影片
更多
2020-06-05
5359 瀏覽
好耐無食buffet,，唔同酒店都做緊好多優惠，求其㨂左呢間黎試。6點半開始dinner buffet，差唔多時間我地先到，外面已經排晒長龍，平日夜晚都好多人🙈入到去坐低，就衝出去拎生蠔，每次只限拎3隻。仲有其有海鮮-螺，蜆，蝦，青口。生蠔都幾大隻，幾creamy，金屬味重，唔係即刻開殼，係已經開好一盤，師父沖一沖，刷一刷放落冰度自己拎。啲蜆幾鮮味，淡淡地。螺唔爽口，有啲韌。沙律菜唔算好多款，但基本嘅都有，蔬菜幾新鮮。魚生好一般，見啲顏色都唔太想食，頭一輪有人排，之後經過都無咩人熱盤重點係龍蝦同羊架，龍蝦肉有少少韌，但有蝦子蝦膏，😆👌🏼嘅羊架就好淡味，但肉嫩，加返啲鹽/醬汁食會更好。熱盤仲有啲印度菜，薄餅唔錯，加埋咖喱汁😋😋。當然仲有中菜-炒荷蘭豆，京葱牛肉，椒鹽排骨，星洲炒米同湯粉，都唔錯。仲有個燉湯，好味，飲左好多碗。芝士附近仲有西湯同蟹粥。甜品就最吸引，movenpick有8種味，朱古力有朱古力薄片喺裡面，😋😋，抹茶都唔錯，唔算超濃，唔會好甜。雲呢嗱都好食，乳酪味正常，另外士多啤梨同熱情果就有啲酸，焦糖燉蛋味有啲甜🙈。呢度都幾多抹茶甜品，試左個抹茶千層，我只食到千層酥嘅牛油味，食
6點半開始dinner buffet，差唔多時間我地先到，外面已經排晒長龍，平日夜晚都好多人🙈
入到去坐低，就衝出去拎生蠔，每次只限拎3隻。仲有其有海鮮-螺，蜆，蝦，青口。
生蠔都幾大隻，幾creamy，金屬味重，唔係即刻開殼，係已經開好一盤，師父沖一沖，刷一刷放落冰度自己拎。啲蜆幾鮮味，淡淡地。螺唔爽口，有啲韌。
沙律菜唔算好多款，但基本嘅都有，蔬菜幾新鮮。
魚生好一般，見啲顏色都唔太想食，頭一輪有人排，之後經過都無咩人
熱盤重點係龍蝦同羊架，龍蝦肉有少少韌，但有蝦子蝦膏，😆👌🏼嘅
羊架就好淡味，但肉嫩，加返啲鹽/醬汁食會更好。熱盤仲有啲印度菜，薄餅唔錯，加埋咖喱汁😋😋。當然仲有中菜-炒荷蘭豆，京葱牛肉，椒鹽排骨，星洲炒米同湯粉，都唔錯。仲有個燉湯，好味，飲左好多碗。芝士附近仲有西湯同蟹粥。
甜品就最吸引，movenpick有8種味，朱古力有朱古力薄片喺裡面，😋😋，抹茶都唔錯，唔算超濃，唔會好甜。雲呢嗱都好食，乳酪味正常，另外士多啤梨同熱情果就有啲酸，焦糖燉蛋味有啲甜🙈。
呢度都幾多抹茶甜品，試左個抹茶千層，我只食到千層酥嘅牛油味，食唔到抹茶，之後都無試其他抹茶野。 仲食左朱古力馬卡龍，已經唔脆，無咩朱古力味，但唔會好甜。仲試左朱古力麻糬曲奇，本來都幾期待，但咬落去，個曲奇唔錯架，但啲麻糬就唔夠煙韌，韓國嗰種真係咁？
見有仙草芋圓，要左一碗，啲珍珠好煙韌，芋圓有3粒，味道正常，仲有啲芒果，同好多仙草，整體ok,但上面啲紅豆好甜，唔落會更好。唔係特別想話試晒，建議都係留quota食雪糕！雪糕球除左用碗用cone, 仲可以用泡芙夾住食😋
食物味道正常，款式唔算多，主要食生蠔，龍蝦同movenpick。恒生卡72折，折完～$532！
另外見好多枱生日，會送個朱古力小蛋糕🥳好唔好食就唔知😛
張貼
