HANA Korean Restaurant

Happy Friday 同朋友去左依間由正宗韓國Oppa開既韓式料理餐廳，不過店舖唔算大，唔想排隊等太耐既朋友，可以預先透過Openrice於網上預約架，超級方便。韓國餐廳多數以韓式燒烤為主，依間餐廳主要賣點係熱辣辣既韓國粥同烏冬麵，今次我地點左 「泡菜章魚粥」同「釜山魚糕烏冬」。兩款食物唔好睇佢細細鍋，真係落足料架！怕辣既朋友都唔洗驚，泡菜粥好容易入口，唔食得辣既我都食得津津有味，仲成碗食哂添，每一啖都有章魚粒粒，食完成個人都暖哂，至岩依家開始轉冷既天氣去食。烏冬方面，唔好睇個樣好似好Dry感，一串魚糕有成8舊！烏冬仲要大大碗，食極都仲有，一啲都冇偷工減料，烏冬仲要好彈牙添，男女食都一定夠哂飽。