭葉嘅香味，酒精濃度唔會太重，好易入口。另外一杯就比較偏甜身，有果香味。BKK (中環)中環鴨巴甸街35號PMQ元創…查看更多

趁打風前，明知道有兩日都冇得出街食飯，所以今日收工之後即刻約朋友喺中環PMQ度食一間高質泰國菜，呢間之前嚟過幾次，食過唔同嘢都覺得超高水準，每次同唔同嘅朋友嚟都讚不絕口，重點就係呢度裝修真係勁有心思，由一行入嚟嗰一刻就已經覺得好似行咗入泰國嘅古仔入邊咁樣，呢度所有嘅服務員態度都好好，成個感覺就係好warm and welcoming。今日一坐低即刻嗌咗兩杯嘢飲，包括超級清爽嘅berry refresher，呢個除咗師妹，更加有青瓜， Facial，薄荷，蜜糖同埋cold brew green tea，超級refreshing，大推！朋友就要左vodka soda。chargrilled octopus with sambal sauce都係好出色，skewer 嘅presentation，一口八爪魚，一口蕃茄，在一口菠蘿，味道好balanced。thai shrimp sashimi都好新鮮。khao soi with beef cheek係泰北好出名嘅名菜，呢度用上牛肉面，煮得好腍好入味，咖喱湯底配埋酸菜真係好開胃！fried red snapper with slice green mango salad睇落好似好大份，但係我哋真係勁快就食晒，越食越開胃！最後要食埋個Coconut ice cream啦！…查看更多

上次來過，吃過炸紅鯛魚印象深刻，因此今晚再來這裏。炸原條紅鯛魚配青芒果絲沙拉，上次來到吃過這條魚，印象深刻，廚師已經將魚肉起骨，炸成魚塊，香脆可口之餘，加上醬汁酸酸甜甜，和木瓜的清新感覺，這個魚必定要是。虎蝦金邊粉，虎蝦爽口彈牙，金邊粉香氣四溢，加上辣椒粉的香氣，置身於泰國之中。炭燒雞串沙嗲，雞肉帶點炭燒香氣，加上自家製的沙嗲醬，花生味道香濃，帶有濃郁的東南亞特色。泰式生蝦，每隻生蝦都有蒜片和指天椒，生蝦爽口彈牙，加上酸辣醬汁，更加惹味。Mango & Passionfruit Smoothie，芒果和熱情果都是個人最愛，兩者加在一起，酸酸甜甜，非常配合泰國特食物。Calamansi Lemonade，又是一種開胃飲品，口感清新。芒果椰汁糯米飯，芒果甜度適中，糯米飯煙煙韌韌，椰漿份量十足，如果芒果再一多一點，更加美味可口。…查看更多

BKK 喺 PMQ 元創方地下，本身唔知道PMQ竟然有餐廳😂 裝修係泰國街頭風😎 雖然人多但係空間幾寬敞，坐得舒服🥳 氣氛一流！炭燒雞肉沙嗲 ($128)得四串炭燒雞肉沙嗲，香港價錢🙂‍↕️不過賣相唔錯，雞肉串金黃色，配沙嗲醬汁🥰 食落雞肉嫩滑帶炭燒香，沙嗲醬濃郁微辣甜😍 整體味道平衡，唔會過重口味，泰式風味明顯！泰式和牛炒粿條 ($158)網絡配料都幾豐富，上面有和牛片同配菜🤤 粿條乾身炒得香，食落煙韌彈牙，和牛嫩滑多汁，鑊氣十足，加埋啲配料，每一啖都好有層次😋 整體幾好食，係正宗嘅泰式炒河粉感覺， 但和牛份量略為少咗啲😬芒果椰汁糯米飯椰子新地 ($108) (已停售)估唔到最尾甜品先係最好食，超級打卡able，滿滿新鮮芒果配糯米飯同椰汁🥰 糯米飯軟糯香甜，芒果完全唔酸，鮮甜多汁，加埋椰汁 令整體感覺清新，最有驚喜😍 甜品控一定要試吓，雖然價錢貴咗啲，但係都推薦食呢個甜品👍🏻整體嚟講成餐飯幾好食🥳 喺 PMQ 中環搵到咁正宗泰式街頭菜真是一個驚喜，尤其個甜品非常出色 （不過原來已經冇賣）😋 但價錢偏貴，性價比一般🙂‍↕️…查看更多

Having time off on a Friday, we treated ourselves to a lunch out here- as well to enjoy a drink or two within lunchtime offers. You see, mine was the tipsy cooler with a piece of kaffir leaf. Starter was an appetisingly refreshing vinaigrette-dressed beef loins rice noodle salad; mains we picked the essential chicken curry with Thai jasmine rice, and very yummy stir-fried beef flat noodles; it’s a ritual to finish any Thai meals with mango sticky rice, here they served our dessert using coconut milk covered freshly steamed sticky rice. Love the staff friendliness and retro decor too! …查看更多

聽朋友介紹，第一次嚟到PMQ元創方覓食👀 雖然路程有少少遠，但有美食加持之下，絕對值得嚟試‼️【炭燒和牛串配東北酸辣汁】
牛肉串炭香十足，肉質嫩滑唔鞋口👍🏻 東北酸辣汁令成個串燒層次提升，酸酸辣辣更加開胃，食完一串又一串🤤🤤【虎蝦金邊粉】
金邊粉炒得有鑊氣又唔油膩，羅望子醬帶出酸甜味道，虎蝦爽口彈牙，加上花生碎、芽菜等配料，充滿層次💕【蝦餅配酸瓜BB蝦】
外脆內彈🤓 大大舊嘅蝦餅絕對唔馬虎，食得出落咗好多蝦肉，而唔係用粉溝埋就算。配埋甜酸醬，係我私心最愛嘅泰式小食👍🏻【香辣炒通菜】
通菜炒得夠火喉，保持到爽脆口感。辣味唔算太強，唔千食得辣嘅朋友都接受到😉…查看更多

PMQ的泰國餐廳，裝修好有泰式風情出品有誠意而且環境乾淨企理坐得好舒服芒果糯米飯同炒金邊粉係頭號最愛🎈泰式生蝦必點小食，醬汁酸酸甜甜好開胃🎈炭燒雞串沙爹沙嗲串燒當然係必點，沙嗲醬帶花生香雞肉外香內軟肉質軟腍，加上沙爹醬相當惹味🎈炸原條紅鯛魚配青芒果絲沙拉炸紅鯛魚外皮薄脆，內裡有肉汁味道微辣，醬汁酸酸甜甜好開胃配爽脆木瓜沙律一齊食，清新無負擔🎈虎蝦金邊粉味道甜甜哋好易入口，鮮蝦大隻彈牙配豆乾、蛋絲，加上辣椒碎同青檸，香味更提昇🎈芒果椰汁糯米飯飯後再享受經典泰式甜點，完美…查看更多