莆田 (荷里活廣場)

營業中

休息中

每年哆頭蟶最肥美既季節，都會黎莆田試佢地既哆頭蟶菜式😳招牌鐵板鹽焗蟶係必食之選，呢個係莆田當地既經典食法，既保留到哆頭蟶既鮮甜，再有少少海鹽味提鮮🤤雖然塊鐵板滿滿既海鹽，但食落都唔會過咸。另一款既哆頭蟶揀左椒鹽，惹味既煮法食落又有唔同既口感，意外地連配料既椒鹽茶樹菇都好好味，香口到食唔停口😋😋除左哆頭蟶，呢度既福建菜都做得幾出色，芋香鴨脆脆地外皮包住好綿密既芋泥，夾起上黎唔會一下散晒。五香八角味都幾重，美中不足係鴨肉比較柴，芋泥成為呢道菜既主角擔當。見到隔離枱有煲飯幾得意，我地又跟住叫，呢個包菜飯係類似燜飯咁，加左好多配料如包菜、滷肉、蝦米、蟶乾、乾貝等。一上枱香味十足，食落味道帶住少少海味乾既甜味，雖然好飽但都食得落幾碗飯😆本來叫左咁多野食已經好夠，但臨尾見到宜家做緊個「百秒黃花魚」既半價優惠好抵食，忍唔住叫埋試下。顧名思義係用一百秒時間去燜熟條黃花魚，時間火喉控制得岩岩好，魚肉軟嫩，少少調味已經帶出到個魚鮮。叫太多差D食唔晒勁飽🙈心思思再想encore多次試下其他哆頭蟶既煮法同福建菜式。